前排一個報導講到 「万刀甲」晒自己身家已突破一億關口，而舊愛Stephy亦不忿被指走寶，霸氣回覆自己都有最少7000萬身家。
老老實實，兩位明星歌喉就認真普通，但近年勝在講普通話在大陸市場搵到自己定位，雖然遠稱唔上爆紅 (unlike 的士陳, AngelaBaby及GEM等)，但依然如此豬籠入水，可見13億人市場潛力有幾大，而近年亦越來越多香港明星上去搵銀，正如各位高學歷IELTS 9分Ivy League畢業中環人Banker律師的金錢命脈 (Clients) 都係講普通話的北大人，其實可以理解。
話雖如此， 其實呢個世界除左搵錢以外，亦有一種好難量化的東西，叫做「情懷」。
咩係情懷？ 諷刺地由近年毫無懸念最吸金的周杰倫歌詞Demonstrate出來。
周杰倫坐擁包括香港在內數以百萬計Fans，每次紅館開演唱會，基本上無可能買到飛。台灣向外輸出流行文化幾十年，從鄧麗君到周杰倫，雖然面對韓國同大陸崛起，以及已升上神檯的日本，依然屹立不倒。
曾幾何時，香港身為「亞洲四小龍」之首 (BTW 完全過時的詞彙），被譽為東方荷里活，出產大量天王巨星，將廣東話演繹的流行曲同電影帶到全亞洲。
周杰倫的《聽媽媽的話》被稱為他唱出來的自傳，輕快的曲風唱出自己小時候如何聽媽媽的話，在別的小孩子玩耍時，自己努力彈鋼琴學音樂，而長大後因此跑得比別人快，跳得比別人高，成為天王巨星。
其中，周杰倫的歌詞除左「媽媽」以外，唯一提到兩位明星，無獨有偶都係香港人：
… 對了 我會遇到周潤發
所以你可以跟同學炫耀賭神未來是你爸爸…
…你會開始喜歡上流行歌 因為張學友開始準備唱吻別…
可想而知，香港的流行文化，除了在本地發光發亮，曾幾何時對台灣人以及所有華人有幾大影響，可以話係起啟蒙作用。
有上大陸工作的朋友可能都會有同感：同香港無咩淵源的外省人，往往卻都識得唱幾句張學友同Beyond的歌曲，以及由周潤發主演的《上海灘》的主題曲。甚至係電影如《古惑仔》，有趣地遠至越南朋友，一同香港人坐低就好快講起陳浩南的友情歲月。
甚至係潮流文化Powerhouse日本，據說都有大量張國榮與梅艷芳的忠實Fans，而澳洲人河國榮甚至為了偶像學廣東話來香港生活。
如今很愛國的星爺周星馳，當年的《國產凌凌漆》幽「國情」一默而大賣，風行港台星馬，如今依然為人津津樂道，亦係90年代喜劇經典。
文化軟實力，大概如此。
Credit: Daryl Chapman
那個年頭的香港，代表住「遍地黃金」「有型」「先進」，亦代表住「自由」同「國際化」。
Arguably呢種自由同國際化其實香港依然擁有 (雖然打開報紙觀感上往往係另一個講法，而實際上可能前者確實有被蠶食跡象)，然而真正改變了的可能反而係「遍地黃金」「有型」「先進」呢D看似表面而膚淺的因素。
或者好多人唔相信，氣質往往需要金錢來培養，而情懷一樣需要商業發達的支持。
近期SJ同一位離開政界從商的文化人朋友見面，講到「Sell人情味」呢回事，其實Cheap得很，Cheap as in 廉價而非賤格，當然價錢一樣係賤價。
全世界大部分地方一樣係資本主義掛帥，尤其香港呢種大都會級城市，各門各路黑白灰商業財金利益，每日無休止爭取利益最大化，其實呢方面，香港無論係90年代定今日，本質上無改變過，當然多了一些新Players，可能有陣徐大家聞唔慣，而結果亦係令遊戲競爭更加激烈。
周潤發年代，唔係Sell懷舊情懷，係Sell最型最劇力萬鈞的角色與故事，張學友Sell最能觸動人心的樂韻與歌喉。
香港呢個年代點解黯然失色？係基本條件的改變，定係人自己的問題？
其實真係好難定奪，但Bottom line係當努力工作的年輕人，連買層普通樓成家立室都無希望，當權者絕對難辭其咎。但另一邊廂，其實即使2003年2008年一樣有過如此上車機會，或者世事難料，好快又有類似機會，咁到時你又準備好嗎？
而且，在Youtube年代，素人逆襲爆紅並非天方夜譚，更好的做法，會唔會係單純的Try harder?
然而，對絕大部分人的問題，係 Are you even trying?
SJ結語
係呢個社會大環境真係唔容易，但大家一定要重拾拼搏精神！
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
