世途險惡 90後如何求生 甚至反敗為勝?


視乎你的出身與成長背景,你可能在童年或青少年時已經知道「人生世途險惡」,而假如你出身在幸福美滿的中產家庭,則可能出來社會後在猛然發現如斯殘酷真相。

簡單而言,呢個世界除咗最親的家人/伴侶/朋友,以及極少的熱心「撒瑪利亞人」以外,充滿各式各樣的仇恨者,嫉妒者,陰謀家,以及樂見你仆街而食花生的塘邊鶴。有些人可能係你的親戚,處心積累要吞併你家庭的小生意或一層樓,也有很多外面可能素未謀面的人,隨時投機主義地希望偷取你的財產或畢生功勞。

是的,社會從來都好殘酷,從古到今都係。Welcome to the real world。

然而,縱然世途險惡,一樣有一代一代人絕處求生,甚至反敗為勝。Surive, and thrive. 究竟可以點做?

 

1. 首先,你要接受呢個事實

Credit: Alfred Hui’s MV

讀書時的校園的青草地幾美好都好,其實真正的人生就係唔完美同殘酷的,而且好多人都好PK。

你可能會憤怒,難過,失望,但卻應該盡快認清呢個事實:世途確實險惡。


 

 

2. 尋找自己的Inner Peace,以及自己的後援

即使外面風雨飄搖,只要回到400呎的家 (無論係公屋定貝沙灣) 依然有碗溫暖的湯,父母的關切,即是你最安全的基地。記住,你的家人往往係你最堅強後盾。You must know that you are not alone,然後以此為人生快樂的最重要根本,而非金錢或名利。除了家人以外,亦有朋友,戰友,甚至宗教等,可以讓你得到心靈上支持的地方。

面對豺狼猛虎,最重要係明白一個基本道理,不用動怒,只需理性處理問題。古人兵書已經講過:「善戰者不怒。」別讓負面(或正面)情緒影響你的判決,最緊要冷靜。

 

3. 壯大自己實力 將所有實力聚焦並堅守在一個點

打仗時兵家長談,就係「戰線」切忌過長。一旦戰線過長,強如二戰時的Nazi Germany或皇軍,在俄羅斯凍土及中國大陸深縱,最終難免失去焦點而陷入苦戰。

在進攻之前,必須將自己所有實力專注在一個地方,堅守一個基地。假如以生意而言,一定要有一件Cash Cow產品,而非10件平庸的產品。讀書而言,最好深度鑽研一個科目,找到自己能獨當一面的Unique Selling Point。

當然,同樣以戰爭比喻,假如實力懸殊處於必敗地位,亦應避免無謂犧牲,好似二戰太平洋戰區 (又稱第二次中日戰爭),蔣介石將所有精銳部隊死守上海,最終依然被攻破,犧牲慘重。 With the benefit of hindsight,呢個時候應該「實則虛之 虛則實之」:簡單而言就係避開必敗的仗,而針對必勝的仗。下面會更詳細講。

而面對短時內難以逆轉的逆境時,應該如何應對? 一言概之:「以空間換取時間。」簡單來講,走佬  LOL

 

4. 如何避開必敗的仗,而針對必勝的仗?

講就好容易。雖然需要前線判斷,但其實都有一個較容易理解的例子:



SJ記得有個經濟家分析過一個小故事,係講紐約的的士司機,普遍有個非常不理性的習慣,而令他們收入少,工時長。

簡單而言,呢位經濟學家發現到,紐約的士司機假如當日好生意,好快就賺咗一日期望賺到的收入,就會心情大好而提早收工,返屋企食飯慶祝。反之,假如當日生意差,就會覺得仲未賺夠每日希望得到的收入,而繼續在街道兜客,結果做多好耐先賺夠放工。

其實,應該調轉,先可以賺多d錢,而不用做咁耐:

生意好的日子,更應該乘勝追擊,所謂「Make hay while the sun shines」 個市旺就應該全力進攻。相反,個市差,就應該早D休息,保留實力,同時降低成本,待明日再戰。

無論讀書,打工,甚至做生意,你又會點樣理解同應用呢個道理呢?

 

5. 反擊:從點到面 從量變到質變

假如你得到喘息的空間,可以重整旗鼓,企穩陣腳,先在一個「點」建立自己的根基。

所謂從點到面,從量變到質變,簡單意思就係:先衝數量,再鬥質素。打開任何競技類運動的朋友就會知道,例如打網球,總有一些中產Blue blooded子弟朋友,從小跟教練學,擊球姿勢正宗而優雅;相反,又會見有d本身踢開足球的草根朋友,跟埋來打網球,雖然本身無正式學過,但打多幾次,竟然可以贏到前者的貴族子弟。

假如有這樣的情況發生,原因通常都係,貴族子弟專注打網球的「正確」姿勢與步法,但好勝的草根只專注於點樣可以贏,點樣可以好大力打個波到對手的另一面。雖然姿勢唔靚,但起碼在低層次比賽而言,往往可以贏到前者。所謂「盲拳打死老師傅」,其實同一道理。 Don’t focus on looking elegant. Focus on getting shit done.  呢個就係 「量變」。

當「量變」完成後,自然而言就會有「質變」,即係到時再改善姿勢都未遲。 (當然,呢個比喻完全不適用於運動醫學角度!! 姿勢錯,小心整親自己. But you get the idea.)

 

6. 看準機會 全面進攻

SJ認為,即使單純理性思維而言,人生最難的就係「Charting a  course」:選擇航道。

人生走到十字路口,經常面對兩難決定:升職定讀Master? 轉工定創業?

點都好,除左選擇正確航道好重要外,更更更重要的,係選擇航道後,要完整地執行,要全速前進。No more half measures.

坐這山,望那山,一事無成。

 

6. 勿忘初衷 / 不忘初心

以上呢8個字都幾搞笑,而且幾敏感,兩邊陣營都爭住用,其實意思都一樣。

最緊要係,假如你已經成功Survive,甚至開始Thrive,唔好忘記你最初為咗乜而做自己現在做緊的事。做一件事唔單指係How (雖然好重要),更重要始終都係Why。

 

SJ結語

“It’s the eye of the tiger It’s the thrill of the fight
Rising up to the challenge of our rival
And the last known survivor Stalks his prey in the night
And he’s watching us all with the eye of the tiger.”

 


關注高質內容,讀神科又想入行頂級MNC / Banking / Law firm?即時填妥以下表格,SJ將不定時推送獨家行業活動 (絕不SPAM!!!)
* Required
    .
    This is a required question
    .
    This is a required question
    This is a required question
    請50字以內講完,唔該晒!
    This is a required question
    Never submit passwords through Google Forms.


StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Submit Job Review

comments

Tags: , , , ,

Comments are closed.