打電話Call人前 敬請三思

今時今日咁鬼多種通訊方式:香港人最常用固然係Whatsapp,懶得打字或對大陸人可以用WeChat,對日本台灣朋友客戶可以用Line,對韓國人可以用Kakao,對00後小朋友可以用Snap Chat,對外國人Formal少少可以Send Email。

除非 1) 你係對方的家人 / 非常要好朋友 / 男女朋友 etc.;

2) 你有理由相信對方想聽你電話 (或等緊你電話);

3) 非常Urgent

否則,最差最差的一種通訊方式,就係直接打電話Call對方

 

原因有非常多:

 

1. 你係有野想立即講 但你罔顧對方得唔得閒

Call得人,梗係有野想同對方講。但你又點知對方想唔想聽你講乜?

而且,你又點知對方得唔得閒聽你個電話?

 

如果你無考慮過以上問題,其實你同果的乜鬼「喂你好啊,呢度係MB Beauty….」垃圾電話Call Centre心態本質上無乜分別,都係咁黑人憎。

 

SJ同身邊朋友傾開,發現大家通常遭遇呢個情況:

一些麻煩廢話同事/客戶,往往會係你最唔方便時,例如開會,做Presentation,開車,食飯,睇戲,朝早搭地鐵趕住返工,放工人貼人逼地鐵,甚至去廁所時,就會打你電話。係呢的情況,電話響起,聽又唔係,唔聽又好似唔係咁好。

而且假如你Missed Call後,佢地就會係咁再Call。

 

2. 你漠視對方的時間成本 (Time costs)

無論你收到電話時,係咪唔方便或做緊其他野都好,最最最討厭就係,聽電話後,對方就開始浪費你時間。

契弟:「喂,阿Kelvin啊,我係阿鼎啊。我有樣野想問下你,你等我一陣我諗下先….想講咩呢……..

。。。。。(等待)

。。。。。(等待)

。。。。。 (內心已經咒罵 “鼎!又嘥9我時間”)

。。。。。(等待)

。。。。。(等待)

吖係啊,我想問下呢,XX Project份Valuation Report個 Exact Deadline係幾時要交比投資者?」

你:「我係前日個Email寫住咗,係8月頭,但確實日期,你而家一時問我我記唔起。」

契弟:「好,你等我一陣,我而家找返個Email先,你等等我

。。。。。(等待)

。。。。。(等待)

。。。。。(等待)

。。。。。(等待)

。。。。。(等待)

。。。。。(等待)」

你:「我已經搵到個Email啦,係8月10號。」

契弟:「好,你等我一陣,等我Mark返我Calendar先

。。。。。(等待)

。。。。。(等待)

。。。。。(等待)

。。。。。(等待)

。。。。。(等待)

。。。。。(等待)

OK!我仲有幾樣野想問你……… 」

 

你身體的皮質醇以及血壓立即飆高,好想立刻打爆個電話。

結果,呢位契弟問的都係一些自己找一找就有的資料,但嚴重耽誤你的時間:用半個鐘講個電話,有20分鐘都係度等對方。

 

職場契弟,往往嚴重漠視對方時間成本。每次收到呢種職場契弟電話,都想立即爆一句:Don’t fucking waste my time!!!

 

3. 你連問下對方 是否方便講電話都懶

正如以上所講,如果係好Urgent就無得講,要即刻打電話。

但大部份時候,其實要傾的內容都唔係緊急都立即要傾。

 

一個有Manner的人,其實應該起碼都 Whatsapp下對方:「Can talk?」

除非對方本身已經等你Call,例如已經講過話今日你可以隨時Call,咁你就真係隨時Call咗先都OK。

否則,都係果句,你貿貿然Call人,你又點知對方而家有無時間?

 

4. 你連預先通知對方 Set個Agenda都懶

定係職場屎忽鬼?

就當你呢個電話並非瑣碎無聊,而係真係有野要問,有野你想知。

咁呢個時候,你更加應該先Whatsapp下對方:「關於XXX事宜,可否電話傾兩句?」

咁樣一來,對方可以先永幾分鐘時間,放低手頭上工作,然後再準備一下你想討論的資料。

否則,貿貿然Call過去: 「喂 Kelvin 又係我阿鼎啊,想問下你有單Project係10年前即係2007年5月4日,裡面係有份Due Diligence checklist 其中第22段(a)呢,好似係你上手當年跟架。你知唔知我講邊一段啊?」

你 (內心咒罵中,但語氣保持克制):「 你等我一陣,10年前Project我要少少時間Retrieve 返出來。。。。。。。。。。。。。。。找到了,我要少少時間睇。。。。。。。。不如我睇完覆你,你Ur唔Ur架?」

契弟:「其實我只係想問下一個General問題,同呢份Checklist無直接關係架…..下刪20分鐘廢話」

AW#%#FT#@Y#2R@#@#%!!!!!!!

 

SJ制定:電訊溝通的基本禮儀

1. 如非緊急,請先Whatsapp,得到對方確認後再Call。

2. 在Whatsapp message,最好寫明想幾時傾,同埋想傾乜野,越詳盡越好。

3. 假如對方已經Whatsapp滿意地回覆你,則告訴對方不用打電話了。

4. 打電話前,請自己首先做足功課,唔好有為問而問的心態。

5. 打電話接通後,最好都問對方而家方唔方便講野。

6. 除非對方好中意聽你把聲(highly unlikely),否則請盡快完成通話,唔好咁多廢話。

 

SJ結語

政府個垃圾廣告 (literally):「做乜鬼都好,咪做大嘥鬼!」

建議勞工署都出個口號「咪做職場屎忽鬼,打電話Call人前請三思!」

 

 

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags: ,

Comments are closed.