不要Burn Out,如何克服事業「停滯失速期」?

SJ前言:出來做野幾年,相信唔少人都經歷過一段事業的停滯失速期,甚至係Burn Out的經歷。

無論係月入一萬幾千買樓無望者,定係三十歲不到,但月入 4 – 7 萬的精英人生勝利組,都一樣會經歷呢種失速期。

 

例如話,一個人本身月入一兩萬,以今時今日香港的消費,幾乎都餐餐清,亦睇唔到職業有咩出路,每年就跟通脹加少少人工,十年後其實都係咁。

即使有幸成為極少數能「產業升級」升職加薪的Fast Track員工,一跳就跳到四萬。又或三四萬的,在不停OT,高壓工作,以及極高效的performance下,終於加到六七萬。

原本朝思暮想就係月入 4 - 7萬究竟會係點樣一個光景:每個月都可以去一次日本? 定係買部跑車仔玩下?

但到升職加薪後發現,其實都係無咩分別:月入7萬,以單身生活來講固然係高收入,但假如考慮到長遠打算,例如結婚買樓生仔好好報答父母等,其實就算係月入10萬都唔係咩大錢,只係enough to get by而已,因此即使每個月戶口又加7萬,其實亦無咩好激動。

更重要的是,有辦法畢業無耐就打到上去呢個人工的人,肯定拼搏十分,鬥心就好似一匹冠軍馬一樣:一切都要做得最好,等自己同家人可以過好日子。

 

但尤其係呢個年代,已經並非打份好工就已經好叻的年代。呢個年代,講創意,講食腦,講夠膽做人地未做過的事。當你成為「高薪族」,以為自己已經係on top of the world 後,才發現:原來你最睇唔起,賣倫敦金的MK仔,或果的咩買波Tips呃人Page,竟然都買得起林寶堅尼。相反,自己書又讀得多,做野又日做夜做,星期六日OT都永遠無托手踭。但始終連一部二手Audi小跑車都唔敢買,覺得肉痛,  the money could be better spent elsewhere.

當然,果的係呃呃騙騙的過街老鼠,而你告訴自己,自己係養尊處優而備受尊重的。

但另一邊廂,一樣有做補習名師而月入百萬,或做Startup而獲得千萬融資的朋友,轉頭又買架全新波子911。你只能提醒自己要更加努力,一定要跑得更快。

Credit: Oak Taylor

Credit: Oak Taylor

但呢個時候,其實係心理健康的危險時期。人夠上進而有鬥心固然係好,但日日夜夜思量如何變得更優秀(而又缺乏實質的突破),則很容易會到達壓力臨界點。好似古巨基首歌一樣,「夢中也習慣 有壓力要我得志」,發夢都話比自己知要更加努力。

其實會有呢種壓力,首先你都係要對自己有要求,而呢個亦係好事。但同時間,對自己太高要求,其實都會令自己永遠疲於奔命。

 

對於事業亦至人生的「停滯失速期」,唔同人有唔同方法克服。

 

最Drastic的方法,就係直接「拉倒從來」,結束而家的工作,在另一個行業或地方從新開始 Start over。對於所謂 Burnt out的人,唔少會選擇呢條路:例如咩 唔做Banker搞手機App,放棄Auditer白領工作 移民台灣開咖啡店,就係呢種「拉倒從來」。當然,呢個對絕大部分人其實係表面上最吸引的選擇:更加多係比自己的一種安慰劑,因為其實所有野,「理想」同「現實」往往係兩碼子的事。理想中轉行做手機App就會好好? 少年,你太年輕了。

 

比較成熟的應對方法,其實都離不開好多大家已經知道的道理。

1. 心態調整 - You are not going to win every battle

努力奮鬥固然可以,但對結果則無謂強求,所謂富貴由天。盡力以後,結果如何都安然面對,盡量以平常心看待成敗得失。1,000年前的宋朝已經有呢句「不以物喜,不以己悲」,其實就係呢個道理

 

2. 尋求自己的Comfort Zone

坊間的工具書,全部都針對本身不夠Drive的人,要激勵他們勇於踏出自己的 Comfort Zone,多嘗試多奮鬥。

但對於本身已經很有Drive的人,對自己要求很高的人,很可能完全放棄了任何Comfort Zone,每天都是無休止的挑戰自己以及不停向前走。

其實對呢種人,反而偶爾要休息,需要Wind Down一下。停一停,Hea一Hea,其實也是必須的,人始終唔係機器。

而Comfort Zone,可能係同中學朋友打場波,同父母傾下計,同貓狗玩一輪,或是獨自坐係Cafe hea下。

poodle

人類有狗這種動物,其實太幸運了。Your dog loves you just the same.

SJ結語

最近的香港,從小朋友到大人,都有好多唔愉快的新聞,其中有唔少都係同學業與工作壓力相關。

會睇唔開的人,諷刺地往往係對自己有要求而優秀的人,而非求求其其的人。

或許我們改變不了政府政策與樓價,但始終可以從改變自己開始。

假如能帶到一點點正面影響比自己與身邊的人,其實已經有唔少價值了。

心態決定命運,睇開的啦!

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags: , ,

Comments are closed.