為什麼香港護士如此粗魯?

我想匿名Share薪酬資訊,並率先獲取 "香港+"職場攻略

假如你有幸從小到大身體健康,無乜機會同醫護界打交道,始終有一個機會,會接觸到護士朋友。

無錯,就係舊同學聚會

舊同學聚會中,以職業Define每個人的身分,已經係人生的一個必然,正如古代歐洲人的姓氏就係佢地的職業一樣,例如姓Smith的本身遠古時家族多做鐵匠。

但在各種真心聚舊/假意曬命以外,你會留意到唯獨是做護士的那1-2位女同學,多年過去,性格變得「巴渣」,無耐性,一言不合,就在一大張枱直接批評某在場的同學「你都On9」,然後下刪300字批評對方。

呢個時候你心底裡會問:護士唔係應該好善解人意嗎?點解咁粗魯架?

 

其實,香港護士粗魯,由來已久,而且係有Proper reasons。

首先,呢度講的香港護士,正正係講絕大部分於公立醫院工作的護士,在私家醫院做護士會好一點,雖然都只係表面上。至於在私人診所,牙醫診所,獸醫診所等工作的護士或姑娘,以及在中醫,跌打館等工作的阿姐則不在此列。

 

大家要明白,在醫院工作,係一個點樣的概念。

根據SJ觀察,在芸芸政府工裡面,先唔講人工高低,最唔冗的一個工種,大概正正係護士。

 

當消防員辦公時間打排球Training,警察在差館食蛋撻時(當然,紀律部隊有其艱辛及危險之處,但普遍點都有清閒時間),以及無數在各部門的助理打Candy Crush時,護士從一踏入醫院到離開醫院的一個Shift,可謂無時無刻都在高強度工作。

 

公立醫院繁忙,向來都唔係咩新鮮事。但打從近10年左右直到最近一兩年,公立醫院爆滿程度同樓價一樣,去到危險水平。一個護士閒閒地照顧10-20個病人,而且長期做打針插喉洗傷口,甚至係協助阿伯去廁所之類的高度厭惡工作,而呢種Routine係連續8小時。唔好講笑,叫你8個鐘連續寫Proposal/回Email,都已經好攞命,何況係不停接觸噁心的事物,份工簡直唔係人做。

在如此高壓工作環境下,護士要同醫生/物理治療師/病人/病人家屬等周旋,本身要練就一身極高效率的好武功,講嘢無廢話,見到有錯立即指正,唔得閒慢慢同你禮貌地講解。畢竟,一人照顧20個病人唔係講玩,壓力就好似打機《Overcooked》最高難度的關卡一樣,唔容許慢慢思考,必須極速處理工作及經常發生的突發情況。

圖為公立醫院醫生

然後再加上輪更呢回事。未返過Shift的人唔會明白箇中苦處,尤其護士更表,係每日轉更所謂 APN (早更,中更,夜更),而非紀律部隊每星期轉更。 每日轉更係一個點的概念?大概係挑戰人類生理時鐘的底線,對身體的挑戰大概僅僅低於戰場前線士兵。

在這種工作環境下,其實難怪護士看起來「粗魯」,更準確可能係話佢地習慣分秒必爭,工作必須直接了當。而且,長期訓唔夠,人確實會比較容易動怒。

 

所以,下次見到好巴渣的護士舊同學,學會體諒他們的苦況吧!

 

SJ結語

老老實實,香港的醫護政策(一如大部分政策)真係亂咁龍。在如此艱難環境下,護士團隊依然緊守崗位(係窮啊XXXX),分秒必爭救人醫人,值得致敬。

感謝每一位香港護士,你地其實一D都唔粗魯!

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required


StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags: , ,

Comments are closed.