老土啲咁講：入錯行如嫁錯郎。而SJ Team大膽地猜測香港有超過半成人都係入錯行，not that這些人唔知自己在某行業是侷限了自己的發展，原因有好多，可能因為家庭原因，大市原因等。咁剩低個半成人，善用了自己的權利和選擇做適合自己的工作，這裡的其中一個重要因素就是：性格。
唔同人，有唔同嘅性格；而唔同嘅性格，造就唔同嘅人擔任社會上唔同嘅工作岡位，公司秘書亦係一樣。求知慾(curiosity)，對於要成為一個稱職嘅Com Sec嚟講，係好重要。
根據工作岡位，Com Sec需要熟悉《公司法》、香港聯交所《上市規則》(Listing Rules)、證監會《證券及期貨條例》等等規例，三樣嘢加埋幾千頁紙，仲厚過本聖經，相信無人會由頭將佢哋睇一次。就算你有咁嘅時間，就咁睇你都未必明白箇中內容。同時間，呢一行有海量資料需要閱讀，available嘅遠遠超出你嘅閱讀負荷。我而家俾本「玄鐡劍法」、「九陰真經」、「太極拳」武林秘訣過你學，你未夠悟性，對你嚟講，佢哋只係一疊廢紙。
用唔到嘅知識，就唔係屬於你嘅知識。
根據過往經驗，法規喺幾年起碼有一次修訂，為咗令自己可以更快對於新規例上手，了解修訂背後嘅rationale相當之重要，你肯花心機研究嘅話，全部有跡可尋。
呢一行喺實務工作層面上，往往有唔少灰色地帶；而決定點樣去做好compliance，需要你就公司自身情況及相關法規要求思考，從而取一個平衡點。
以Listing Rules為例，其寫作對象為上市公司管理層以及投資者等人，Listing Rules為咗可以應用喺所有香港上市公司，難免在規則訂立時寫得比較有彈性〈甚至乎空泛〉，因而在執行上充滿灰色地帶；視乎事件嚴重程度，上市公司違反〈breach〉Listing Rules，未必會即刻俾人罰〈嗱，我唔係鼓吹大家知法犯法，人唔係機器，總有機會會錯嘅，亦會遇到要緊急補鑊嘅時候〉。喺呢啲時候，律師、公司秘書、會計師等專業人士則可就過往嘅同類型經驗去建議公司下一步應該點樣行，究竟點樣可以幫助公司盡快遵守返相關規例。多一點思考，了解背後更多Listing Rules訂立嘅rationale，工作時便懂得靈活變通，亦對於維持Com Sec專業操守，不無幫助。
所以，我哋要珍惜喺工作上遇到ad-hoc tasks嘅機會，喺處理唔同case嘅時候，我哋需要查閱相關法規章節。喺解決問題之後，我哋又獲得新嘅經驗，呢啲經驗係要靠你平日慢慢儲返嚟，再經過反復思考及沈澱，將知識內化，繼而轉化成為你嘅技能。「執屎執得多」，ad-hoc problem solving做得多，你嘅個人價值亦會提升。
閒時，亦可以跟同業朋友一齊討論，互相學習。
只可惜人大過咗，顧慮比以前多，我哋俾「Curiosity kills the cat」呢一種思維框架框住，凡事變得三思而後行，生怕會得罪別人。我地變得好怕問點解。
「唔洗問啦，跟上年做法咪得，阿姐都係咁講，洗乜諗咁多，我地都話唔到事㗎啦。」
逐漸，你變成一部不會思考嘅機器。
你想唔想之後嘅日子都係咁樣過？你覺得咁樣做人無咁辛苦，fine，呢個係你嘅選擇。如果唔想嘅話，咁就要諗方法改變啦。其實，你以前並唔係咁嘅人嚟。曾經，你都係一個滿腔熱血嘅人。
仲記得你喺細蚊仔嗰時擁有嘅一份率性同埋童真嗎？我哋遇到唔明白嘅地方，本能反應係會問「點解嘅」；例如，見到一隻風箏會飛，我哋會好高興咁問爸爸媽媽點解佢會飛，煩到佢哋肯問自己問題為止。嗰陣時嘅我哋，係幾咁開心，幾咁容易滿足。
好奇，可能會殺死貓，之不過「The cat has nine lives」，你係咪咁易就放棄？
「最多閒時咪俾人罵吓，佢又唔會打我嘅，唔會打我，咁即係唔會死啦；唔會死，咁我仲有乜嘢好怕？」
求知慾，簡單嚟講，即係對外界事物最直接回應嘅嗰一份童真，唔好講話工唔工作啦，唔洗抑壓自己本能，生活都會開心啲。
無論做邊一個行業都好，做一個喜歡發問〈不論問自己，抑或是別人〉嘅人，有助加強自己對行業及市場資訊嘅敏感度，維持競爭力。
Also on SJ：「公司秘書 Company Secretary」 係秘書？唔好再搞錯
SJ 結語
發問是表現向上游動力，短期未必見真章，長遠你肯肯定爬升得最快。
原文為 SJ讀者投稿 《我想做Com Sec，我適合嗎？性格篇(一)》，作者：卡比
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
