StealJobs.com作為一個薪酬分享社區，經常收到好多問Career的電郵。大部分答到的，都會安排各行各業的友好專人幫忙指點迷津，向來都解答唔少網友問題。
SJ最近卻收到一封發人深思的電郵，問及自己的人生規劃問題，發現難以從單一角度解答，所以Post出來拋磚引玉，希望個位出類拔萃的SJ網友幫忙解答：
讀者問：
Hi SJ，一直睇你地網站，無論係深度文定各行各業人工，覺得好有意思。最近睇到你地一篇舊文，標題係《殘酷現實：你永遠不會月入3萬，去考紀律部隊吧》，覺得好寫實，係好殘酷既現實。好似我咁，讀非三大商科畢業，本來希望係社會大展身手，卻發現真實的社會天高地厚，原來自己無想像中咁出色。在某航運公司做咗幾年，都唔算太辛苦，每日一半時間都係打下機睇下劇，但問題係每年人工加得少少，升職無望，因為公司根本無咁多位。而且近年航運業成日裁員，真係唔知幾時到自己。試過報其他行業既工，但又無乜回音。
反觀身邊做紀律部隊的同齡朋友，就算做散仔都已經25k，個個買晒樓，借盡90%都唔怕，皆因鐵飯碗吖嘛。而自己卻得19k，拜年時有D hihi八卦親戚成日問我人工幾多都唔咁講，又問幾時買樓同女朋友拉埋天窗，果一刻我O晒嘴唔識答，淨係識得傻笑話努力緊啦。真係好無地自容想打爆個窗。究竟我係咪好失敗？
Credit：公屋潮文
SJ Team 答：
從政府公布收入數字，據說全港入息中位數係大概14-15k左右，所以你數據上好過好多人。
但大問題係，人的滿足感完全建基於「期望值」。
你18k，但見到同齡人25k，自不然覺得不足。再加上，正常男士30歲，成家立室無可厚非，以你一個工作多年的大學畢業生，收入18k卻完全買樓無望，唔怪得晒你，係成個經濟好瘋狂好扭曲。起碼，你都有工作，而唔係坐食山崩。
但同一時間，人望高處，18k呢份工既然都幾Hea，會唔會就反映到公司生意普通，或者唔適合有上進心的人？
無論社會點扭曲都好，而無論同唔同意都好，社會現實係咁，假如對現狀不滿，你唯有搵更好機會，進入更有前景的行業，更加努力磨練自己。如果做到呢幾步，咁無論結果如何，你都肯定唔會係失敗，而成功亦只係時間問題。
SJ提示：最新回覆於2018.4.2收到，已更新內文。請繼續拉下閱讀回覆。
各位讀者點睇，填下面份form或者Facebook我地分享下。
Anonymous – 2.4.2018
“樓主呢刻覺得月入 18k 比唔上其他朋友，因此有點自卑開始懷疑自己，但其實收入幾多先叫夠？追求數字永遠唔會有滿足既一日，到你月入十萬就會發現銀行戶口的數字多幾 k 甚至 100k 都唔會為你帶來咩特別既滿足感同快樂。人永遠係比上不足，比下有余……與其同身邊人比較，倒不如認真審視自己的工作有否為自己帶來滿足感、成就感？工作只是為了份糧，定係可以成為你希望繼續發展的事業？
29歲仲係後生，就算想轉工轉行，都仲有好多機會，唔好俾自己既固有框框局限左自己，見過大把人40幾歲辭職走去讀 JD 再做大律師。有目標就有動力，樓主加油！”
Anonymous – 1.4.2018
“其實SJ講得好啱。睇得出呢位讀者系有上進心嘅人，
Anonymous – 1.4.2018
“如果成功只係單一用人工數目去睇咁已經係一種失敗的念法。倒不如多些審視自己你的價值係邊”
Anonymous – 1.4.2018
“每日一半時間都係打下機睇下劇」……”
Anonymous – 1.4.2018
“月入18k唔失敗，唔知自己有什麼目標才是失敗吧 
🙈🙈
(例如: 我)”
Anonymous – 1.4.2018
“最失敗係明知自己現況係咁， 都唔努力增值自己”
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
