令人懷念的香港寒冬:屋企打邊爐

寒流突襲香港,幾日之間氣溫從20度跌到8度。

近年,一個冬天,有10日8日呢種寒冷天氣,已經非常要命。據說,90後的父母輩果代,細個時 (50- 70年代) 的冬天,幾乎係每日都咁凍。

據說那個年代,老土咁講,有一種幸福,係一家人冚住棉胎睇《歡樂滿東華》。2017的香港暖冬,或許有兩樣野已經消失:首先係香港的寒冬,同埋係香港人的電視節目。

 

當然,時代演化 ( SJ 唔講時代進步,係因為真係唔Sure係咪「進步」),係呢個年代,都唔係完全無好野,例如而家周街都係火鍋店,凍起上來要打邊爐,比以前方便好多。

Credit: 胡杏兒 Facebook

Credit: 胡杏兒 Facebook

但係,呢個又引伸到香港人的「打邊爐」或整體上食飯風氣的轉變。以前過時過節,又或偶爾約埋親朋好友,一大班人聚首打場邊爐,通常係其中一人的家中進行。負責Host的一家人,提前齊齊到街市或超級市場買餸,阿爸阿媽帶埋兩個細路,從墨魚丸到腸仔,肥牛到通菜,甚至補充果個金屬大匙羹。一齊去買餸呢個過程,其實都係一種好好的bonding經歷,而且小朋友都會學到各種食材的名稱,同埋對數學同Plan群體活動都會有初步認識。

呢種bonding,係最自然最organic,亦係最有回憶的。同以前一家人係過年前,要四出「辦年貨」一樣,雖然麻煩,但現在回憶起來,其實係一家人的團體活動,往往係好memorable。

 

而家周街有火鍋店,無論係傳統酒樓,定係咩牛x鍋呢類日式任食火鍋,選擇又多,地點就腳,隨時興之所至就可以打邊爐,固然方便。但呢種「方便」,其實同時亦抹殺左上述呢種一家人的bonding活動。

正如同一大班朋友去BBQ亦一樣,以前去燒野食 (Btw 「燒野食」呢個本土 term 慢慢消失,漸漸被「燒烤」取代 ),一大班朋友同學,要預先開會,分工合作:邊個負責買幾多隻叉,邊個同邊個就買炭,仲有負責買雞翼,粟米,棉花糖同汽水。然後又分隊去超級市場買野,到當日則一班人柴娃娃坐巴士或小巴,去到郊野公園週邊的燒烤場,霸爐,起爐,透爐,搞一大輪先開始燒,再等好耐好耐先有得食。係好麻煩,但果種滋味,真係好青春。

如今,見天氣凍想話約燒野食,流程簡化到咁:Whatsapp group吹雞,Share一條Openrice link 係某元朗 / 大埔燒烤場,每人 $200任食連free parking,打電話book 要6位,當日直接開車去,泊好架車,有專人幫你起好個爐,你只需行出去拿你想要食的,拿返來便可以立即開始燒。某些燒烤場,甚至可以有專人幫你燒埋,你負責食就得。

 

科技進步同消費便利的隱藏成本,其實就係人際關係及情誼,同埋小朋友從以前「落手落腳」的Common sense與Street smart,退化成2017年的這個模樣:

一間酒樓或餐廳裡面,總會見到這樣的場景,一家四口,父母在忙自己的Blackberry,兩個幾歲大的仔女亦自顧自在iPhone 或iPad睇卡通或打機。一家人無人講野,亦任由碗裡的食物變凍。It’s bloody disgraceful.

 

有呢種慨嘆,有人可能會覺得係無病呻吟,「咁懷念咪去返郊野公園慢慢燒野食囉!無人逼你去$200 元朗現成燒烤場!」

但事實上,「方便」往往壓倒「情懷」。正如係 Whatsapp同iPhone的年代,無論你幾念舊,你都無可能話用返「Call機」同「大哥大」,亦基本上唔會拿起筆寫信比遠在美國的親戚,除非你想變做一個怪人 (weirdo)。

而且,就好似個BBQ例子,以前大家都學生哥,又無Facebook 又無智能電話,放聖誕假,除了做功課以外,可謂得鬼閒。

如今同一班人,雖然唔係話個個都幾百萬上落,但一班人裡面,做Auditor又有,Banker又有,做律師又有,個個人工都10萬8萬,又陸續有老婆仔女。而且返工時間都朝10晚10,可謂正宗的大忙人,唔係OT就係Con Call,永遠都介乎「啱啱出完Trip」或「準備出Trip」的戰鬥狀態,出入固然亦係開部Audi A3或Tesla 代步,因為時間就係金錢。 約得齊呢班人,已經非常難得,而且係預先幾個月前約定,大家mark晒schedule先就到。你要叫呢班人,再來一次中學式燒野食的流程?真係 too simple sometimes naive。

時代演化,人都一樣演化,很難回去以前簡簡單單的日子了。雖然,心底裡不變的可能是「情懷」:懷念那些 Good old days,那些乜都無,卻又兩袖清風,那些凍到騰騰震,卻又很有冬天feel的日子,那個「光輝歲月」的年代。

 

SJ結語

後記:呢個冬天,等到2017年2月過年後,先有遲來的寒流襲港。本身聖誕新年仲介乎18至24度之間,似秋天多過似冬天,著長袖甚至會熱到出汗,完全無冬日氣氛。

但突然間,年都過埋, 溫度竟然急降到10度。中環金鐘一帶的甲級寫字樓的人群,盡是名牌的大褸與頸巾。配搭得宜的話,其實也頗為賞心悅目。

香港的冬天,再凍確實不過10度8度。

但是,有在外國生活過的人,都會有一種感悟:香港果種凍,雖然有10度8度,卻是「濕凍」而凍到入骨。反而,外國冰天雪地,但乾爽而且室內普遍有暖氣,其實唔算辛苦。

的確,香港的凍,係凍到入心入肺,而且係避無可避。

香港的寒冷日子,一日最辛苦的,公認係起身果下,同埋係沖完涼著衫果下。 大部份香港人,屋企無裝暖氣。每朝鬧鐘響起,從被竇起身果下,需要無比的堅持。呢種凍大概要到出門口後上埋車,先會稍微恢復過來。

就算係外國冰天雪地凍慣的外國人,基本上都認同香港呢種凍仲辛苦過外國落雪時候。

即使在Global Warming的大趨勢下,香港 (越來越少發出的) 寒冷天氣警告,其實也非浪得虛名。

大家今日返工返學,應該都幾辛苦。

不過,好好珍惜呢種寒冬吧! 或許有一天,香港的寒冬只是一個集體回憶。

 

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags: ,

Comments are closed.