有得上市敲鑼 梗係唔好執輸 大大力敲

選擇得做生意的人,唔多唔少都有個「敲鑼夢」:自己從零開始建立的生意,從旁人從不睇好的小小豆泥檔,一步一步成長為小企業,自己脫貧後而公司站穩陣腳上軌道,再擴充到全香港甚至全亞洲,最終成為巨大影響力的商業王國。

其中最Symbolic的一個里程碑,絕對係IPO上市的敲鑼儀式。

雖然話人怕出名豬怕肥,但做得生意賺錢過好生活以外,點都想威下比身邊人甚至全世界睇。

公司上市,自不然有大量傳媒報導,而以前雖然悶聲發大財,卻可能略嫌自己過於低調,怕被人睇唔起:「都係在元朗搞D爛鬼物流貨櫃姐。」而上市後可以讓全世界知道你公司一年賺幾多千萬,以及你手持股票令你帳面身家突破幾多億,足以令以前任何睇唔起過你的人刮目相看。

因此,很多成功企業家對上市簡直朝思暮想,對在港交所敲鑼一刻魂牽夢繞。或者因為呢個原因,有部分創業板公司上市支付的專業費用 (銀行,Sponsor,律師,Audit,Printer等等),其實可以話多過公司上市集資金額。上市原意係發行股份比公眾,好讓公司集資Cap錢發大來做,唔少公司卻可謂貼錢上市。

確實,正如陳奕迅《沙龍》一曲:「登高峰一秒,得獎一秒,再破紀錄的一秒;港灣晚燈,山頂破曉,摘下懷念,記住美妙…. 要拍照的事可不少。」 從上市一刻起,人生事業可謂登峰造極,無論以後能否再創高峰,曾經敲過鑼的風光已經不枉此生。

 

無論點都好,創業做生意咁辛苦,終於有得上市敲鑼,而且又花咁多錢比D西裝友Banker/律師/Auditor 玩弄數/文字,梗係唔好執輸,一於要大大力敲,敲返夠本。

所以,無論係最近非常紅的健升主席,大大力敲鑼敲到飛棍;定係早前金嗓子的大媽主席,敲鑼前先耍功夫來個「白鶴亮翅」,其實先係精明的企業家:比成千萬顧問費,而且係千古難逢的宣傳好機會,梗係敲返夠本!

起碼,健升主席應該都只係手握力的問題,一時間抓唔緊支棍姐!早前有間「弘和」搞上市,就由主席同CEO一齊敲鑼,本其實無乜問題,但佢地竟然連敲五下,有別於一般打一下的做法。都係果句,下次都唔知幾時有得再敲,一於今次敲盡佢。

 

大家未必會買相關股票,可能之前亦未聽過呢幾間公司,但多得他們主席敢於創新的特別敲鑼技巧,他們的股票終於得到公眾垂注。分分鐘真係下一隻騰訊,又唔係無可能。

所以,SJ團隊奉勸各位廣大臥虎藏龍的讀者,假如有日有幸上市,有得上市敲鑼,梗係唔好執輸大大力敲,影多幾張靚相。必要時,敲多幾下。

 

SJ結語

雖然話型到盡頭便是X,但SJ相信健升CEO的苦肉計相信好快就有回報…起碼假如有一日生意淡靜時,都仲可以代言手握力鍛鍊器賺返少少錢!

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags:

Comments are closed.