2018年 香港最L慘就係中產

一年一度報稅季節又到,幾個專業人士朋友坐埋一齊,難免都會呻交稅之苦。然而,2018年的中產,確實好似空前地陷入一種無力與無奈感。

 

幾個20中到尾的朋友,從小到大未停過努力拼搏,從華仁QC讀到港大,或者海外大學,考試成績年年都名列前茅,返來香港考埋專業資格,每日勞心勞力辛勤工作,亦託賴在行業立足甚至扶搖直上。幾個人當中,月入7萬到10萬不等,理應係社會上的精英階層,過著物質上無憂的生活。但呢個「理應」,原來已經過期咗最少十年。

 

首先講交稅。

可能你覺得,月入10萬8萬,交返10萬8萬稅係好公平好合理,而且完全係負擔範圍以內。

但係,究竟咩叫公平? 一個有買醫療保險,頭暈身㷫自動波睇私家診所,而又從來唔惹事生非,無勞煩過警察,法庭,更遑論麻煩過任何其他政府機構的人,其實個人從政府得到幾多嘢,Consumed 過幾多公立資源?當然,你可以話治安好 blah blah blah都係一個經濟學的「Positive Externality」,但同時只要打開新聞睇下咩「母語」論,700萬人同時又承受幾多政府的「Negative Externality」?

交10萬8萬比政府,即係30日的勞動收入,換來幾多政府資源? 其實真係無乜,所以簡直係白交比政府,一個你好有意見,但係又毫無選擇的政府。如果係Ben Sir做教育局長,起碼我條氣都順D。學 (前全國政協) 田少話齋,只想回應一個字,DIU!

 

相反,草根階層,反而有公屋綜援,中產真係乜都無。尤其近年機票平咁多,眼見反而草根去旅行次數,隨時多過好多所謂中產。

 

而且,所謂「負擔範圍」,帶我地到第二個Point:今時今日,月入10萬又如何?

唔係話懶巴閉定點,而係真係唔算係咩錢。原因好簡單,2018年,香港人要「安居樂業」的成本,已經高到一個瘋狂地步。

從2010年開始,香港樓價上升的Trajectory,令人有理由相信到2025年,太古城應該升到5萬蚊一呎,即係閒閒地5000萬先買到太古城。當然,呢個有少少悔氣說話,但無可否認係,樓價下跌的可能性極微。

正如最近有數據講過,單係上年就有幾萬個人以工作簽證來到香港,而且據說大多係高收入人士,或者係家底極豐厚之人,呢個強勁Demand,輕易地將所有土地供應吃掉。唔係話搞地域歧視定點,但事實就係事實,冤有頭債有主,好似幾年前「梁特」搞個買家印花稅,其實本身就係針對呢個問題,唔係話歧唔歧視,而係保護本地人係任何政府都要做的事。簡單分析叫人負擔唔起就考慮離開香港,雖然係根據事實分析,但唔係負責任政府做的事,因為係人都講到:「買唔買啊? 買唔起就過主啦!」

所以,就算話月入10萬算高收入,但首先你要好努力儲錢比首期,其次係社會上確實百物騰貴。 你都可以話,咁你住新界咪平好多。 但係,月入10萬8萬,梗係OT到痴線而且隨傳隨到,住得遠唔係唔得,但成日會唔夠訓。

同埋,當香港地呢個社會,連月入10萬都要住入新界,咁月入2萬d人又點呢? 定係呢個政府真係想大家都訓街,或者齊齊返鄉下建設大灣區?如果係,你老實咁講,起碼都Respect你的誠實,當然社會點反應又係另一回事。但係呢種陰陰濕濕的作風,先最令人不寒而慄。

 

相反,假如係10年前呢個年紀呢個收入的人,其實係充滿希望。首期好快就儲到,供樓都唔會太辛苦,即使工作辛苦,但起碼住到自己心目中的理想居所,安居樂業,養妻活兒,其實理想中的中產生活不過如此。中產住太古城,比較上進的甚至有機會住寶翠園貝沙灣,而普通打工仔都可以住九龍的屋苑,而且更重要係可以住返自己熟悉的區分,同親戚朋友甚至街坊保持返一種Bonding。而唔係全世界無論中產定普通打工仔,都要從市區搬入屯門馬鞍山,其實要求不過好卑微。

Also on SJ House: 太古城Taikoo Shing 好住嗎

 

真心唔想怨社會,真心會而且有自食其力搏殺工作,但個社會又對你公平咩?真係「呢個世界公平咩!」唉,真心覺得灰。

 

文章來自讀者Juan投稿,歡迎更多高質投稿 (FB PM / Email)!

 

SJ結語

睇完都好灰,真心灰。媽點算啊~~

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags: , ,

Comments are closed.