香港人壓力大就全世界都知，從小朋友讀書到大人供樓及各樣開支的壓力都一應俱全。
好多人會覺得弱者先會被壓力Overwhelmed，其實即使強如很多中環人 ，無論係bankers定律師，有時一樣會被壓力壓倒，除了一般人所想像到的錢銀壓力以外，也有來自極高強度工作的體力及精神煎熬。
中環人長期受壓時，容易衍生一種帶有香港特色的精神狀況，方便起見可以將之稱為 「中環病」。唔係話一定中環人先會有，但係中環做野的人之中特別常見。 非官方統計，每10個中環人有6個曾經或在一生中將會患上中環病，其中的病徵如下：
1. 睇任何人都唔順眼
正如SJ早前都講過，在長期受壓的高強度環境工作，即使讀Maryknoll上HKU的鄰家女孩，都容易變得粗口爛舌，對大部分人的評價，總是離不開 On9 或仆街。
相信很多人都見識過，好多30-40歲的公司中高層，Manager / VP 職級，月入4-12萬果批，大概係全公司最黑人憎的一個族群。他們之中有唔少人，對所有人與事都睇唔順眼，對下屬的工作成果，總以最尖酸刻薄的言辭批評，講到係垃圾都不如。
當然，好多時候呢種批評其實都Justified的，尤其係好多人總是交出錯漏百出的功課交差就算數。 但亦有好多時候，其實係呢位Manager出於本身神經緊張而對所有事情過分反應。
2. 情緒起落大 時而抑鬱 時而亢奮
Credit: HKGolden
中環病的一個重大表徵，就係情緒波幅，起落大過創業板的妖股。中環病人可能一個朝早返到公司，好似全世界都得罪佢咁，從下屬到客戶以及合作夥伴 (電話收線後)，將Ben Sir教的廣東話五大粗口淋漓盡致地應用於一句說話，大鬧特鬧。
正當呢個風聲鶴淚，全世界都唔敢出聲的早上大家默默工作之際，呢位中環病人突然又由極度憤怒，變為極度亢奮歡暢，突然同全公司的同時 R水吹，搞爛Gag，又很關心其他同事的工作是否需要幫忙，叫他們隨時出聲，比薯片落區更加親民。
3. 變得極度Cynical
整體來講，中環人本身就有Cynical的傾向。凡是有任何人做一件好事，中環人總熱愛猜度其背後是否有不為人知的動機與陰謀。
患上中環病的話，會再變得更加多疑及拒絕相信任何人，也會覺得任何人都只想找自己著數，並非交心朋友。
Credit: CC Flickr user Kullez
4. 覺得無人明白自己
「從來無人明白我 唯一你給我好日子」 劉德華唱都唱出來，呢個可能是很多人的心聲，唔只係中環人。
但中環病人的問題就係Skip左後面果句，而只係覺得全世界無人真正明白自己：
咁辛苦由低做起，一步一步爬上來到塔尖，卻越來越覺得孤單，常常有舉目無親之感。
畢竟，追求成功的人，經常要離開自己的Comfort Zone，包括自己的朋友與夥伴。 絕大部分人一生，也就停留在自己出身的階級，要爬升上去，代表你將到達一個陌生的地方。 其實呢方面都可以理解。
5. 好想離開香港
Credit: Blogger
非常多人工話高唔高，話低唔唔低的專業人士，日日夜夜都想移民，覺得香港好壓迫，工作壓力大，工種單一，而且紛紛擾擾，睇唔到有將來，只見到會越來越差。好多人朝思暮想就係去到外國，鳥語花香，可以開一間小店，住洋房而開車代步。而且，更重要的或許係覺得在香港不怎麼如意，無論係工作以及人際等方面，去到外國可以從新開始 Start over，展開新生活。
唔評論去到外國係咪過到更加理想生活，但假如在香港生活時朝思暮想移民，代表你已經有「中環病」了。
6. 需要買名錶 靚車證明自己
好不容易捱過呢個高壓工作環境，終於由散仔升到大佬級，人工十萬八萬了。雖然唔係話發達，但總算比絕大部份香港人來講，都稱得上係高收入人士。呢個時候，就好易沉迷物質，買個20萬的愛馬仕手袋，買架120萬的Benz屎或波子，然後就自覺高人一等，自我感覺良好。人生就被物質所驅動，自己與他人的價值只由擁有幾多奢侈品定義。窮得只剩下一點點錢同埋奢侈品，徹底忘記初衷，就係呢種。
SJ結語
面對中環病，有咩對策？
首先，有個「正面圈子」會好有幫助。人都係容易受身邊人影響，耳濡目染下，如果身邊的人比較正面積極，樂觀自信，有料而又友善，其實自己都會受他們的「正氣」帶動，反之亦然。
其次，雖然香港確實幾壓迫，而只要一打開報紙，就見到唔少香港人其實都非常黑人憎，但如果你有一個安全地帶，一個Comfort Zone，就可以好似一個避難所咁，在你最大壓力時，可以瞬間忘卻煩惱，甚至想通很多問題。 對有些人而言，就係返屋企同父母傾計，飲碗靚湯。 對另一些人而言，就係落樓下運動場跑10公里，又或與家中的貓狗玩一輪，壓力自不然消失晒，真係好神奇。
最後，培養興趣係常識吧，起碼有興趣仲可以keep you going，仲有少少期待的事，例如週末去行山，去學畫畫，去玩航拍等，其實已經唔錯架啦。
無錯，就係呢句：「其實你已經唔錯架啦。」
唔好對自己要求過分苛刻啦，放鬆的啦中環人！
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略