人生的Magical Moment:大學二年級

人生好多美好時刻,都係過去咗之後,先至知道原來係「可一不可再」。

其中一個咁既時刻,對好多人而言,就係大學二年級 Year 2 果年。

過後回想,可謂人生的一個Magical Moment,一個美好得不真實的神奇時刻。

 

Credit: 那些年

經歷過DSE或A-Level公開試的殘酷洗禮,以及Year 1在大學的Ocamp之類作為Freshmen的胡鬧與盲目的埋堆,大學Year 2的學生,終於完全洗掉「中學雞」的稚氣,卻又正值人生青春及自由的頂峰:

19 歲 20歲的大學生,已經熟悉大學環境,清楚邊的堂可以走,邊個Professor係Killer,邊個Hall又專長做咩運動。父母對你亦開始有信任基礎而開始(勉強地)放手,因為你「已經大個」,相信你開始成熟,而開始可以夜歸,凌晨2點返到屋企,父母都未必會同你吵架,只要你有交帶。

同一時間,相比起Year 3/4以及大學畢業後,你「其實仲細」,正如師兄師姐會勸勉你:好好享受埋Year 2的時光吧,升上去之後,就要顧慮GPA,搵Internship以及將來搵工就業問題。

 

因此,Year 2有了新獲得的自由以及尊重,而暫時又未需要承受大人世界的一切壓力,可算係人生一個獨特的真空期。

Credit: aznpr7de IG

而且,Year 2的朋友,會同你一齊分享呢段Magical Moment的記憶:在大學圖書館頗為Half-heartedly溫書,之後一齊去Sports hall打籃球,打到夜晚再一大班人從寶翠園的電梯落西環食飯食糖水,吹水吹到夜深。第二日起身,又係沙宣道的宿舍一出門口就見到藍天白雲同一望無際的大海。假如讀馬料水大學,則是一大片青山綠草,同樣心曠神怡。

同樣一班朋友,在Year 2 時最無機心,最不計較,而且亦最無比較。幾個同學,只要大家傾得來,則在飯堂破冰,然後一齊參加各樣活動,終於成為大學裡互相依靠的好朋友。

 

假如有幸去外國Exchange,人生的這個神奇時刻更見明顯,例如在英國初夏,與幾個同樣對讀書有一定執著,而又唔算係Nerds的朋友,在青草地及湖邊野餐,從八卦瑣碎事開始聊起,到越見Intellectual的對話,例如人生理想及追求,甚至就歷史與時事進行Friendly的辯論。

 

這些一切美好場景,在Year 2期間,彷彿永不打烊,每日就係咁日復日,每晚都期待第二日會同朋友去邊度食飯去邊度玩,而呢個亦係Year 2人生幾乎唯一要考慮的問題。

而且,Year 2亦係「You have your whole life ahead of you」的時刻,充滿潛能與無限想像。好似清晨6點鐘的街道,清爽而且充滿未知,反正一日才剛剛開始而已。讀BBA的,將來可能成為Banker或改變世界的企業家?讀Law的則可能成為頂尖的大律師,即使讀教育,將來一樣可能會成為出色的教師。

Credit: Internet

然而,天下又豈有不散之筵席?打從Year 3開始,你便會開始感受到大人世界壓力的殘酷,繼當初DSE後,你再一次面臨優勝劣敗的淘汰制度。身邊的同系同學,有人將會Dean’s List畢業而加入頂尖企業或出國到到Oxford讀Master,也有人爛Grade而畢業都成問題。但絕大部分人,則在中間的「唔錯」的區域,卻又與平庸所差無幾。你與這些好朋友,亦很快四散東西。

你開始更加了解自己的能力:原來自己並沒有自己當初想像咁叻,並非人中之龍,最多只是中上而已。讀書亦感受到一定壓力,唔好話First Hons,要維持中上GPA過3,原來已經唔簡單,絕對並非必然,而亦第一次感受到人生呢種「逆水行舟,不進則退」的情況。每時每刻都要奮發向上,否則遲早亦退下來。呢個,基本上就係大人世界的「機制」了,原來並無Magic,一切回報,其實都要付出。

 

正如SJ《如果20歲可以重來》所講,好多人在大學這「高峰的快感 剎那失陷」,之後一世人都無辦法recover過來,終於落得平凡,卻又容易心有不甘。

但無論點都好,前途固然自己掌握手裡,哪怕有一天你飛黃騰達,大概依然會回味大學Year 2這奇妙的一年,以及過去那些好朋友,雖然他們部分如今已經千里之外,其餘亦慢慢疏離。

那動人時光,不用常會看?偶爾回味一下,其實都係一間賞心事,或許亦已經足夠。

 

SJ結語

《櫻花樹下》

人置身這大時代 投入幾番競技賽..

秒速之間變改 小小世界
眷戀也許走不過 拆卸的街
少女亦隨年漸長 走得多麼快

 

你的Year 2朋友,如今依然是好朋友嗎?

《小伙子》

散席了方知 好光陰往往流逝悄悄
揮發掉了 很多很多經典…

路途上已沒有那位他給你共勉
當奮鬥失去價值時
成長逃離伊甸 閃星星已流逝悄悄
瀟瀟灑灑繼續譜寫你故事

 

或許,還是Move on吧。

 

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags:

Comments are closed.