成日話香港打工仔得返半條人命,根本就唔係!


無論喺地鐵、茶記定係等過馬路,我經常都聽到一班頭耷耷嘅香港人講一句:「唉,做到得返半條人命…」

次次聽到呢一句,都會觸動我嘅大腦神經,
覺得呢班人實在太過誇張啦!
成日講埋啲超現實嘅嘢,最慘係你講下講下,
啲人會信架嘛,你知我哋冇咩獨立判斷能力架啦!

搞到個個都講「唉,做到得返半條人命…」

得返半條人命?呢啲係咩思想呀?
我真係想問你哋…………

你哋邊有半條人命咁多呀!!!
會唔會太樂觀呀?

我數學都差,但加減乘除都仲OK嘅。



一日24粒鐘,你返朝9晚7,返工放工各需要1粒鐘,咁加埋工作時間就係12個鐘。
嗱,呢啲就係「做到得返半條人命」嘅適當示範啦。

咁所以呢,基本上一入職場,大家都「半條人命」咗。

但若然你好不幸,會出現OT情況、或者「帶返屋企做」,甚至會喺公餘時間Check Email同覆公司Wtsapp。
恭喜你啦,你基本上係唔擁有半條人命,
你頂盡係得四份一條人命。

計算方法非常公平。
24除4,即係6粒鐘。
嗱,係唔係突然有種「係喎,好似又真係得6個鐘係屬於自己喎!」

呢6粒鐘就係你嘅生命,多數投資喺周公身上,
所以呢6粒鐘又稱為「標準公時」(標準嘅休息時間,唔需要經立法會嘅)。

但有時你太想Relax,拎2粒鐘打機,咁「公時」就得返4粒鐘,
好唔標準,自然就會眼瞓。

而十個香港人,九個都係得「四份一條人命」,
剩低嗰位,得八份之一。

所以當大家覺得工作好辛苦之際,
要學識講一句:「唉,做到得返1/4條人命…」
呢種說法會相對接近現實,
亦顯示一班打工仔(即係我)係如何笨實。

我真係希望喺有生之年,可以見到香港嘅工作文化有所改變。
好似外國咁,Office Hour盡做、Out of Office真係唔做。
將「1/4條人命」變返做「半條人命」。
起碼,大家都仲有「半個人生」呀。

老死阿強同我講:「我發夢都返緊工喎,咁算係咩?」

好簡單啫,即係你做到冇咗條命囉。

仲講,早啲瞓啦,你老闆等緊同你喺個夢度開會呀。

 

Also on SJ: 我們是否「年年歐遊」的迷失世代?

 

SJ 結語

2萬元,靈魂賣給大財團。3萬元,令每天都沒了沒完。

 

原文轉載至張晨(“鳥”不起)《《成日話香港打工仔得返半條人命,根本就唔係!》,獲授權轉載。

 

 



StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ個仔 ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

以下係默默支持SJ的廣告商,啱用去睇:




按下圖,立即向StealJobs匿名爆料人工資料 Submit Job Review

comments

Tags: , ,

Comments are closed.