為何「Judge人」令你一事無成?

發達國家同地區的人普遍有一個壞習慣,就係容易先入為主,對人對事往往睇表面然後容易跳到一個結論,而且往往都係差的結論。例如,見人紋身,就假定肯定係壞人;見人衣著普通而非身光頸靚,或坐地鐵而非開Benz出行,就假定對方事業肯定無大作為。簡單而言,呢個行為可謂Judge人。

好多情況下,Judge人係無可避免甚至係有必要,例如,假如你夜晚走在旺角街頭,在後巷見到幾個金毛惡漢,而且見你出現立即怒目盯著你,則你如非必要,繞路走亦係保障自身安全的方法與常識。

然而,在日常生活,慣性地Judge人其實對你自己有好大影響,甚至令你一事無成。今次SJ就同大家講下Judge人有咩壞處,大家一於共勉之。

 

1. Judge人令你視野狹窄

正如以上所講,尤其在事業上,假如你因為同事/客戶/供應商等的外表或行為,而否定對手與你的合作機會,其實你潛在地錯過一些巨大機會,而好可能一直都唔會發覺。

例如,據說馬雲早年曾經去Pitch大陸一個VC,希望對方投資當年仲係好細未成氣候的阿里巴巴,結果對方因「馬雲外表長這個樣子,能有什麼前途?」而拒絕投資,結果馬雲繼而找到日本的孫正義注資。多年後這位大陸VC為自己當年的先入為主感到非常後悔,因為錯失的是數以百億計的利潤,而該為投資人後來亦在大陸出事落馬,則是後話了。

 

2. 你過於熱愛捉人錯處

有些人的工作就係要找錯處,例如老師改功課,呢個無可厚非。但假如你本身都習慣Judge人,日常生活都難免熱愛捉人錯處,甚至係朋友,家人,伴侶。彷彿在你眼中,任何人你都睇唔順眼,包括身邊關心你的人。咁樣做,只會將關心你的人都從你生命裡推開,令你孤獨一生。

 

3. 你Judge人 人地會以同樣眼光Judge返你

唔好以為講野無後果。你的一言一語其實好容易就傳到好多人耳中。你笑某同事係肥婆,咁你自己又係咪完美無瑕呢?

 

4. 你知人幾多野? 損人不利己的說話,何苦呢?

當你批評一個人時,其實你又知道對方幾多野?假如你嘲笑對方衣著老土,但原來他家境困難,簡直現代狄更斯一樣,咁你知道之後又會否覺得自己幼稚?嘗試有一點Empathy吧。

 

5. Judge人令你失去別人信任

在背後講人壞話,係令你破壞自己Reputation的最快途徑。 當你笑人On9時,其實聽者都會在想可能你都會咁樣講自己。久而久之無人會再信你。

 

6. 你唔會做到個好人

雖然成日話「Nice guys finish last」或者「無商不奸」,其實呢個係好短視。長遠而言,始終係好人的力量係最大,所謂仁者無敵,智者不惑,最終往往係好人+叻人跑得最遠,而非一味靠踩人上位的人。

 

SJ結語

你自己留意下:身邊的朋友,最成功的往往係最包容最Easygoing的人;而最中意Judge人的往往最Miserable。

Stop judging and start living!

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags: , , ,

Comments are closed.