Com Sec界的變態阿姐 是怎樣煉成的?


SJ小小編只可以話,在每間咁上下規模的公司,都存在著一個「變態阿姐」的角色(亦可以係阿叔,不過好似creepy 啲,分分鐘可以投訴佢騷擾?)。變態阿姐的形成是一種迷,他們的成長是旁人無法理解的,究竟他們是否born to be evil呢?繼續讀落去…

 

要數數Com Sec的名物,「變態阿姐」應該係長居第一位。

 

有人可能會話:「咁你即係歧視女性姐?!你估男上司就一定好咩,男人賤喺上嚟,都可以好賤㗎!下刪一千字……」

 

無錯,男人要賤起上嚟可以賤過女人,之但係呢個唔係我哋今日討論嘅範圍。


 

何謂「變態阿姐」?

對於變態嘅定義,有人可能係妹仔肚 ─ 少少刺激都頂唔順,有人可能可以好Hardcore ─ 愈墮落愈快樂(我就唔好呢味嘢嘅)。以在下多年來嘅觀察及根據正常人嘅承受程度,「變態阿姐」通常有以下幾種特徵:

- 吹毛求疵,執著於不重要的部分

- 不學無術,不求進步,堅持以往的做法

- 喜歡Micro-management,細至幾時去廁所都要管住

- 很容易發脾氣,喜歡罵人

- 依賴權威,死不認錯

- 雙面人,對住上司唯唯諾諾,當下屬及其他人係殺父仇人

- 鍾意OT(但無補水㗎)

- 鍾意叫人陪佢OT(我唔要一齊早放,我要你同我一齊遲走)

 



根據非正式統計,「變態阿姐」以中年(40歲起)未婚女性居多。

 

我嘗試就「變態阿姐」呢個現象分析箇中原因。

 

原因一:工作性質

廣義來說,Com Sec工作量多而重複;根據公司註冊處官網數據顯示,香港於2014年至2016年期間成立的私人公司,約有14萬間(冷知識:多數由NGO成立的Company Limited by Guarantee一年成立數目平均少於1000間)。所有私人公司均需Fulfill最低限度的Annual Compliance(搵商業地址作為註冊地址、續領BR、召開AGM會議/撰寫AGM文件及Annual Return Filing)。因此,市場對於公司秘書服務(Company Secretarial Services)的需求很大。而從業員於Pro Firm或CPA Firm工作居多。

 

香港中小企傾向減低營運成本,Com Sec對於佢地來說,係一筆每年需要額外俾錢俾人做嘅工作,猶如申領其他牌照如食物製造牌照、酒牌一樣,其視之為「企業稅」的一部分。因應呢類客人嘅需求,坊間的CPA Firm及商業服務公司正正可以提供價廉物美的服務;啲客搵開呢類公司做Audit,順便搭單搵埋旗下嘅Com Sec Firm做埋Annual Compliance,呢種一條龍服務,廣受中小企歡迎。

 

正所謂一分錢一分貨,大部分Pro Firm或CPA Firm的客人(統稱「客人」)一般結構簡單,只需做最低要求的Annual Compliance,最重要係唔好俾到麻煩佢哋,同埋…最緊要 ─ 平。

 

香港私人公司公司秘書Annual Compliance盈利少且市場競爭大,因此,一般Firm都需要接一大堆客,以量取勝去維持生計,一個Com Sec嘅Portfolio閒閒哋都有100、200間香港公司。呢到可以解釋點解Com Sec的工作量多而重複。負責的公司數目多,變相要照顧(用「湊」嚟形容會比較貼切)嘅客人數目亦多。

 

女仔天生性格一般比男仔細心、不怕悶、有耐性,喺呢個需要與客溝通及處理重複性高嘅行業,女性投身呢個行業意欲較男性高,而部分公司老細亦傾向聘請女性。

 

所以,Com Sec行業嚟講,女性從業員遠比男性為多係好合理嘅事。

 

然而,上述情況近年略有改善,隨著更多大專院校如樹仁、恒管提供企業管治(Corporate Governance)學士學位課程及年輕人對Com Sec行業認識加深,新一輩修讀相關課程繼而投身Com Sec行業嘅男女比例差距有拉近的趨勢。但喺短時間內,男女比例不見得會有很大改變。

 

女人多,自自然然大部分問題出自女人身上,係咪好合理先?

 

原因二:行業生態

多女人唧,咁點解一定要係變態嘅先?咁我哋要講吓行業生態。

 

以CPA Firm為例,有唔少客人係老細舊相識,如何與客人好好相處係一種學問,老細一般不會很清楚解釋每個客嘅脾性以及與其之交情,客人於Internal Deadline,甚至喺Government Deadline後才遞交已簽署嘅Annual Compliance文件嘅情況屢見不鮮。

 

Com Sec作為Legal and Compliance行業之一,容錯率低。例如,遞交Annual Return係有限期嘅,以香港Private Co為例,於結算日當天42日內遞交不到文件予政府的話,需繳交罰款,嚴重者,公司董事有機會需就此負上刑事責任。

 

一名Com Sec從業員一個月需要處理最少10份香港公司嘅Annual Return,行內一般將Internal Deadline Set得比Government Deadline早兩、三個星期,其實已預留時間俾啲客遲交返已簽署文件。我哋通常一個禮拜催個客一次,愈接近Deadline,催得愈密。正因為客同老細嘅關係千絲萬縷,Com Sec從業員成為老細及/或上司之間的磨心機會率很高。若跟足正常程序催客,有機會俾客鬧返轉頭,甚至直接向老細投訴。而不跟規矩做事導致罰款產生,上司生怕俾客戶責怪,怪罪於下屬。

 

單單返工要同客人玩拉鋸戰已用上不少心力。

 

此外,由於「人人都需要Com Sec的關係」,客戶良莠不齊,有些客戶不尊重Com Sec從業員,覺得你哋「做少少嘢」就收咁多錢,口講「啲文件我都識整」,身體卻很誠實 ─ 俾錢我哋賺,有些客人藉此要求提供折扣。

 

喺呢個環境工作底下,Com Sec從業員工作滿足感低下。

 

原因三:社會意識型態(Social Ideology)

上文已指出「變態阿姐」一般係指未婚中年女性,關於呢個婚姻狀況及年齡嘅組合,我有以下解讀。

 

香港社會對於未婚中年女性投有奇異眼光,喺呢個年紀而未結婚的女性一般被人標籤為有生理或心理有缺憾。

 

未婚中年女性喺香港呢個社會生活很容易造成心理不平衡,需要尋找精神寄托,不想回家對著四面牆。最容易及被動嘅方法,就係將時間全部投放在工作,麻醉自己。情況就好似父母過份將所有的精神寄托投放在子女身上,Putting All Eggs Into One Basket,他們只能夠從工作/子女身上獲得滿足感。

 

但咁樣做「風險」很大,若事情稍有不如意,人就會很容易動怒,使到整個人抗壓能力低,呢個係一個唔健康嘅現象。情緒沒有宣洩的渠道,唯有向同事開刀。

 

正因為通行嘅人好多都係咁,形成一個惡性循環,自自然然成為呢一行嘅不明文Norm(呢種真係大家想要嘅Norm嗎?)。唔好以為「變態阿姐」淨係喺Firm出現,有唔少做Listed Co的阿姐都係做Firm出身的。

 

鬧人者繼續鬧,而被鬧者則有部分變成施暴者。

 

「我以前都係俾人咁鬧㗎啦,受少少氣都唔得。」

Credit: TVB

 

「個個都鬧人,唔通個個都想俾人鬧咩?」上面講咗咁多嘢,呢個係一個死局嗎?我覺得大家一人可以行多一步,逐步改善現有情況:

- 多一點同理心,無人想俾人鬧,鬧人大前題係要有一個合理目的

- 掉棄「少做少錯」心態,老套啲講句,學習係從錯誤中學習,「What Doesn’t Kill You, Makes You Stronger」

- 拒絕無謂OT

- 善用工餘時間發展個人興趣

- 最重要,不要讓自己成為下一個「變態阿姐」/「變態阿哥」

 

筆者希望有一日,「變態阿姐」終有一日喺Com Sec行業嘅Dictionary消失。

 

Also on SJ:香港人從 Game of Thrones 看懂的10堂課

 

SJ 結語

呢個簡直係人類歷史循環的縮影:人民英雄推翻暴政,人民英雄當家作主,人民英雄變為腐化暴政,再被新的人民英雄推翻。

人人都討厭賤老闆,但誰又能保證自己做老闆時,會做個好老闆?哈哈

希望大家將來上位後都會記得初衷,多一點同理心,少一點無理取鬧。Don’t be a boss. Be a leader.

 

原文轉載至吾係秘書 – 卡比 《Com Sec界嘅變態阿姐是怎樣煉成的?》

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required


StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Submit Job Review

comments

Tags: , ,

Comments are closed.