想做NGO之前要諗的六件事

SJ前言:SJ之前無乜Cover 非政府組織NGO行業的運作。一般人的刻板印象,就係鬧市街站那些要你簽名支持 (以及更加重要地:捐錢) 的工作人員。今次,SJ讀者「連連」投稿,高質第一身分享 NGO工作的內幕。

也許,做NGO真的和你想的不一樣。

 

大概不少喺大學讀人文學科,以及社會科學的同學都同我有類似的經驗。

 

喺我讀大學的時候呢,我哋D同學都非常有批判思考。近年的校評指標仲好似話,全大學的本科生之中,我哋系的批判思考攞最高分。我哋以前上堂睇的reading係好多好難的(由唔同語文翻譯的)英文理論組成,閒暇閱讀係《迪士尼不是樂園》,或者《__不是__》,大致都是對大企業的無良作風,或者資本主義的不公作出極大鞭撻的好文好書。

 

作為八十後中期出身的我們,我們對就業有著一定的樂觀。當時的社會氣氛仍然係,只要有大學畢業,中英文良好,又有唔錯的社交技巧,就已經係搵(到好)工的指標,冇太多乞食工,神科的辯論。我們不少都有共同的目標,例如唔入(破壞環境同剝削工人的)大企業做嘢、要做對社會有用的工作,番工唔止係搵錢等等。

雖然我哋咁「揀擇」,但係我哋好似冇乜點擔心過搵唔到工。我哋大部分同學都冇做過intern、冇去過大企業的campus recruitment talk、覺得MT係訓練馴服的勞工。去到畢業,好多人都只顧住去grad trip。

Credit: CNN

但係我哋最尾都搵到工。雖然唔係StealJobs裏面的神工。

 

我喺社會打滾咗幾年。好似好多人文學科同社會科學的同學,我都去咗NGO (nonprofit organization,非政府組織)做嘢。它們一般都是指非商業化、合法的、與社會文化和環境相關的倡導群體。大型的例如係國際的NGO如樂X會、X十字會,到細到OFFICE得一兩個人都得的機構。

 

如果有師弟師妹問我,去NGO做嘢做唔好,我唔會反對,不過我會要佢諗清楚幾件事。我本人唔係做過好多間NGO,睇的嘢都可能唔夠全面。如果其他人有經驗分享,歡迎補充及指正。

 

私人公司要追數,唔代表NGO唔使追數

喺邏輯上好易令人明白,但感性上唔易令人明白。

身置於人浮於事、是非多多的私人公司,小薯仔都不免會幻想身處喺好似一間startup公司咁的環境,日日就係諗下點去幫人(同真係去幫人)、大家冇乜心病、有商有量,得閒又可以喺OFFICE度玩下BOARD GAME。事實上香港係有咁的NGO的,我都有同事做過。然而,NGO只係代表佢唔係以機構的盈利為主要目標的機構,但佢亦最起碼都要生存到。

 

可是,生存並唔係容易的事。例如,暑假的時候,一群有心的社工設計了很多有趣刺激的活動。可惜,一眾小學及中學生只喜歡躲在家裏上網打電競,對他們的活動缺乏興趣;或者,你整咗條二十四小時熱線,希望多啲人搵你求助及跟進,但啲人打電話問兩句就收線,你想跟都跟唔到。

 

問題即係唔夠客

喺高度競爭、市場化同業績量化的香港,唔好想像有一個地方,可以好容易令人逃離到呢啲主流標準。

 

要知道自己入去為乜

NGO也有同事是以前做大公司的。所謂的大公司,可能由HXBC、ORAXLE,到ibank的唔同職位都有。

你會問:無端端做乜做NGO呀?據我觀察,的確係有不同的原因。例如,有啲同事話喺銀行做好大壓力,不但要捽數,而且日復一日的苦悶工作,實在令佢哋完全冇乜返工的動力;有同事則會話大公司分工好仔細,做咗一輪都係齒輪的工作,所以希望試下不同的PROJECT。

有啲NGO有彈性的工作時間或兼職制,我有遇過新同事,第一日番工就同我講話「想入嚟抖下」。好多人都係為咗健康或家庭等等原因減人工入嚟做,達成咗呢個目標亦做得開心。其中不少人,當覺得自己抖夠就會出返去原本的行業做嘢;亦有人在細機構學夠嘢,就會跳去(人工福利更好)的大NGO。

 

所以你要清楚自己的目標,唔好覺得份工做得舒舒服服就冇咗危機意識。

 

NGO有佢自己的一套語言

正如每一間公司有自己的文化,每間NGO都有自己的語言的。當然,好多NGO的語言都係同幫人呀、NICE呀有關。你又可能會問,NICE的文化有咩唔好呢?開頭我都有咁的疑問。我上手的同事就同我講,我做慣商業機構,唔係好慣日日要一齊圍埋一齊食飯。

 

到後尾我就開始有少少明。

 

平時一個月一次全世界食飯,大家食飯之前話同事係「一家人」,要「多謝神」呢啲就家常便飯。如果間機構政治正確少少,外加一句「除了多謝神,你都可以用你自己的方式多謝呢餐飯」,間嘢水平已經算唔錯嫁啦。NGO充滿好多想幫人的人,而好多呢啲人都係有(基督)信仰的,所以佢哋都不自覺地將佢哋的語言放入工作度。你要考慮下你是否接受某間NGO的語言。

其實,一般打工仔又點會介意一個月一次多謝公司餐飯,最介意的都是語言同行為符唔符合。

講個例子,有位同事,老細一向都同佢冇乜兩句,平時做嘢都好好哋。有一日,佢搵到工決定辭職。遞完信,諗住多謝老細多年來的栽培。點知老細突然之間嚟一句,

「我真係好HURT囉,我估唔到你乜嘢都唔講就突然辭職!我哋係NGO,唔係商業機構!」

「我唔係突然辭職,我有一個月通知嫁!」

「我哋係弟兄姊妹,有咩嘢都應該有商有量。上次我同你傾計,你又唔話自己想走,其實你一想搵工,就應該同大家講聲!

「如果我又未搵到工,又有咩好講呢?」

「如果我係你,我想走的話,半年前就會同大家講聲!因為我哋係一家人!」

 

於是呢位前同事叫我哋多多留意,佢將來的動態有冇半年前通知我哋,因為佢係我哋的好____(一個家人的角色)。

 

講咗咁耐,我唔係叫大家唔好去NGO做嘢呀。去NGO做嘢真係幫到人,而幫到人又真係好開心嫁!大家係要記住,只要一日仲要返工,一日都需要打醒十二分精神!

 

仲有三件事,下回再說。

 

你可能感興趣:NGO診所 中醫 收入

 

SJ 結語

老老實實,NGO的文化分分鐘比比商業企業更Cut throat……

 

本篇文章為StealJobs讀者投稿,作者:連連 《想喺NGO做嘢之前要諗的六件事》

Cover photo credit:攝理新聞台

 

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags: , ,

Comments are closed.