二十幾歲 如果唔奔波勞碌 其實都難有作為

無論係大學畢業無耐,定係畢業幾年,好多人往往處於一種疲於奔命的狀態,事業卻看似無大作為。

每個大學畢業生,尤其所謂神科或者名牌大學畢業的,都曾經係自己人生劇情的天之驕子:會考/DSE/IB高分畢業,在中學畢業時振臂高呼「阿媽我得左啦!」的畫面歷歷在目。

這邊廂同親戚朋友食飯慶功,那邊廂一回頭已經大學畢業,步入社會投身職場。

無論讀書時你係咩學會主席,又代表曲棍球隊比賽,GPA依然輕鬆過3,文武雙全談笑風生,出到來社會做嘢猛然發現自己不過係公司的底層,商業社會的一顆微不足道的齒輪,而且比你更努力(更願意OT) 更有天份(完美屈機) 的人,原來大有人在。

如是者過幾年,假如你夠努力,可能你會經歷過一個極度辛苦的階段:窮忙階段。

Also on SJ: 25歲才明白的10 個人生無奈

好多人以為成功可以一夜成名,其實除左極少數的天才型人物外,絕大部分人要成功始終係靠 「Hustle」:視死如歸式的拼搏,有前無後打死罷就,全攻型 ,Get rich or die trying。

開始Hustle未必係難事,大部分人「晚上想想千條路」雄心壯志,能夠堅持一排已經唔錯,但正如所有投資一樣,投資自己都係需要大量時間,先有可能有回報,亦可能無回報。

咁,你可能會問,人生仲值唔值得努力?

唯一答案:二十幾歲,如果唔奔波勞碌,其實都難有作為。

 

呢個世界無人可以保證你可以點樣過上更好生活,畢業後大學教授亦唔會記得你,你老闆亦忙於搵更多客,你老闆的老闆則忙於Budget以及睇大趨勢。歸根究底,你要在社會企穩,唯一方法就係令自己有實在的「利用價值」。

即使你自命不凡,20幾歲的你,定位肯定無可能係高高在上,即使你Sharp到超班馬咁款,肯肯定你都要經過奔波勞碌呢個階段。從研究到跑腿,Pitching到出Invoice一腳踢。你付出200%的努力,卻只換來50%的回報。

起碼,一開始而言肯定會係咁。

當你幾年過去企穩陣腳後,你先開始有資格去 Re-negotiate你的Terms。前幾年看似低回報的付出,其實往往係為了將來鋪路。假如提前離場放棄的朋友,將來其他人豐收之日,則只能眼巴巴看著自己的 「Could have 」。

據說 (香港其中一個最大的Urban Legend),香港多間大學都有以電視大亨命名的「邵逸夫樓」(Run Run Shaw Building),叫Run Run Shaw就係因為年輕時期的邵逸夫,創業階段不辭勞苦,自己從製片到送運一腳踢,經常親自捧著好多菲林來往各片場跑來跑去,因此得「Run Run」之外號。

當然呢個大家都知道係另有原因,但呢個Urban Legend可以傳得出來,可見其立論都未必完全無道理。

另一個故事 (呢個係真),就係年輕時期的李嘉誠,根據沈西城先生的文章,講到「…(年輕時的) 李嘉誠常來叩門兜生意。清初尤侗詩云——『遍地關山行不得,為誰辛苦盡情啼?』正是李嘉誠在西環經營一家小型塑膠廠時的寫照,他挽着公事包,裏面全是塑膠樣辦,每日親身到中環公司逐家推銷….」

天將降大任的奔波勞碌,由此可見一斑。

因此,20幾歲的各位,下次你覺得自己好辛苦時,不妨想想自己,想想他人,在社會中身為年輕人你最起碼的利用價值,就係唔怕辛苦,唔怕面懵,無面子包袱可言。

至於30歲開始,身體機能肯定開始下降,而且需要兼顧家庭責任,亦難再以「後生」的身分撞板依然有前輩指點,即使有指點,你的面子包袱可能會自動幫你Reject掉。因此,20幾歲靠「抵得諗」同「肯捱」,30歲後必須經歷「產業升級」而不再單靠 (甚至係不能再靠) 奔波勞碌,則是後話。

 

長大是甚麼?

「縱得不到諒解 堅守崗位接受 這叫長大

不要緊 隨成長得到瞭解 會越來越快」

 

Also on SJ: 人生由「散仔」邁向「中產」的8個特徵

SJ結語

Everything being equal, 你有幾「抵得諗」,將來你的成就都會有幾高。蹲下,是為了跳得更高。

如此道理,唔係個個聽得入耳。

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags: , , ,

Comments are closed.