其實咩叫「例遲」?

當我喺15歲嘅夏天聽到朋友一句:「我會嚟,不過我例遲」嘅時候,
小弟首次反思人生的意義。

唔通我嘅出生就係為咗等你?
定抑或你嘅輪迴轉世就係為咗要遲我?

我甚至研究過大英律法,睇下有冇一條法例叫「例遲」。
如是者過咗十年,「例遲」嘅法例冇出現,但「例遲」嘅現象持續惡化。

 

你可能感興趣:我係做IT…不過我並唔識整電腦既

 

須知道「遲到」同「例遲」係兩個完全唔同嘅故事。

用得「遲到」,多數係有種「錯誤」同「歉意」嘅味道,而且必須帶有原因,係情非得已亦迫不得已。
最重要嘅係「遲到」嘅計法係「一次次」,即係雖然今次遲,但下次未必會再犯。

「例遲」就唔同講法,同「例湯」一樣,煲好咗,無得你揀
所謂「例遲」嘅完整對白就係「我例牌遲到架啦,係咁架喎。」
屬於「合理」、「正當」嘅行為,
唔需要理由原因,係理所當然亦不以為然。
最PK嘅係「例遲」代表住「每一次」,即係當佢一領悟到「例遲」,就永無準時。

呢種思想好危險,係佢啲朋友好危險。

 

你可能感興趣:過份自信是成功的關鍵 你有沒有?

 

「例遲」嘅人真係好爽,永遠免疫等位,你都唔會奢望叫佢Book位。
打邊爐佢連等水滾嘅時間都慳返,嚟到已經食得。

就算佢再遲啲,都有好心朋友夾定畀佢,或者留定嘢食。
等佢可以成個主角咁最後登場,閃亮整個商場。

陰公嘅係,當嗰條友「例遲」咗幾次,我哋嘅「奴隸」細胞會作出調整,漸漸習慣,最後覺得佢遲到係正常,係無罪嘅!

有次我問:「條友呢?未到?」
對面個朋友竟然答我:「未呀,佢例遲架嘛,做咩啫你?」

媽的,好似搞到我講錯嘢咁!
結果次次準時,今次遲到嘅小明畀人問候老母。
而次次例遲,偶爾早咗少少(都係遲)嘅黃仔畀人讚佢「人品好」

點解個世界會咁樣架?難度守時都只是作賤自己嗎

呢家都好啲,有部手提電話,大不了行住等、Hea住等。
不過一諗返起中一時代嘅往事,真係痛不欲生。

嗰時大家細個,朋友堆中有條友例遲,而嗰條友係冇電話架。
最X街嘅係,佢係例遲兩粒鐘。

 

你可能感興趣:4個方法預測年尾花紅

 

我同幾個朋友,喺銅鑼灣往上環嘅車頭,睇住60班車駛過,等足兩粒鐘。

人生之中,嗰日係我第一次因為等人等到想跳軌,
我顛到想用自殘嘅方式令條友內疚呀!

之後,我同自己講,要抱住If you can’t beat them,join them嘅理念,
一旦識到個朋友係例遲嘅,我一定會遲過佢!
大不了去到飲糖水先到!

呢啲人,一定要畀佢試下「等」嘅感覺
先識得尊重啲「等佢」嘅朋友。

嚟呀!我唔會輸畀你哋架!!

 

SJ 結語

“遲”本身就係一個唔好的習慣。

返工遲到,老闆唔會鍾意因為關乎工作態度問題。

約friends遲到,係一種禮貌的問題。

無論如何,應該及早矯正或是擺脫有這種“遲”的習慣或是想法存在!

 

原文轉載至張晨(“鳥”不起),獲授權轉載

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Comments are closed.