華人能力對比:1. 香港人 2. 上海人 3. 星加坡人 4. 台灣人

假如在中環做Banking或跨國企業,唔難發現唔計洋人同印度人,基本上就係華人地區的「四大族群」所構成。

以中環返工的人數而言,大概排名就係 1. 香港人 2. 上海人 3. 星加坡人 4. 台灣人,相信大家身邊點都有香港人以外一兩個以上2-4的同事。

今次SJ就綜合身邊朋友的觀察與討論,分析每個族群的特點與能力。

Warning:本文可能以偏概全,玻璃心者請按此離開

 

1. 香港人

Credit: AP Photo / K. Cheung / DW

 

武力:3/10

謀略:7/10

領導力:3/10

魅力:5/10

靈活:9/10

語文能力:7/10

 

「香港仔」過去一百多年在中英兩大國之間的夾縫生存,而且仲十分繁盛,皆因其靈活變通的性格,令其在東西文化衝擊之間左右逢源。香港人出名「醒目」,話頭醒尾,識走位,識做世界仔,識搞氣氛,在貿易為主的商業社會如魚得水,擅長拉線做Deal賺取Commission或中間差價。

然而,香港人的弱點主要係缺乏霸氣,正如之前某位北京高官所講「香港人不懂做Boss」,唔夠Aggressive,領導力低下,Group Discussion缺乏存在感,在各行各業均缺乏Inspiring而又敢帶領潮流的領袖人物。而除非係外國讀書或「人生勝利組」那批,否則容易傾向內向及缺乏自信,可幸語文能力尚算唔錯,尤其係讀寫英文。

 

2. 上海人

 

Credit: NY Times

武力:4/10

謀略:6/10

領導力:4/10

魅力:6/10

靈活:5/10

語文能力:8/10

 

中國大陸地大物博就係人都知,而且乜都缺就係唔缺人。會在中環返工那批,相信已經係十三億人裡面Top 0.5%。其中又以上海人佔多數。上海人同香港人其實好多方面都非常相似,尤其係果種「國際視野」(有些人則稱作「崇洋」,視乎閣下的觀點與角度)。上海人可能係全中國最中意講英文的人口,而且食住「上海人」呢個名總係暗示自身有種優雅而高人一等的貴族氣質。上海人尤其活躍於所有美資英資MNC公司,又以金融類公司居多。

 

2A. PRC 上海人以外

武力:5/10

謀略:7/10

領導力:7/10

魅力:2/10

靈活:6/10

語文能力:5/10

相對而言,PRC 上海人以外比較崇尚武力或霸氣。不談政治,但上至投行MD,下至普羅大眾,開口埋口都話要打呢個打果個,一時就話教訓國家A,一時又話要武力收復地區B,打打打,而且普遍體格較為強壯。

事實上,無論係好定壞,PRC 上海人以外同事相對較有霸氣,唔怕醜,唔怕麻煩到人。與此同時他們返工做野其實都有一定優勢,反正達成目標就係王道,雖然唔係個個中意。

而香港返工以外,有一位大陸生之前在HKUST讀書,後來返深圳創立DJI 大疆無人機,年紀輕輕間企業就征服全世界。呢種生意,並非如港式貿易商賺差價生意,而係憑世界No.1 高科技而且攻城略地,跑馬圈地的「帝國生意」,夠膽而且拼搏去做Leader做老闆,確實呢方面可算係中國大陸朋友的強項。

 

3. 星加坡人

武力:6/10

謀略:9/10

領導力:6/10

魅力:6/10

靈活:3/10

語文能力:7/10

星加坡人出名「叻」,非常Brainy腦筋急轉彎。星加坡人讀書叻就世界聞名,西方最頂尖大學不乏人口小小的星加坡學生,皆因星加坡人真的好讀得,好Academic,IQ極高,而且全民以英文為母語,雖然Singlish有時聽起來有少少莫名奇妙,但起碼英文讀寫一流。

普遍而言,星加坡人可謂華人四大族群裡面最乖最「純」,活在一個香口膠都唔比食的家長式國度,由李光耀家族Impose的優生學社會,現代星加坡人口其實係根據李家的Role Model的公式,嘗試大量複製出來,目標係赤裸裸地以科學及計算去建立優異的星加坡人種。

另一邊廂,星加坡人雖然好乖而且崇尚和平,但皆因幾乎人人都當兵,始終有真正當軍經驗,要練體能燒下槍,並非係網上討論區打下嘴炮咁簡單。 任何頂級專業工種都有星加坡人占一席位。

 

4. 台灣人

武力:3/10

謀略:5/10

領導力:5/10

魅力:8/10

靈活:2/10

語文能力:7/10

台灣人係好特別的一堆人。華人「民以食為天」,台灣人簡直係將呢句說話推到極致。從夜市小食到各式各樣零食,台灣人真係好中意食野。

或者,台灣人更出名的就係台灣腔的撒嬌與溫柔:近乎細路仔/BB腔調的國語「是喔」「我跟你說,是『醬 (這樣)』子的喔」,眾所週知係令人難以招架。台灣人天生就有極端的種親和力。

台灣人亦極度熱愛外語,尤其係日文,其次係所謂「美語」即美式英文,之後就韓文。周街都係XX美日語學校的招牌。而他們本身都講國語,唔少仲講台語,有D仲講客家話,甚至仲好Keen學香港人講廣東話。語文能力而言,英文可能唔算頂級,但語言數量來講係非常多,multilingual。

另一邊廂,台灣人相對被認為善良而頭腦簡單,如果世界只有狼與羊,台灣人肯定屬於羊。銷售類以及任何吃喝玩樂行業都係台灣人的強項。

 

SJ結語

玻璃心你便輸了。

 

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags:

Comments are closed.