無錢去旅行 起碼可以去「環球」走一轉

踏入9月份,SJ相信大家身邊好多離地朋友,忙緊攞Annual Leave同Plan緊,今年秋天要去日本定韓國睇紅葉。

假如你好似SJ一樣係窮L (或者為左儲錢奉行極端緊縮政策),除左可以退而求其次考慮返大陸外,甚至可以連去離島海灘都慳返, 邊度都唔駛去, 只需喺自己平時返工嘅中環,地鐵站B出口大名鼎鼎嘅「小菲律賓」環球大廈 World-wide House, 已經可以來一次微旅行。

相信好多中環返工嘅人都會覺得好奇,環球大廈位處中環心臟地帶,係誠哥當年作為首家華資擊敗英資地產商的得意之作,而且毗鄰Landmark 太子大廈等頂級英資寫字樓及商場,何以環球大廈卻時光倒流,而且同個第三世界國家散貨場一樣?

To cut a long story short, 當年環球大廈落成,都係一座頂尖寫字樓,誠哥卻唔似英資大把水可以長渣收租,要拿拿臨賣晒佢賺當時已經好可觀的差價,貨如輪轉再用呢筆利潤起更多樓,所以環球業權就非常分散。

而環球位處中環核心地帶,除左方便住半山跑馬地的中產專業人士,亦方便他們的家傭賓妹逢星期日出來中環開心Gathering,一些有生意頭腦的菲律賓人或熟悉菲律賓的華人,就在他們Hang out的中環物色地方開鋪頭,賣下衣服食物,電話卡同匯錢等等,而環球個商場簡直係完美地方 -- 租金無地鋪貴,每間鋪頭都拆到細細間,而且非常接近賓妹姐姐開Party的匯豐一帶,肯定有得做。久而久之,環球商場的菲律賓店鋪越開越多,好似外國的唐人街 Chinatown 一樣,呢度就慢慢變左 Filipino Town。

 

點都好,如果你未入過環球個商場,其實值得入一入兜個圈。

在大門外,已經被很80年代的「環球大廈」招牌吸引。搭乘扶手電梯上樓,進入商場範圍後,更係瀰漫一股詭祕的異地風情。一時間同外面太子行/  IFC的名店與時代感反差巨大,未適應過來,已經被環球商場裏的菲律賓人潮與此起彼落的菲律賓語 Illocano 夾雜英文的談話聲與叫賣聲淹沒了思緒。

你平時家中的一位Maria姐姐,忽然間在環球眼前卻有數以百計的Maria。而她們平時在家中打點大小家務為我地服務,今日在環球卻成為「尊貴的消費者」;而當我地行IFC / PP / Landmark 各式各樣的香港商場卻得個行字,可謂月入十萬都消費唔起 (起碼,睇唔到個Value),Maria們在環球的小商店卻找到自己的一片樂土,一個真正有「Engagement」的商場。

商場開滿晒各樣時裝店,小食店,兌換/匯款店等等,走到其中一間時裝店,發現價錢HK$15一件T Shirt,仲要係某著名歐洲牌子,絕對抵到爛。是的,正如美國鬼佬來香港都要買隻假撈先安樂,買老翻都係一種消費,而且仲帶來另一種買正版都無的快感 。反正,姐姐們在這些店鋪,好似個大賣場,一時同老闆或Sales還價,一時在商場席地而坐食家鄉風味粉絲,好不熱鬧。

 

當你人在環球的「異地」行到肚餓,如果怕幫襯菲律賓小食店會水土不服,行到商場的中庭竟然有一間熟悉的餐廳:Delifrance,而且係以開放式設計,比其他分店開揚。雖然DF食物的質素都真係不甚了了,但相比起那些唔熟悉的菲律賓食物,我地華人起碼可以放心擺落肚,而呢間DF亦係環球裏面萬綠叢中一點紅的Pleasant surprise。

其實,成個環球都無咩特別好行,以正常香港人來講,亦無咩可能在裏面找到自己感興趣的產品或食物 (Btw. 裏面有檔野賣泰國隻小老闆紫菜,好抵!) 。純粹當獵奇,亦可能夠你消磨30分鐘。始終,小日本就話有睇頭姐,小菲律賓就真係no thank you。

但點都好,呢個環球,座落中環鬧市,其實都真係幾特別。未去過的,經開有時間可以入去兜個圈。有時候,做野做到氣餒,覺得全世界與自己為敵,而且幾辛苦都無回報是,入去環球感受下這些月入4000而且寄人籬下的菲律賓姐姐,連佢地都咁樂天知命,我地香港人又何須咁悲觀呢?

你說對嗎?

 

SJ結語

菲律賓人最值得學習的,就係呢種活在當下的精神。

香港人,由今日開始 Worry less, play more 啦!

 

你又入過去環球未呢? 快D拉埋幾個朋友一齊入去食Delifrance啦!

 

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags: ,

Comments are closed.