要成功 最被Underrated的因素:家人的「照應」

坊間的書局,除左旅遊書同飲食書外,僅餘有錢賺的暢銷書就係眾多講「如何成功」的書籍,其中不外乎「性格決定命運」或「有錢人和你想的不一樣」呢D論調,主要Cover成功者必須的堅毅,勇於嘗試等性格特質,以及如何管理好錢銀 (不外乎開源節流 + 投資有道)。但其實,人無論係追求邊方面的成功,其中一個最被Underrated的因素,其實係家人的「照應」。

 

在呢個人工同樓價極度不相稱的年頭,人人都識講「成功需父幹」,將焦點放在父母的家底,彷彿家人的價值只係幫你買樓,其餘一切都係Redundant。

其實,家人的價值,遠超幫你買樓 (無論佢地有否能力幫你手。當然,有好過無。) 但更重要的係大家互相幫助,關心同埋支持,廣東話最地道的一句話就係「有個照應」。

一個人在成長路上以至出來社會,少不免經歷各式各樣的困難與挑戰。人固然要鍛鍊自身的解難能力:任何野最好自己搞掂,唔好下下靠人地,無乜嘢都唔好麻煩到人,哪怕係家人。

但問題來了,就係「無乜嘢」風平浪靜天下太平時候,固然可以你有你的生活,我有我的忙碌。但假如有嘢發生時,自己又是否真係可以獨力面對?根據SJ團隊觀察,其實古今中外,無論把口點講都好,只要發生任何意料之外的狀況,人最自然的天性就係找家人幫忙。

就算唔好話發生咩大事,即使係日常工作,當你日日OT,時刻處於精神緊繃的壓力底下,其實無嘢比呢樣嘢梗幫到你:返屋企食餐家常飯,飲碗湯,同埋傾下計將自己所有鬱悶同煩惱拿出來傾。齊晒呢幾樣嘢,其實身心都舒暢,而且點都比食吉野家更加營養齊全,尤其係長遠計。

正如以上所講,家人俾到的支援,有Tangible的支持 (財政,煮飯,煲湯燈),亦有無形的支持(傾計,鼓勵,建議)。

當然,你亦可以話其實請菲傭都可以解決食飯問題,而好朋友亦可以俾你各種有形無形的支持。其實,呢個係個好好的Assumption。

但實際層面來講,人際關係,首重「忠誠度」,幾乎無任何人對你的忠誠度比直屬家人 (父母子女,兄弟姊妹) 更高 ,除非係連直屬家人都已經反面的極端例子,咁就真係應該好好檢討下自己先。真正的朋友,固然係會為你兩肋插刀 (如果有能力的話),但更多時候,係朋友自己都分身不暇,自己都未鼓得掂自己,又點樣可以訓身幫你呢?

更何況,長遠來計,除非你朋友真係非常非常好,否則來講人點都會Prioritise自己利益的事為先。但只有家人同你其實先係利益一致。唔好話細公司一家五口齊齊落場做野,公司賺到錢一家人齊齊過好日子,例如上環一帶海味店同找換店等。就算係大到長實咁,李嘉誠一家三口據稱都係住埋一齊,或者起碼都係 Family / Work 係混埋一齊。李嘉誠固然相信霍建寧的能力同品格,但始終長實將來點都係交給自己親生仔 Victor 同 Richard。呢個就係「利益一致」的體現。唯獨利益一致時,先有可能有100%信任。單打獨鬥 vs 家庭作為一個團隊去達成大目標,點都係後者成功率更高。睇下 Trump 家族如何成為美國最有影響力家族,甚至肥仔金的家天下,你就知咩事。

 

確實,出來社會後,天高地厚,茫茫人生有時真的好像荒野:看似邊度都有路行,但行起上來更像每條路都此路不通。假如有家人的支持同鼓勵,其實除左可能行少D冤枉路外,仲可以振奮士氣,重拾信心,呢個其實老生常談。

更實際層面來睇,就係家人的「家庭戰略佈局」,需要考慮好多因素,例如各人的性格,志向,工作範圍,以至健康,年齡,生兒育女的計畫等等。從而計畫究竟點樣的Arrangement (例如工作,居住地等等) 先可以最有利一家人的發展與Well-being。

始終,「有個照應」呢回事,講起來老土兼婆媽,但正如「健康」「自由」同「清新空氣」,往往係無咗或緊急時先知道重要。其實此時事關重大,兼影響深遠。任何有志成功而且希望活得好的朋友,其實對此不可不察。

 

SJ結語

bicycle

從今日開始,好好珍惜你的家人吧!而且,應該將大家睇為一個團隊,一個Unit,如果可以同心協力,確實係好多野都會事半功倍。

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags: ,

Comments are closed.