如何成為「月球人」中環名醫?


香港百物騰貴一早唔係咩新聞,常言道:若要生活好 快入政府撈。

是的,對大部份行業而言,終其一生在私人市場,除非你天賦異稟,頭腦過人,而且極具生意頭腦識跑數帶客,依然唔會追到加入政府的同齡朋友每年跳Points幅度。Fyi, 假如你今年28歲做Big 4,人工巧叻叻 4萬幾左右,你的大學同學則未畢業已經聯招加入警隊,而家99%已經升到 SIP (高級督察) 加上每年跳Point,人工應該5萬幾6萬。到你同學升到上總督察成10萬一個月時,你就已經升到做Partner? 更Likely係你已經Burn out左啦,而且壓力大到成為醫務所常客。除左醫生行業以外:做政府往往收入較私人市場低,遠不如出來自己開檔搵真銀。

講到醫生,成日話醫生「月球人」,究竟係咪個個都月球人先?同埋點解醫生零舍咁巴閉?今次SJ同大家慢慢探討。

 

微觀分析:如何成為「中環名醫」?

中環畢打街附近,有唔少頂級的「醫生樓」。


 

首先,你要在中環租個Office。 但再早D,係你先要入到Medical School (HKU / CUHK),出來做醫管局實習醫生,正式執業後再做左若干時間後,在政府指定的「香港醫學專科學院」(海洋公園附近,搭車經過一定見到) 讀幾年再考埋個專科資格,咁你就正式成為萬民敬仰的「專科醫生」啦。

當然,醫生/醫務所好大程度都係一盤生意,要賺最多錢,往往視乎你Offer的產品是否市場大熱。例如前幾年多雙非生仔,都帶挈婦產科豬籠入水。假如你做得出名,例如某些唱兒歌唱到出名的醫生,一樣病人排晒長龍,靠「小兒科」賺到盤滿鉢滿。

但較狹義的「中環名醫」,往往係指做專做手術個批醫生,即係外科 (Surgery)。

 


呢度SJ同大家講下醫學ABC:外科醫生同內科醫生有咩分別?

簡單而言,外科醫生 (Surgeon) 就做手術,亦會再細分各器官的外科,例如腸胃外科。而內科醫生 (Physician)就主力研究用咩藥幫病人解決問題,亦會再細分各器官的內科,例如腸胃內科。


 

點解外科醫生特別巴閉?無他的,因為「做手術」呢樣野本身就好Intense,無論對病人定醫生都一樣,醫生幾個鐘頭全神貫注,將麻醉好的病人剖開,再親手拿手術刀移除或換掉一些對人體不好的東西,聽到都覺得壓力超大。如果中學讀Bio剖牛眼都大驚小叫,外科醫生幫真人做手術的壓力程度,可能只有戰機機師可以匹敵。兩者共通點:對「手勢」及「判斷力」有極高要求,而且對特定戰機型號 / 疾病 有數以千計個鐘頭的應對經驗。

當你成為一個有經驗的外科醫生後 (好可能在公立醫院,對新人而言有最多寶貴的實戰經驗),你便可以考慮過檔私家醫院成為駐院醫生,或更普遍的成為顧問醫生在私家醫院如養和醫院掛單,然後自己在中環 / 銅鑼灣 / 尖沙嘴等的靚靚商廈開診所:星期一三五就在診所看症,二四六就在醫院做手術,每日做幾場。診症就收$1500次,手術就10萬起跳,睇症同手術都一樣做到無停手,自然就一個月上百萬並非難事。

 

可能你會問:個個都中環開診所,唔通個個都做到中環名醫?



當然無咁簡單。

醫生係一個受嚴格監管的專業,自己唔識做的病,醫生往往需要寫轉介信比其他專科醫生,當然亦唔可以收回佣。

呢個制度大家Refer來Refer去,往往係靠口碑。當醫生A在某範疇做到出名,自然有好多其他醫生Refer該範疇的病人。

但呢度又一個雞先定蛋先的問題,新人又如何有口碑?

Credit: TVB

 

其實,正如以上所講,你好可能先在政府醫院做某手術做到熟晒手,上司下屬同事同護士,以至病人甚至清潔阿姐都認同你,咁咪有口碑囉。另一邊廂,醫生的宣傳往往唔係靠賣廣告式的自吹自擂,而係靠 Peer Review式的同濟認可,例如你在某醫學範疇研究過D野,在醫學期刊寫過自己的Findings等等。呢D都係日積月累的Hard Work以及Dedication,無得一夜致富。

 

咁點解名醫可以做月球人?

如果話做一樣野做到出名就可以發達,咁點解Tree Gun咁騎呢搞笑咁出位,又唔見Tree Gun做左月球人?

Credit: Tree Gun

首先,呢個係簡單的Demand & Supply。(又首先,可能Tree Gun一早發左達你唔知姐)

正如以上所講,做到某範疇外科出名的醫生,礙於外科唔係個個適合做 (心血少D都唔得),好可能本身就唔多,Supply少。

同一時間,香港人口越來越多,亦越來越老,亦越來越注重健康,好多人都會做Body Check,總之健康至上,一有咩唔對路立即要找名醫開刀搞掂,所以就供不應求。

再加上香港醫療的專業,比鄰近地區的口碑好,所以唔少人會專程來香港睇醫生。

同樣「發三師」:醫生 律師 工程師,香港醫生係唯一 B2C (Business to Consumers)而可以吸納到海外客戶的族群,所以Demand特別大。

 

仲有一樣野,就係醫療保險的威力

Credit: ECCL Team

好多人忽略左呢個因素。其實名醫做到月球人,起碼70%功勞係保險公司。

根據SJ醫護界朋友坦言,在私家醫院求助的病人,非正式統計起碼70%有醫療保險。

醫療保險的盛行,而家可謂由專科門診開始全包到手術,以及手術後續治療。如果唔係,其實無幾多人可以Afford到名醫隨時幾十萬計的手術費醫藥費住院費。

保險公司非常Sophisticated的Underwriter計算的保單費用,以及Adjuster不多不少一分批出的賠償,令到保險公司可以準確計算要幾多報費先Cover到賠償醫療費用。

在各大保險公司數以十億計的保費,以及每年買Bonds已經賺返億億聲的利潤,其中在投保人索償時,派返幾十萬比名醫及醫院,其實係輕而易舉的事。可以話,沒有成熟的保險與資本市場,就唔可能有月球人中環名醫。畢竟,即使係頂尖名醫,大部份病人客戶其實只係靠醫療保險的平民百姓或中產,所謂富豪明星病人客戶可能只係一年一兩單的「成名作」而已。

某程度睇,呢個亦係資本主義運作的成功例子:普羅大眾每年比少少保費,就幫助到有需要的人可以睇到名醫得到醫療幫助,而醫療費的利潤亦鼓勵了醫生精益求精,繼續研究醫學及完善自己的技術,可謂Win-win-win。

 

SJ結語

香港做醫生,固然可以做月球人,亦可以留在政府服務大眾。

私人執業方面,固然因其特殊的環境,而造成培育月球人的生態系統。其實呢方面並非香港特有,全世界的頂級 Surgeons都係高收入人士,雖然好可能無香港咁高。

但呢度其實亦揭示左香港對公共醫療系統投放資源嚴重不足的問題。雖然話香港有好平的急症,以及免費救護車,但眾所週知有病睇公立就 = 唔使睇,除非你乜都唔使做可以慢慢等。

其實,假如公立醫院多幾間,更多本地培訓的專科醫生,更多Training,能否解決呢個公立醫院頻臨崩潰的問題?

但假如,香港公立醫院都有好充足的一流駐院醫生及床位,大家就可能無咁大需要一定要睇私家 (以及中環名醫)。同時,大家亦無咁大依賴醫療保險以及私人醫療市場,但又會唔會觸發「誰搬走了我的乳酪」的抗議?

此可謂香港之大難題也,該留待有識之士指點江山了。


關注高質內容,讀神科又想入行頂級MNC / Banking / Law firm?即時填妥以下表格,SJ將不定時推送獨家行業活動 (絕不SPAM!!!)
* Required
    This is a required question
    This is a required question
    This is a required question
    This is a required question
    Never submit passwords through Google Forms.


StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Submit Job Review

comments

Tags: , , , ,

Comments are closed.