買股票最大的風險 係令你不務正業


最近無論茶餐廳定各路酒店Cocktail Reception,聽得最多人講一個詞語大概係「眾安」。

「哎早放左」「而家仲追唔追好啊?」「騰訊阿里加平安wor…我起碼Keep到退休」

無他的,其實今日的眾安狂熱,係源於香港人熟悉的「騰訊神話」。

 

人生有幾多個十年?假如你10年前(2007)用20萬買一部Toyota Camry小房車,當年30出頭新車落地周圍開成個老闆仔威風模樣,又或者以當年海嘯價100萬買唐樓。到2017年的今日,你的Camry應該仲開得,但二手價大概平過一部Macbook,當然,你人工可能亦翻左幾倍 (亦可能已經出來創業做個小老闆)。而假如你有眼光買左唐樓,而家強拍收購價就可能達到4-5百萬,係個非常可觀的回報。


 

假如你10年 (2007) 前買落騰訊,而假如你又一直Hold到而家,當時市價大概$10股,而家市價大概$350股,你20萬的Camry車錢就變左700萬港幣,夠你買太古城1房。而假如你買左100萬,你的100萬今日就變左3,500萬,已經係唔少中產日做夜做,聽聽話話,求神拜佛順順利利,然後起碼到60歲退休先可能累積到 (or not) 的財富。更加唔好講,假如2004年騰訊上市價到而家,超過350倍回報,假如2004年唔用沙市價買淘大,卻用同樣100萬買騰訊,今日就起碼值$350,000,000,係3億5000萬。

早幾年買騰訊,而家開林寶堅尼啦,仲使上StealJobs搵工?

 

該死的「假如」,有早知無乞衣。

 

首先,香港幾千隻股票,即使係局限到「科技股」都起碼有幾十隻,都係得一隻騰訊神話。 如今威到爆的阿里巴巴,當年曾經將當時的主力B2B業務在香港上市,2007年掛板,2012年以招股價私有化,揸足五年得個桔,假如高位接貨,更係跌錢落海。2007年買騰訊,定買當年的港股阿里巴巴 (1688.hk),定買其他平平無奇或更加伏的科技股?其實在股海中,買中騰訊的機會率已經低。

其次,即使你買左騰訊咁醒目,$10升到$30正常人都賣左,300%回報賺返幾十萬到百幾萬已經魚翅撈飯啦。有無可能Keep到今日呢? 唔係無可能,但可能性都係好低。

強如李澤楷,早在1999年已經私底下用800萬做風險投資騰訊 20%股權,到2001年已經以$9,800萬賣比南非基金。2年左右10倍回報,兩個杏花邨換山頂別墅,已經被歌頌為點石成金,暴利如此,連誠哥都讚好啦。但假如Richard keep到今日,呢20%股份市值超過6000億,會係李嘉誠身家3倍,李澤佳就會輕易成為亞洲首富,甚至問鼎世界首富寶座。可惜,賣左就係賣左。

當然,假如李澤佳無賣,以其主要股東身份,會否在2000-2010年之間「帶領」騰訊轉型做地產,在大陸起返二十個數碼港同貝沙灣,而無整到微信呢個Game changer出來,又係另一個可能性。

 



有見於此,其實你中晒呢幾個「假如」的機會率,分分鐘唔會高得過中六合彩頭獎的機會率。起碼,六合彩幾乎期期都有人中頭獎。但唔見得坊間有幾多人因騰訊而發達,唔係完全無,但少之又有少。

正如美國股神巴菲特的Berkshire Hathaway,幾十年來由幾百蚊美金一股,升到幾十萬美金一股。確實有老人家後生時在早年買左少少,Keep到而家變左幾億身家。但究竟點Identify眼前的係一個年輕巴菲特,定係另一個世紀千王 Bernard Madoff;係第二個馬化騰,定係Just another Cap水走人的搵笨H股。其實好難好難分得到,呢個係連Balance Sheet都唔會講到出來。 你更加需要的,或許係個預知未來的水晶球。

 

雖然如此,SJ都唔係叫大家唔好買股票。正如大部份投資專家講,其實股票市場長遠而言都係向上升,無論係恆指定Nasdaq都一樣:資本主義社會,往往由成功的上市公司帶領著當代科技,工業及消費等範疇的進步。長遠而言,整體向上,呢個毋庸置疑。

但假如你期望你可以買中下一隻騰訊,下一隻Google/Apple,其實首先要做好「期望管理」。期望越大,失望越大。當然,無期望下,可能你隨便十幾二十萬買一兩隻新上市科技港/美股,十幾年後有可能跌左,無升過,亦有可能翻幾倍甚至更多。但Bottom line係唔好旨意靠呢樣野開飯。

 

除左買中下一隻騰訊呢種六合彩式的神話,亦有一些人係「神風敢死隊」式的借錢炒股,尤其在大牛市時常見。咩50萬本金炒到1000萬,唔少都係呢種例子。但最易出事,亦都係呢種,始終針唔兩頭利。有幾多人真正靠炒股致富?其實大家都心裡有數。 莊家在股票市場玩的「資本運作」,往往又係另一回事,但呢個遊戲確實唔係每個人玩得起。

 

假如你可以有合理程度的「財商」,將身家儲蓄 vs 投資比例管理好,其實財務風險就無乜,例如你有100萬閒置儲蓄,買返10萬股票,其實風險都係可控制範圍。當然,假如你訓身買眾安,亦係你自己選擇,SJ團隊亦希望你發達。

 

但更多時候,無論買多買少,其實買股票更大的風險,係令你不務正業。呢個尤見於後生仔,本應係「投資自己」的搏殺期,提高自己工作能力而令收入同埋自身的價值從線性增長(linear growth)到幾何增長 (exponential growth)。例如做公務員的,人工每年跳Point就係 Linear Growth,而搏殺工作及進修,坐火箭咁升職晉級,就係Exponential growth。做藥廠銷售的,從維持現有Account呢種Linear Grwoth,到拉多幾倍數量的大客大單而爆數,甚至係自己考取專業資格,或成功講Talk同寫Journal累積知識同行業資本,從而升職加薪,跑贏同年大市,呢個就係 Exponential Growth。

假如掛住炒股,假如你成為下一個騰訊神話固然可喜可賀,但更多情況係無論你絞盡腦汁,從PE計到PB 同 Gearing Ratio再估計埋聯儲局會否加息,到中東同俄羅斯一帶的地緣政治,其實可能你都係講緊幾年賺多幾十萬。當然,更多時候,有D野係你就係你既,牛頭角師奶可以合埋雙眼幾年前買中騰訊,而你讀完HKU Master of Finance都左計右計都只不過買左工行,呢個就時也命也。

起碼,以後生仔女而言,其實無需花太多時間研究股票,反而更應該投資自己。投資自己往往係吃力的,所有野都係要自己一手一腳做,但唔辛苦真係唔得世間財。

當然,假如你已經有1000萬閒錢,又係另一個講法。 而假如你真係有1000萬閒錢,歡迎你PM SJ團隊,SJ團隊確實要向你拜師學藝,然後再同廣大讀者分享你的心得(optional) 😀

 

SJ結語

股票的回報往往吸引過自身努力的回報,因為前者Passive後者Active。

但世事邊有咁完美吖!與其發夢買中下一隻騰訊,不如靠自己努力好過啦!


關注高質內容,讀神科又想入行頂級MNC / Banking / Law firm?即時填妥以下表格,SJ將不定時推送獨家行業活動 (絕不SPAM!!!)
* Required
    This is a required question
    This is a required question
    This is a required question
    This is a required question
    Never submit passwords through Google Forms.


StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Submit Job Review

comments

Tags: ,

Comments are closed.