草根出身 從8.5k到ICC的經歷與感悟

SJ前言:所謂「千金難買少年窮」。一個人假如父母做醫生律師,自少讀Island School然後理所當然地升讀英美名牌大學,再回流香港做大行,其實都只係符合預期,無所謂YoY增長。但一個人假如自小住公屋,天生天養環境下自己在社會爬上來,哪怕唔係最傳統的Blue-blooded路徑與背景,其實一路走來經歷的YoY增長更令人驚喜,人生更加有趣。今次就由SJ讀者亨利投稿,講講自己如何從公屋仔半工讀,到返ICC做GM的經歷與感悟。

 

 

Dear SJ,

我而家坐係機場lounge, 準備biz trip上機前寫呢篇草根文章, 希望年青人(我諗我自己仲算年青) 係努力追夢既同時, 要認清現實既殘酷, 唔好浪費時間去滿足別人眼中的期望。

 

利申: 小弟今年28, 草根家庭出身, 住公屋。

19歲出黎做野, 第1份工$8,500 番中環一個月, 每日9至11, 一直半工讀文憑, 跟住Bachelor。上年part time完成Local U三大Master, 而家番ICC做到GM位 (公司唔開名啦, 但人工數字可上Stealjobs慢慢搵)。

 

生命係你自己, 唔好嘥時間去滿足別人期望

中國人有句說話”各有前因莫羨人” , 每一代人有自己生存同成功方程式, 唔好嘥時間去copy人地生涯規劃。

30年前有人係股票市場做莊家賺夠錢,足以退休3次, 但終日酒色財氣40唔夠就爆血管英年旱逝。 而家入行做trading一樣有人只夠三餐溫飽, 剛剛出左篇local broker 一通Department Head review 值得睇下。

 

唔可能有Crystal Clear的人生計劃, 但要諗下自己想做咩(方向),邊諗邊試

10年前冇人估到10年後人生路會點行(可能政府工除外)。你只會有方向, 及去參考別人的尋寶圖, 但你唔會知道每一個轉捩點的選擇對錯。

有人鋪路10年入ibank但發覺唔識合自己, 亦有人誤打誤撞上到VP grade收緊百萬年薪(廣告時間: 請自己係SJ爬文, 睇下pay scale)。無人可以話到俾你知條路應該點行, 而係跟隨你定立的方向, 行一步諗一諗, 再行下一步, 文藝D講就係”摸著石頭過河”。

即使事後發現自己行錯路, SORRY你已經冇得番轉頭, 唯一可以做既就係接受現實, 然後思考下一步應該點樣扭轉劣勢。(例子: 如果你負責的工作部份發生 “關公災難”,應該如何應對?據聞李超人經常進行這種思考訓練)

Credit: Discover Hong Kong

人生總會發生幾次”機會黎啦~飛雲” 的All or Nothing事件, 呢個係扭轉人生既機會

有一定年紀/工作經驗既 SJ reader, 應該腦海中會有幾次念念不忘 All or Nothing 機會事件, 特徵係呢類事件通常稍瞬即逝, 要求往往超越當刻你所能駕馭的程度, 算是某程度上的越級挑戰 (以古人黎講就係生死邊緣的頓悟), 果一刻縮左就會後悔莫及。

如果把握到一次呢種 All of Nothing 機會頂硬上,之後你會情緒上豁然開朗,去到另一個境界或對世事有另一番睇法。

 

任何一種的技能, 只要你有興趣玩得夠專業夠深入, 動下腦筋加小小方法, 就可以變成錢

不得不提9GAG, 冇人諗到搞笑都可以變成unicorn, 仲可以令到出名冇幽默感既德國人成為最大用戶群,係香港絕對係模範(唔計本身好有錢, 但叫年青人去少兩次日本就可以買樓果D package)。

另一個例子係女子電競團隊Panda Cute,連女gamer都可以打機打到成為專業,攞Sponsor再代表香港參加國際賽, 真係行行出狀元。

但前題係搵到自己興趣, 再變成自己既獨門niche。而未搵到興趣之前, 盡可能咩都玩咩都試。如果做一樣事情, 你會自發地去搜集更多相關資料,而求知欲滿足後會覺得愉快同舒暢的話, 好有可能呢樣就係你興趣。

 

可以推動你一路走下去, 一定唔係錢, 而係滿足感(或者叫熱誠)

時不時都會聽到係 ibank入面有部份神人(可能係月球人, 好境是可能係星球人), 每日朝7晚12但仍然冇burnout, 呢樣野一定唔係靠錢支撐。個人意見: 世界上第二滿足感, 來自成功地做到別人完全唔睇好的事情, 而第一滿足感, 來自成功地做到自己都完全唔睇好的事情。

(做到其中一樣, 記得比D掌聲自己自high一下! 享受完全係你自己贏番黎既掌聲!)

 

最後一句, 各人都有自己的負擔, 但人生只需要對自己負責。

 

SJ 結語

感謝亨利非常貼地實用的建議,SJ團隊真心認同及拜服。

人生就是不停的奮鬥。少的埋怨他人,多的做好自己,共勉之。

 

本文為StealJobs讀者投稿,歡迎更多讀者高質投稿 !

 

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags: ,

Comments are closed.