月薪1萬2千大元在香港過的是怎麼樣的生活


SJ 今日讀完南華早報篇文 Hong Kong second most expensive city in the world for expats, survey says (香港淪世界居住第二貴城市)僅次Luanda 羅安達,比蘇黎世及新加坡都前。筆者真不禁倒抽幾口涼氣。雖然住係而個城市已二十多年,物價貴也是知道多年的常識。只是每每看到這些標題都不禁覺得,我們這個豆丁城市“進步”(加上招牌蟹鉗手勢唔該~)得太快了。

因此唸到分析下月薪萬二打工仔(or maybe 自顧人士)係香港可以點生活。點解係萬二?因為呢個係不少Fresh Grad的市價(三大 or not)。純碎以個人觀點出發,亦歡迎讀者係月薪2萬,4萬,8萬,10萬或更高薪人士投稿至SJ 分享佢地的睇法 。

 

 

珍貴的萬二

好不容易同老細bargain到萬二月薪,終於可以同父母拿錢洗的年代say byebye啦~ 但你的人生低潮期亦隨即來臨。以前你覺得自己大個咗會搵好肯多錢。以前你覺得自己一畢業可以變龍變虎入大摩細摩。甚至覺得做兩三年野就可以住豪宅買靚車。理想係豐滿的,而現實係充滿骨感的。這些“夢”想即被這區區萬二KO! this is ALL!  U! GET! 

月薪萬二,除咗頭3個月會拿足之外。3個月後萬二的5%會用作每月強制性公積金,俗稱MPF。因此,你拿到手只有HK$11400。如果計埋稅,每HK$10000平均個月稅收HK$40,所以實際只有HK$11360。



 

你可能感興趣:老闆口中的謊言,你中伏了嗎?

 

住の費用

如果你同阿爸阿媽細佬妹住,恭喜你已經節省一筆可觀費用。

就算你用盡萬二想租間屋住,係2015年的香港都唔係太可能。所以,好多人選擇住“劏房”

假設standard劏房即廁所廚房共用,間房得張床同張working desk,合租一個人盛惠4,500左右。剩 … HK$ 11,360-4500=HK$ 6,860。

水、電、煤、上網、電視,粗略估計200(我知好多人係熒幕面前開始左右fing頭)。

剩… HK$ 6,860-200=HK$ 6,660。

 

交通の費用

住九龍,港島返班買港鐵都會票40程HK$400 (約莫計埋都要600掛?) 搭巴士打個9折360啦~ 如果好唔好彩你遇著要搭TAXXXXXI,sorry maybe HK$100?

so…  HK$6660 – 600 – 100 = HK$ 5960。

 

食の費用

一日三餐再加埋生果,零食,買水等,每日平均至少都要HK$80-100,100*30=HK$ 3000。so … HK$5960 -3000 = HK$ 2960。

係咪已經好灰?

 

生活の費用

如牙膏,牙刷,洗頭水,女仔的話唔買化妝品,護膚品,1年剪1次頭,冒著可能早衰老的風險每月只用HK$ 100-200。剩 HK$2960-200 = HK$ 2760。

購置衣褲鞋襪袋,拒絕NEW ARRIVAL,眼只望ON SALE 或 90% discount 的地方,豪盡HK$600 (大家唸唔唸到其實600蚊可以買咩?) 。剩 HK$ 2760-600= HK$ 2160。

電話費方面,多得科技發達現代人係唔需要打電話的,所以電話費好便宜。但上網費好肯貴!大家同唔同意?500MB已經係咸豐年代的流量。依家無5GB容量都會失去聯絡。盛惠 HK$380。不過如果你選擇用中移動的2G或3G plan 其實都抵架好似50蚊都已經用唔(到)曬:)。剩 HK$ 2160-380 = HK$1780。

 

你可能感興趣:25歲才明白的10個人生無奈

 

交友の費用

無男女朋友每$月600(咁你有其他朋友架嘛),有男女朋友 $1,200,中數 HK$ 900。剩 HK$1780-900 = HK$ 880 。

或以每2個月出現一次同事朋友同學結婚,生BB,生日等事件,每月平均HK$ 200 (做咩又fing頭?)。剩 HK$ 880-200= HK$ 680 。

 

父母親の費用

孝順父母,家用HK$500 (SJ按:世事就係咁殘酷) 。剩 HK$680 – 500 = HK$180

 

其實使費到而度,係未停止的。

如果你復活節、聖誕都去旅行話,每月額外支出HK$400 (given你要坐廉航或者凌晨2點撲住CX 的fanfare),咁就已經係負數~

前兩個月劉生的儲錢上車言論令全城嘩然,我地或者真係好大洗~~但我好希望佢可以計條數我地睇睇佢拿住萬二會點過。

 

你可能感興趣:請列舉所有能令我30歲1,000萬港幣身家的方法

 

SJ 結語

寫這篇文目的并唔係想打擊初出社會或點努力都係得萬二的求職者,而係想爭取大家共鳴的同時都鼓勵大家在這個全球第二貴狹縫中一定奮力抵抗,追求創新應該爭取時爭取,應該反抗時反抗。唔係人地話等發叔,你就要好似豬兜咁唯命是從~

SJ無法透露任何快速生財之道。市面的免批核借貸,免這樣個樣應有盡有應小心量力而為。

最後送上My Little Airport 的 《邊一個發明了返工》。

邊一個發明了返工 我要給佢米田共
邊一個發明了返工 返到我愈籬愈窮
為了薪金一萬元 令每天都沒了沒完
一萬元一萬元一萬元 靈魂賣給了大財團

邊一個發明了返工 以為自己好有用
邊一個發明了返工 阻礙我藝術發展重重
到了薪金兩萬元 我的青春就快用完
兩萬元兩萬元兩萬元 我有更多事沒法做完

我渴望有一個平原 沒有政府沒有治權
這平原這平原這平原 有好多個美女舞蹈團
邊一個發明了返工 唔系八婆就八公
邊一個發明了返工 返工係度玩接龍
到了薪金三萬元 我都應該唔會有三萬元
三萬元三萬元三萬元 三萬元D人通常都有D串

我渴望這一個平原 畢業之後D同學見唔完
見面唔會講買股票 買車
結婚 生仔 買樓 買船


轉載請註明StealJobs.com及原作者。 StealJobs全面透露各行各業人工,工時,晉升前景,以及入行攻略,歡迎匿名提供收入資料

Employers or publishers who object to the above content please read SJ Community Guidelines and contact us via email or Facebook message. The above content is mere opinion of the submitter(s), not facts, not from an official source, and might be inaccurate.
如對本網任何內容有任何意見或投訴,請按此聯絡本網,本網會盡快為您處理問題。 


立即加入StealJobs@FB 更多90後上位攻略

以下係默默支持SJ的廣告商,啱用去睇:




按下圖,立即向StealJobs匿名爆料人工資料 Submit Job Review

comments

Tags: ,

Comments are closed.

Share
Hide Buttons