在人人爭做老闆的世代,做個「得力員工」其實更值錢

我想匿名Share薪酬資訊,並率先獲取 "香港+"職場攻略

2018呢個年頭,係人都做緊/「準備做」Startup,街口的Co-working Space與Incubator就來比7-11多,樓下個賣魚佬據說都開始做Angel Investor正在物色有趣的項目,希望以紅衫魚價錢投中下一個Snapchat。

無他的,在樓市瘋狂+橫行,紅磡公屋都兩萬蚊呎,以及人工低下的年代,似乎「不創業,便成仁」。

See also on SJ House:  紅磡 海濱南岸 Harbour Place 好住嗎

 

然而,一如所有其他市場,「就業市場」都係講供求定律。在大家一窩蜂去做某一件事時,好可能呢件事已經到水尾,開到荼糜,就如2000-2005年左右的Audit,2008-2012年左右的法律與投行,亢奮過後,少不免泡沫爆破,發現原來機會無想像中咁多。相反,當大家都遺忘的一些小事,反而可能先係真正的Game Changer,起碼對你自己人生而言。

 

當然,「創業」係好空泛的說法,開餐廳同搞IT都兩個世界的事,而即使「搞IT」都有 Blockchain, VR, AR, Big Data, SoLoMo等最「流行」的高端創業者,以及「接Job」同「拍條片/寫鱔稿」呢類唔Glamourous而低端創業者,雖然對賺錢能力未必有任何Indication。

走在中環,無論係金融界定專業人士,假如你自己無「買Bitcoin賺咗兩百萬」或者「最近開始研究Blockchain技術」,無容置疑係有點Out。 但唔緊要,正如之前的AR Big Data之類,參與者眾,評論家更多,但真正從中獲利的其實極少,起碼肯定輪唔到你,除非你本身在矽谷/深圳/北京科技園,而且件事未Hit已經研究從事多年。

 

點都好,講返呢個「就業市場」,其實在人人爭做老闆的世代,做個「得力員工」其實更值錢。

 

「想做老闆」係最容易有的念頭,大概同人類「Eat」同「Sex」一樣來得自然,係一種inherent need。月入15k定50k,都不約而同覺得老闆剝削自己太多,明明自己幫公司賺薪金5倍以上金錢。呢種躁動,通常漠視咗好多因素,例如逗份糧的安穩 (雖然有時候係False sense of security),避開了做老闆的風險以及跑數的不安感,甚至係創業時期每日食屎食足五年先有起色等等。

所以香港有個好奇怪現象,就係雖然香港咁多人,又9間U又海外生,但公司同Team Heads們永遠都「請唔到人」。叻人都忙著去「大幹一票」,趕住做IG紅人賺大錢然後賣化妝品同限量版波鞋發達,就算留低打工,基本上都在準備狀態中,人在心不在,唔炒Bitcoin都起碼炒期指。

 

剩下的,除咗係「真.冗員」,仲有絕無僅有的「滄海遺珠」:真正做到野,勤力負責,上心的員工,解決到工作問題,而且非常重要的是,唔會成日候住你個位,朝思暮想自己點樣可以取代你或者搶晒你的生意自己創業。

呢種好員工,其實係非常值錢。香港No.1 典範肯定係長實霍建寧。跟咗李嘉誠幾十年,要人脈有人脈,要資本有(頗足夠)資本,點解唔自己出來起樓賺大錢,甘願幫李嘉誠做牛做(頭)馬?騰訊都有個香港人劉熾平,都邁向呢個方向。

或者,呢個係性格問題,但做到呢個位,真係會唔Ambitious咩? 更可能,係計過條數,計埋潛在回報同機會率,都唔及自己繼續跟住誠哥的待遇。呢一方面,就係「千里馬」與「伯樂」的老生常談。

你幾好打,但腦細廢,始終都限制了你的高度同收入。相反,跟住個「上升軌道」的老闆與公司,自己都無時無刻要保持巔峰狀態,因為身邊環境都增長得好快,永遠介乎你差不多但還沒有Outgrow你公司的環境與層次,咁就值得繼續做個「好.打工仔」。

 

所以,假如有幸身處在呢種上升環境的話,倒不如疊埋心水,做個「得力員工」其實更值錢。起碼,你人工翻幾倍時,盲目創業的朋友可能仲在苦海浮沉,走去搵賣魚佬乞10萬港幣投資都被人踢走,好行唔送。

 

SJ結語

但係,一個好大的Caveat係,香港好多公司同老闆都…..

咁呢個時候,無論自己做定轉工都好 (Btw. 轉工無理由唔睇咗StealJobs先),千萬千萬唔好橇公司客,其一犯法唔值得,其二無Class,如果唔本事自己從零開始,咁不如都係學多幾年野先。

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required


StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags: , ,

Comments are closed.