香港90後,如何爬上港式Corporate Ladder?

OK,呢個話題針對所謂「中環人」或者中環人的Aspirants,而對那些創業渴望成為下一個Mark Zuckerberg或者林日曦的人毫無關係。

首先,何謂中環人?廣義而言,包含香港所有在中環金鐘一帶,從事金融,專業服務(例如醫生,律師,Consultants,會計師,測量師,甚至廣告與Marketing等),地產,企業管理等具重大職業晉升前景的從業人員,或者更準確應該叫「Corporate人」。

如果一個資本主義社會裡面分三層,下面係普通各行各業的員工,中層就係呢D Corporate人 (中產或所謂「小資本階級 (bourgeoisie)」),而上層就係創業成功的資本階級。

其實,全世界大部分大學高等課程,就係培訓你成為一個Corporate人。或者你會話,點解唔Aim High創業?其實唔係人人適合創業,而且假如要以過物質充裕的好日子而言,立志做Corporate人的「Expected Value」遠比創業的人高,皆因機會率關係,創業始終係「一將功成萬骨枯」。

假如你立志做個Corporate人中環人,有咩條件可以令你成功,如何爬上港式Corporate Ladder? SJ團隊搜羅了一堆真中環人的經歷同大家分享,歡迎大家PM更多Ideas。

 

1. 高等教育(名牌大學)是常識吧

一個窮小子中三畢業,在銀行從Boy開始做起做到銀行大班的故事,已經不復存在了!

今時今日,要參加呢個職場大競賽,大學畢業只係最低要求。2008年前好多非三大學生都有機會入大銀行甚至投資銀行工作,隨著學歷通脹水漲船高,連三大都已經唔咩特別,同你直接競爭的都係海外名牌大學畢業生,而且個個唔1st Hon都接近。「知識」係咪改變命運,但起碼「學歷」先係買到Corporate Ladder的入場卷。

 

2. 驚人的體力/身體對Redbull或Espresso的接受程度

假如你成功步入Corporate Ladder範圍,你將要面對的就係無盡的OT,自己對公司必須24小時隨傳隨到。

OT 到凌晨2點係咩概念?其實不過就係考驗你的身體承受能力,尤其係好似Banker律師Auditor等呢個OT鐵三角,當其他人仲好迷茫,而你25歲就月入6萬? 呢個就係代價囉。

身子弱一點的,或者心理質素唔夠好的,真係會被淘汰出去,或者自己退出從此在呢個Corporate圈子銷聲匿跡。

 

3. 微笑地食屎的能力

承上題,要爬上Corporate Ladder,你必須極度極度極度 Resilient,即係有強大的心理韌度。

好似Game of Thrones裡面的 Faceless Men,你都必須達到無我境界。「你」本身不再存在,而完全寄生於公司與客戶的龐大商業利益之中。

你會面對老闆星期五夜晚7點先比一份新Project你,叫你取消本身約好的朋友飯局,以及本身Book好同家人去的澳門Trip,而返Office做嘢,「無計,做嘢係咁架啦。」而你不可能Say No,假如你認真想爬上去的話。你夠「Aggressive」的話,甚至係主動要求星期六日返去做嘢。

 

4. 較高層次, 開始鬥IQ

鬥完體力及意志,較高層次就係鬥IQ。雖然大家都係名牌大學畢業,但做嘢時的Work/Street Smart同 Book Smart係兩回事。做Corporate人,做嘢要夠Efficient夠Smooth,呢個好考IQ考領悟力。學做同一樣野,有D人學2日都唔明,又有人一講就明晒裡面有咩重點有咩要注意同小心的地方。做任何嘢,做得好就有滿足感。 去到考天份呢關,好多人3-4年後都會唔知自己做緊乜而 Burnout 離場。真正明晒的人,其實佔好少數,而絕大部分企業都有有效機制去留底呢班真正掌握到工作竅門的High Flyers。

 

5. 辦公室政治的House of Cards?

無論係西方式的人格魅力,定係中式的「拉一派打一派」,在中環的企業環境當然係周圍都上演紙牌屋。

無他的,無論係Entry Level爭一份5萬起薪的工作,到升職到10萬一個月的機會,再到年薪動輒幾百甚至上千萬的Partner/Director級別,要晉升到每一個階層,都係不見血的明爭暗鬥。以呢種金額級別來講,假如係江湖中人,已經足以開片劈友打生打死。

年薪幾百到一千萬係咩概念?就係你一個人的個人收入,已經相等於一間上市公司(GEM)一年的利潤水平。講真,等樓價回返少少,住山頂都夠啦。

點鬥?其實都離不開講壞話同拉關係。

弔詭的是,睇起來最奸最危險的人,往往好快就被收檔。往往係那些看起來無害的人,先可以笑到最後。

 

6. 做好人 專注工作 以事論事

呢個都係承上題,係咪真係要玩辦公室政治先可以上位?反而係唔玩而且敬而遠之的人,先最有可能得到最大權力。

在大部分企業,始終都有相對公平的考核制度計KPI。真正專注工作的人,才有可能做得好,而且樂在其中,而非單純視之為賺錢的工作。 而真正做個好人,盡量幫人,唔計較,唔擺架子,處事公平,以禮待人的人,才可能得到大家的尊重與賞識。

反而,大部分奸角,其實本身就係基於種種不足或缺陷,才淪落為奸角這種悲劇人物。

 

7. 形象篇

時刻保持精英形象,西裝與長裙,係幾悶,亦幾靚,可視之為戲服。

與創業者極度不同,後者著T Shirt牛仔褲都得。皆因做中環人,做專業人士,你Sell的產品就係你自己,你必須時刻都包裝好。

相反,例如創業賣健康飯盒,只需確保飯盒包裝靚就可以了,本人無需特別包裝,除非自己都做埋Sales或對投資人,則作別論。

點都好,相信中環人都依然樂在其中,SJ就聽過一位律師朋友,表示自己非常享受著得靚,話會覺得自我感覺良好,一切充滿希望!

 

8. 多才多藝 八國語言 同埋家人

同形象一樣,除了工作以外,最好「你」本身都係個非常有趣的人,多才多藝,精通八國語言。在每日OT的同時,擠出傍晚7-8點的小空檔落樓下Gym操練,再返來做到凌晨2點。因為Again,你Sell的係你自己,而你自己除了工作,仲包含你個人生活,甚至係你家人。

改善自己形象,其實久而久之都改善了自己本身,令自己成為更好更優秀的人,或者呢個亦係中產階級最典型的型態吧。

 

 

SJ結語

思想決定行為,行為決定習慣,習慣決定性格,性格決定命運。

大家又點睇?快D Tag你地身邊的Corporate中環人朋友啦!

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags: ,

Comments are closed.