如何避免人生的「黃金枷鎖」


前特首曾蔭權案第二次審訊依然未能達成判決,律政司宣布將案件存檔法庭,案件總算暫時告一段落。

看著白髮蒼蒼的Donald Tsang,不禁令人憐憫其老年依然飽受官非煎熬。然而,另一邊廂,亦有人認為其罪有應得,如今未能入罪係凸顯現行貪污法例未包括行政長官的不足。

無論點都好,在風光的鎂光燈擁簇下,「香港仔」坐私人飛機與遊艇,終於種下禍根,鋃鐺入獄。曾蔭權入獄之際,據說甚至老淚縱橫。

其中,曾蔭權的陷落,與同期的許仕仁可能都有一個共同點:「黃金枷鎖*」。

*黃金枷鎖(Golden Fetters) :終審法院在許仕仁案判詞中指出,許仕仁收錢後令自己身陷「黃金枷鎖」,獨立性徹底被削弱,以致無法恰當履行公職

雖然,大家可能成世都唔會做官,或者公務員。但其實,更廣義來講,呢種黃金枷鎖其實可以視為一個人成功及風光時種下的禍根。究竟,人生如何避免廣義的黃金枷鎖?


Credit: 李澤彤@HK01

1. 風光時埋身的人 未必想你好

曾蔭權當年意氣風發,大把人埋身做朋友。在無數的酒店飯局,馬會廂房消遣,無論係本地的富豪定係大量來自大陸的「中間人」,個個尊稱特首前特首後阿諛奉承,甚至Offer各式各樣有形無形的著數。

然而,當中有幾多人真係為你好?定係只想從你身上得到利益,甚至係故意設局陷害?唔係咁易分得清。

 

2. 有風唔好使盡 飄飄然

歌都有得你唱:「人生好比是海上的波浪,有時起,有時落~」(愛拼才會贏) 「人生是場興替,忽高也忽低,不輸其氣勢。」(謝安琪-年度之歌)

人生就係無數的Ups and downs,有風唔好使盡飄飄然,以為永遠都會咁風光。做人要留有餘地,凡事留一線,日後好相見。

 

3. 控制高消費物慾 / 謝絕賭錢

Credit: anset2000.blogspot.hk

正如以上所講,有風唔好使盡,以為永遠都會咁風光。今年生意好,賺幾十萬一個月,唔好以為下年同後年都一定係咁好賺,要留有餘地。無論做特首定係做生意甚至係打工,人只要一朝得志,容易有錯覺認為自己已經脫胎換骨成為一個大人物。其實,再風光的特首也有下台的一日,再好賺的企業其實都可以短時間倒台 (睇下2007年美國的投資銀行)。任何人同企業都需要Budget好自己的開支與收入,而且需要Realistic。

當你有呢個Mindset,自然就會控制高消費物慾,以及謝絕賭錢。呢兩個完全係無底深潭。例如,月入四五十萬已經係非常高收入,但對許仕仁來說依然唔夠,因為佢過的是富豪生活:住豪宅,成日飛First Class出入最貴餐廳買最貴消費品,可能要月入一百萬先夠。

 

4. 儲錢 / 穩健投資

未雨綢繆係華人傳統智慧,廣東人叫「好天收埋落雨柴」。呢方面曾蔭權就做得幾淋漓盡致,儲落儲落幾千萬律師費都俾得起。相反,許仕仁就曾經承認過自己做公務員多年都無儲蓄,可謂餐餐清。

財政上為自己建起「護城河」,以備不時之需,其實本來係常識。一個人財困的時候,唔單止自己顧唔掂自己,而且容易受人操控,廉價販賣自己的尊嚴來換取低微的報酬,甚至好似某些落難官員咁要靠收人錢來過日子,最終搞到自己一身蟻。

 



SJ結語

一個人最緊要都係嚴以律己,可惜呢點絕大部分都低估其重要性。

學誠哥寫字樓的左宗棠對聯「發上等願,結中等緣,享下等福 」,其實正正就係一個人如何在複雜的社會安身立命甚至創造一番事業的根本。


關注高質內容,讀神科又想入行頂級MNC / Banking / Law firm?即時填妥以下表格,SJ將不定時推送獨家行業活動 (絕不SPAM!!!)
* Required
    This is a required question
    This is a required question
    This is a required question
    This is a required question
    Never submit passwords through Google Forms.


StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Submit Job Review

comments

Tags: , ,

Comments are closed.