常言道：搵食姐，犯法啊？
搵食的確唔犯法，亦非常合情合理。 大家都在職場打拼，人人都想向上爬，開單，升職，加人工，無可厚非。
但職場上，總有d契弟，永遠要麻煩到人先安樂。
呢類契弟，潛伏在各式各樣大小商業機構，擅長向上司擦鞋，與客戶拉關係
對他沒有太大利用價值的同事，通常直接漠視。
這樣本來無乜問題，反正人各有志。
但呢類人的最大問題，是做事極度粗疏，成日留低蘇州屎，要同事/合作夥伴 OT 幫忙執屎。
1. 同客戶over-promise自己做不到的project
呢類契弟擅長吹水，為求開單，把口信口雌黃，同客戶誇口保證做到3日內搞掂一個重大project，又話保證成功，保證造到 A, B, C 效果，自己從來都未做過又跨口經驗豐富，做過好多次。
結果接了單 case 後，大家你眼望我眼，簡直完全不可能的任務，面對這不可能的任務，稍有微言。呢類契弟就以project manager身份，淨係識叫你
“ 我唔理，總之同我諗掂佢！”
終於達不到效果後，一係要你幫忙點樣耍走個客，一係就係個客面前@$%^! 自己轄下的團隊，做場大戲。
2. 全日都唔講，等到你收工後先急call你叫你做野
大部份行業的工作都好predictable，起碼可以在deadline前最少3日predict到要做甚麼。
偏偏有一些契弟，自己全日係公司吹水上網。
但一定要等到你放工走人後，先急call你 (whatsapp 都慳返）同你講：
“ 麻煩你立即幫我查一查公司個database，然後做返將過去3年所有data 做返個excel spreadsheet，方便我今晚食飯後睇。”
呢個時候，你雖然仲係巴士在回家的路途，但已經知道，今晚食完飯後，準備開電腦做野。明明一早可以交低，本身可以在公司做完的事，卻總是要放工後才落Order，非常缺乏同理心 (empathy)。
Btw. 放工後，先比個whatsapp問，對方表示OK才打電話，是基本禮儀。當然，放工後及假期，本身就唔應該Order員工做野。
3. 講就天下無敵 做就錯漏百出 要你執屎
呢類契弟通常是屬於同級的同事，為博表現就將所有野攬上身做，但奈何總是錯漏百出。而且，因為同team，責任共享，身為同事的你，必須last minute 從新核對所有野，留下來OT，同從頭做過無分別。
即使對方知道你今晚可能book晒枱，約左人食飯，這種契弟還是毫不覺得羞恥地非常unapologetic地要求你務必留低幫手，而且通常語帶威脅，而不是懇求及感激：
“呢單野，無計架啦。我死，你都死架咋！ 你點都OT同我搞掂佢啊！”
4. 爭credit 搶光環
呢個現象非常常見，尤其在大公司裡面。哪怕這類契弟如以上做到錯漏百出，要last minute要求你幫手執屎，一旦project做成了，立即向全世界表明這是他個人作品，一點credit也不給幕後的這些 “工兵”。
5. 同一個message，有一千種表達方法，呢d契弟一定要用最難聽的方法講出來
正如以上，要求你幫手時，不是有禮地懇求，而是語帶威脅講
“呢單野，無計架啦。我死，你都死架咋！ 你點都OT同我搞掂佢啊！”
講真，就算你唔講，我都會留低幫手。你咁講，我只會更加憎你，以及交剛合格的功課就算，而不會拼命為你賣命。
同樣一個message，假如你nice d咁講，係推心置腹地懇求對方幫忙，可能在對方心目中留下截然不同的良好印象，甚至因這樣的OT 而增加了bonding。
SJ按: 出來社會10-15年後，會開始明白 bonding的重要性。人脈不只是那些本身的權貴，更包括了那些當年 “少年窮”，曾受你恩惠，終於自己也成為有實力之人。種下100個恩，他日可能有10個人報恩，已經是非常不錯的 ROI。
6. 賤格 小氣 心胸狹窄
人同人相處，自不然有時有矛盾，大部份都係溝通上的誤會，較少係真正有惡意。
但有種契弟，總把對方最少的事情，escalate到最大：
“ 條PK咁落我面，今次開大會我一定要整死佢！ ”
氣量小的人，最終都會被自己的性格缺陷所吞噬。
SJ結語
有人話職場如戰場，因為明爭暗鬥。
實際上，越多呢類職場小人的公司，越內耗而停滯不前。
相反，最ideal 的好公司應該大家都supportive而體諒大家，當然，這然的好公司又有幾多？
大家都可以睇下 SJ 呢篇文參考下：《StealJobs》2015年香港10大好工
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
