當你聖誕節都唔去旅行時 你已經成熟了


2016年眨下眼就過去,相信99%的人都覺得:好得人驚。

今年Xmas特別無聖誕氣氛,最主要係因為天氣特別熱,幾乎著短袖都唔覺凍。不過點都好,總算有4日連續公眾假期,算係過左一個Long weekend,其實都無得Complain。

唔知道有幾多人同筆者一樣留港消費,但大家有無發現一個大趨勢:

 

近年只要打開FB,會發現越來越多人逢假期出遊。一年去幾次旅行,唔係去日本,就係去歐洲呢d高檔地區。春天賞櫻,夏天出海,秋天追楓,冬天滑雪。

然後再看看自己,近年去得最遠可能只係台灣同大陸,其中一半甚至係同工作有關(包括放假時間),更多時候其實係留港行山。



(抽水Mode:留港消費只限於被地鐵公司搵笨:年賺百億,年年加價,列車有少無多,車站無冷氣── 真心憤怒鳥 )

 

人地12月24號晚,一放工已經搶閘出機場,直飛北海道滑雪,雖然最終Trapped係機場鼓譟,但總算係非常picturesque的二世古滑雪場,用Go Pro拍下幾張超有型的相,亦影低一大板海膽刺身,係IG同Facebook 呃超過200個Likes,也可謂不枉此行。

反觀自己,雖然都有行山同搵朋友唱K開Party之類,但難得唔使工作,Boxing Day就stucked 係茶餐廳食個$50常餐(一樣搵笨),亦只敢考慮下年要去九寨溝定黑龍江,其一唔想浪費金錢,其二係工作走唔開。

 

有時不禁撫心自問:究竟,係大家都賺大錢,定係自己真係太失敗呢?

 

思考中

 

其實兩者皆非。

回顧自己剛從19大學畢業,進入社會大學時,打一份19k不到的19工。低迷期日日上網,睇StealJobs發現其實好多工連19k都無,而且工作環境更19。

但起碼當時,哪怕只有12日Annual Leave,仲會年年去3次旅行,其中2次仲係日本。雖然唔係大使,但每次去日本總花費2-3萬在所難免。

最巔峰時期,合埋眼都記得成條 JR 山手線所有車站的順序,成田機場降落搭N’EX 亦無需睇路牌,簡直係natural instinct。

幾年過去,小弟轉了行,換了3份工,有幸從19k的閒人冗員搖身一變,人工翻幾倍,Annual Leave更是加到>20日。

Credit: Blogger

Credit: Blogger

然而,奇怪的是,我竟然對旅行沒有了從前的朝思暮想,反而更專注工作與進修。當然,又唔係話完全無去旅行的興趣,其實一樣好想出走,去日本美國歐洲,但真係無乜衝動會立即Plan去旅行,就算去都好可能只係短途3-4日,甚至更傾向去大陸或台灣,而不是以前年年去幾次的日本,可能係因為:

 

1. 人大左,對金錢的觀念成熟左:以前以為幾萬蚊人工好好使,而家才發現儲錢投資才是王道,至於投資甚麼,最好的當然是投資自己,其次係為將來更大的發展做準備。

2. 工作開始有使命感:當你有一種sense of mission時,其實錢不是唯一的動力。而且,你會變到自動自覺,時時刻刻都在想如何在工作表現得更好,更能為公司與客戶提供價值。呢個時候,你會發現其實你無乜多餘時間,所謂20幾日Annual Leave 真係忙到用唔著。

 

幾年過去,工轉過幾份,發現其實份份工都有好有壞,當然也肯定有特別好與特別伏的工。

但幾年來人工翻幾倍,對工作又開始有使命感,自己真心的領悟,係其實自己的心態更重要。

你或許不能改變世界,但你能先改變自己。

其實好多人即使起跑線一樣,幾年過去就開始發現大家有明顯分野,長遠來看的差異更加巨大。

 

希望係充滿負能量的香港職場,我個人的經歷可以對其他StealJobs讀者有一點點啓發吧。

 

原文來自讀者投稿 StealJobs.com@gmail.com

SJ結語

想起電影Rocky的經典對白:

“It ain’t about how hard you hit, it’s about how hard you can get hit and keep moving forward, how much you can take and keep moving forward.

That’s how winning is done”

2017,希望大家都可以以做一個強者為目標。

強者不是霸道,更多是個人自信與修為。

 

唔知其他讀者有無類似經歷呢?

歡迎留言或PM投稿分享經歷。


轉載請註明StealJobs.com及原作者。 StealJobs全面透露各行各業人工,工時,晉升前景,以及入行攻略,歡迎匿名提供收入資料

Employers or publishers who object to the above content please read SJ Community Guidelines and contact us via email or Facebook message. The above content is mere opinion of the submitter(s), not facts, not from an official source, and might be inaccurate.
如對本網任何內容有任何意見或投訴,請按此聯絡本網,本網會盡快為您處理問題。 


立即加入StealJobs@FB 更多90後上位攻略

以下係默默支持SJ的廣告商,啱用去睇:




按下圖,立即向StealJobs匿名爆料人工資料 Submit Job Review

comments

Tags:

Comments are closed.

Share
Hide Buttons