[中原施生入] 如何做個成功而受尊重的地產經紀


在香港,有兩個正當但斷六親的行業:

  1. 地產經紀
  2. 保險經紀

但是,為甚麼經紀要斷六親呢?

 

做經紀即Agent亦叫做代理,顧名思義係做買家與賣家中間的代理人,幫手促成一宗交易,從而賺取佣金。

由於地產Agent(所謂 AA) 同時代表買家與賣家,理論上係應該代表雙方的最佳利益,而且應該保持中立客觀。

實際上,很多AA只以自己(及地產經紀公司) 的利益行事,而非以客戶(即買賣雙方) 的利益行事,從而做出很多荒誕的事情,令到地產經紀這個行業蒙羞。



其實,做個能真正為客戶帶來價值的好 AA,長遠來說才可能成功。反之,只在乎短期利益的差AA,雖或可得一時之利,很難有回頭客,十年過去還是靠Cold call,肯定沒甚麼作為。

做個成功而受尊重的地產經紀,practically speaking,其實唔難:

 

1. 心態決定成敗:決志做個幫人的AA

同樣年資的AA,有些已經做到區域經理,甚至總監,但更多的AA還在Cold Call每天被拒絕,被Cut線後爆粗媽叉(潛在)客戶,潛移默化令本人言談態度也變得粗魯不耐煩,進入惡性循環。

人要有任何改變,必須從心態開始:改變,徹頭徹尾的改變!

 

2.不要個個盤都話係荀盤

可以比幾百萬買樓的人,通常都唔係傻仔,尤其記錄中曾經買賣過千萬的樓的人,大部份更係資深樓宇買賣的老手。

很多AA的問題,就係打比熟客(或公司databaase裏面的客),然後告訴他們:呢個新盤 One Homantin 好荀啊! 下? 呢排無打算買樓? 咁不如睇下Savannah 啦,價錢超抵啊!

 

其實,當個客話左呢排無興趣買,就真係無興趣買。死纏爛打只會有反效果,令個客覺得你好煩。

 

3. 產業升級:做AA唔係賣樓,係賣專業服務

承上題,AA切忌死纏爛打,咁點賺錢?

其實,做AA係要考牌的職業,雖然唔洗好似律師醫生讀咁多書,但總算要考個牌。考得牌的,無論是醫生律師,或是經紀與的士司機,都要有一定的專業知識,以及有 Ehtics的要求。

做個稱職的AA,熟悉經濟市況,各區樓盤特色,銀行按揭承造等是基本。但很多行業害群之馬連呢d基本功都唔熟,靠扼扼騙騙:明明前面就起樓,都話有永久海景,明明距離地鐵站20分鐘,都要話5分鐘行到( 喂!跑步咩大佬?)。

百貨應百客,前面無景觀,咪同個客講明囉:呢個單位對正馬路同埋對面d樓,呢方面如果有景的可能貴多30-50萬。

講清楚,通常個客仲好appreciate添。

而且,能夠真正了解客戶所需的,才是好AA。買樓自住的係一家幾口?附近有咩中小學?Band幾?難唔難入? 附近買餸方唔方便? 街市開到幾點?返中環搭咩車? 等幾耐車? 尾班車幾點?

能升到上去的爆數AA,唔係一尾靠Chur客,而係真係要真正幫客戶解決問題。

搬屋買樓,唔係買棵菜,係非常重大的決定,大概僅次於結婚同轉行,有極多重大而複雜的考慮。

 

4. 尊重自己:  搵食姐…《激戰》留返比張家輝

Credit: Apple Daily

Credit: Apple Daily

雖然呢個好明顯只係少部分害群之馬的行為,但真係唔好再有AA打架的新聞,唔該,影衰全行。

 

5. 成為客戶最信任的顧問

如上述,買樓除了對樓盤市況的知識以外,還有太多其他的學問與考慮,上至天文地理/法律/教育政策,下至交通與風水。AA除了 “吹得兩嘴” 外,最好有紮實的知識基礎。曾要一個傳奇AA 甚至去讀了個法律學位,後來更升至某大型地產公司高層。由此可見,知識改變命運,即使在香港,不一定是假的。

 

6. 把客戶的事當成自己的事

做AA,唔係到客戶簽Pre-lim 臨時買賣合約就可以開香檳慶祝,做個稱職AA,最好主動幫手follow up下,例如同雙方律師跟進下,update下進度等等。

 

7. 有禮貌

客戶幫你開張單,送個客到門口是基本的,更稱職的AA會主動送到去搭車,順便再傾多幾句:目的不是想客戶再買多間,而是更深入了解客戶要求,睇下仲有無d咩幫到手。 個客對你印象深,下次買樓或有referral自然會找你。

 

8. 食少支煙

形象問題,呢個好洗解釋。

 

SJ結語

做個敬業的地產經紀,長遠一定跑出。

一定要造出個人品牌信用價值,才能發圍。

時刻記住,千祈唔好念住一次“昆” 到個客就過關

要係呢行長遠做得好,一定係:回頭客,回頭客,回頭客

 

 



StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ個仔 ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

以下係默默支持SJ的廣告商,啱用去睇:




按下圖,立即向StealJobs匿名爆料人工資料 Submit Job Review

comments

Tags: , , ,

Comments are closed.