成功的速度 一定要超過父母老去的速度

母親節到了,除了去酒樓飲茶,或送枝香水比阿媽以外,其實對於父母,做仔女還有更深奧的一項任務:

你成功的速度,一定要超過父母老去的速度。

 

呢度「成功」的定義,其實係好廣闊。最Ideal的當然係事業有成,名利雙收,然後接埋父母去貝沙灣住海景露台大單位,再送部Benz比父母代步。但真實來講,即使係沙田第一城或黃埔花園,大家住得唔太遠而有個照應,已經好唔錯。

「成功」而可以比父母過更好的生活,固然係最理想。但在香港呢個樓價瘋狂年代,恐怕99.5%人都唔會做到。

但呢個「成功」的定義,其實底線係起碼要令父母對你覺得安心,放心。

bicycle

無論80,90後,同父母果代最唔同的係:父母果代 (50,60年代出生,好多都係大陸而後來偷渡來香港)經歷過社會最動盪日子,以及饑荒。他們的童年時代同古代無乜分別,要落田種菜,要斬柴煲水。佢地10歲未到已經要「擔起頭家」,照顧他們的父母。然後他們自己都偷渡來香港後,無人無物,寄人籬下,從工廠到酒樓,到小販與地盤,完全從0開始,一切從一無所有開始。

然後他們在沒有甚麼經濟基礎下就結婚,生咗你,他們一人打兩份工,日做16小時,從來唔去旅行,為的就係賺多的錢,將來可以夠錢養大你,供書教學。

父母那代人,賺到的錢基本上都儲起來,部分上繳給他們的父母,以及用來養大你。係而家呢個18歲就去過10個國家旅行的年代,我們父母果代後生時,絕大部分人根本對「旅行」同「消費」完全無概念。他們最大的生存意義就正正係想比父母,以及仔女將來過好生活,某程度係一種捨己為人的忘我境界。

 

相反,我地呢代人,社會機會固然無以前多,而樓價都完全無可能負擔起,但更大問題係我地大部份人無想過,究竟父母仲係咪會擔心自己在社會立唔到足,父母是否對自己放心,定係始終都「長憂九十九」,驚你到二三十歲人都始終「揦手唔成勢」,將來點算好。

但係,我地呢代人更加關心的,係New Balance出新款特別版波鞋好靚,想知邊度有得買;同朋友去南韓定日本睇櫻花;以及幾時去試新開間日式放題。Don’t get me wrong,這些消費活動完全無問題,而且健康正路。

但呢度大家可以見到個分別,就係父母一輩子都專注於賺錢時,我們卻一直都專注於使錢。

呢個就係兩代人最大的分野了。我地呢代人,想要「成功」的,比上一代可能少很多,我們更想要「享樂」。

 

或者,我們之中,也有唔少人慢慢會領悟到呢個道理:未必做到社會眼中的「成功」都好,但起碼要成功在社會立足自立,唔好要父母擔心自己無前途,將來連自己都顧唔掂。

 

當然,我地之中,也有唔少已經領略此道理的人,十分爭氣地立志要比父母過好日子:住得差的,將來要住得好;從少比PK親戚欺負的,將來要吐氣揚眉。

但呢度問題來了:時光或許係你最大敵人,在你還未成功時,父母卻可能已經老了。再Extreme少少,假如你最終得到全世界,但父母分享唔到成功的喜樂的話,那成功了又有甚麼用?

因此,請切記:自己成功的速度,一定要超過父母老去的速度!

SJ結語

為咗爸爸媽媽,還是今天就好好努力吧!

 

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags:

Comments are closed.