其實 香港的冬天先最有Feel

2017年經歷左酷暑,眨吓眼年中秋同重陽都過埋。在全球暖化的大環境下,今年嘅天氣算係特別凍得幾快,12月頭已經可能低至十幾度。

SJ相信唔少人身邊嘅同事或者朋友,都已經密鑼緊鼓準備緊秋冬季節去邊度旅行。最熱門當然係去日本有10月尾開始睇楓葉去到12月同埋下年年頭滑雪等等。然而,SJ卻認為,最有feel嘅冬天,其實就係香港。

 

香港過冬天其實係成個package :打從中秋節後知道重陽節期間嘅個零月,天氣有夏天嘅酷熱慢慢變為秋涼,由潮濕變為乾燥。真正提醒大家夏天已經結束嘅,大概就係好似呢幾日咁突如其來嘅一陣秋風同埋涼意。

 

然後好快去到 12月,更加係成個Festive季節嘅開始。絕大部份行業買公司,到咗12月唔多唔少都會慢咗落嚟,原因就係聖誕節前嘅holiday mood。從屋企甚至係公司佈置聖誕樹同埋燈飾開始,即使返工心情都會格外舒暢。

雖然港式聖誕節向來為人垢病,例如滿街的聖誕燈飾同埋各大百貨公司日播夜播疲勞轟炸嘅聖誕歌,商業化而且落得俗套,但在一個唔會落雪嘅亞熱帶地方,其實正正係呢D野先帶來冬日氣氛。而且,從中學時期開始,到出來做野後公司的Christmas Party,雖然都係一班人叫Pizza Hut或者壽司外賣,飲下汽水,唔係咩貴野,但就係咁一班人簡簡單單,嘻嘻哈哈先係最地道的港式聖誕節。

聖誕節前仲有一個華人的重要節日,就係「過冬」。根據農曆,每年過冬呢日,正正就係每年日照最短的一日,亦係理論上最寒冷的一日。究竟,古代時編排農曆的人,何以學識淵博到可以算好每年邊日日照時間最短?呢個可能係唔少家庭一家人過冬食晚飯時的一個話題。但點都好,在最寒冷的一天,一家人提早4點放工聚埋一齊,齊齊在飯桌打邊爐,其實真係好好Feel:在最寒冷的一天,回顧過去一年來的大小事,最近工作的近況,以及來年的展望。所謂「冬大過年」,其實正正在呢種溫馨體現。

 

Credit: apple daily

到聖誕節本身,從24號平安夜X’mas Eve的聖誕派對狂歡盡興或子夜彌撒,到25號聖誕節正日的Hangover 或聖誕崇拜 (視乎你的宗教取態及習慣),一直到26號Boxing Day拆禮物日的驚喜,反而顯得有點普通了。其後幾日的辦公日,在節慶之後的反高潮,彷彿提醒著你歡渡假日只是暫時,在Office的9-6日子才是常態。

然而,過幾日後,尖東海傍及時代廣場拆下聖誕燈飾,換來Happy New Year的倒數佈置,不消一會又到大除夕的另一種狂歡。少了宗教色彩的節慶,少一份冬日溫暖感覺,多一份對未來的張望與野心,更為世俗,還定下來年的新年願望New Year’s Resolution。

 

香港的冬天,有著每年主要的節慶日子,當然少不了每年一月底到二月之間的農曆新年。鄰近地區都統一口徑稱為「春節」的日子,香港傳統而言稱之為「過年」。細個時,每年跟隨父母到國貨公司或超級市場「辦年貨」,以準備「返鄉下」探一班非常期待見到你的親戚,相信係唔少人的集體回憶。當然,多年過去,「鄉下」已經發展成市鎮,親戚唔少亦越來越疏遠甚至反埋面,則是後話了。

 

從年廿八洗邋遢,到年三十晚團年飯及行花市,大年初一的拜年,一直到赤口及人日,到初四啟示返工及開工利是,還有開年飯。成個冬天的節慶基本上圓滿結束,天氣亦從華南式濕凍慢慢變為乍暖還寒的潮濕春天日子,大家亦從節慶氣氛回到工作的full gear,或許是努力實現新年願望吧。當然,也有唔少人其實都係同去年無分別,呢個亦不過亦係個人選擇。

 

但點都好,香港呢個地方固然有諸多不是,但尤其出外生活過的人難免明報,每年可以期待的港式冬天節慶,全球只此一家。或者,因為這就是我們的家吧。

 

SJ結語

呢個冬至同聖誕,你又會同哪些家人朋友吃飯共度佳節呢?

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags: ,

Comments are closed.