最近大台鮮有地有套劇《不懂撒嬌的女人》唔太失禮，仲令唔少香港(女)人頗有共鳴。
一些平時只睇美劇，在PURE做Gym時只聽BBC Podcast或Spotify外國流行歌的女精英，竟然在Facebook上Share有關此TBB劇集的新聞並加上看似感觸良多的點評。
劇集大概講述一名女強人 「Mall姐」，自小缺乏家庭溫暖，好細個已經一心認清人生目標：忘記甚麼感情 (無論是親情，友情甚至愛情)，反正任何人都不可靠。自己一定要奮發向上，因為只有自己的事業與成就，才真正屬於自己，也才真正有價值。
Credit: TVB
Mall姐也憑著自己倔強性格，化身工作狂，以及憑著千錘百鍊的頂級工作能力在職場扶搖直上，成為公司高層的人生勝利組，卻又冷待了身邊人，包括男朋友也幾乎被嬌嗲的台妹搶走。得到所謂成就，卻茫然發現自己活像一個機械人，不苟言笑。
Credit: 29+1
撇除呢套劇膠唔膠，是否Overrated，卻又活生生地將香港近年的「剩女現象」呈現在螢光幕前。除此劇以外，最近由周秀娜主演而在本地文青圈子頗受好評的《29+1》都探討類似現象：邁向30歲的周秀娜，在公司拼搏工作終於上位，卻與拍拖多年的男友漸行漸遠。
大家又有否察覺，近十年來香港真的越來越多女強人「剩女」？
當然你可以話男女平等，點解只講剩女唔講剩男。
但唔可否認的是，Like it or not，普遍來說（而且政治不正確地說），相比男人，女人的「適婚」年齡比男人短。
很多中學及大學時期品學兼優而頗受歡迎的女生，出來社會工作後，一年一年過去拍過幾次拖，卻始終沒有遇到「The One」，在踏入「三字頭」後可能性更加急劇下降。尤其在25-29歲，看著身邊的女友人一個一個求婚，影婚紗相，結婚，生BB，還沒有「The One」對象的女生容易陷入掙扎：一方面想自己都早日找到自己的真命天子，另一面說服自己「兒女私情無乜大不了，都係工作至上。乜都假，買到樓先算啦！」
呢個情況，唔係講女版毒L，而係講同樣有上乘人際社交能力，朋友多多，活動興趣多多，又行山又玩Yoga又跑渣打馬拉松，而且既有一流工作能力，外貌雖稱不上女神但總算五官端正，偶爾影啱角度放上FB / IG 仲可以呃返一百幾十個Likes的Work Hard Play Hard 型女強人。每日工作同興趣的行程極度緊湊，時間永遠不夠，卻也非常充實。
長路漫漫是如何走過？一日一日就咁過去，唔覺唔覺就29+1。
其實，她們並非沒有吸引力而缺乏追求者，但係睇得上眼的優秀上進男人，卻一早已經Settled甚至成家立室。對自己有興趣而且有緣分碰面的，卻總是騎騎呢呢，唔知想點。直到某一日，連自己阿媽，都同自己講：「女啊，你都唔細啦，你老豆以前有個夥計有個阿哥，佢個仔係政府做康文署，都三萬幾蚊個月架，起碼穩穩定定。不過就到而家都未拍過拖，係怕醜少少不過聽講幾好仔。不如搵日食餐飯認識下。」
在多次拒絕這樣的Offer後，終於去了一次相睇，卻發現係世紀大伏：100毛個Dickson相比來講已經好正常。從此，你發誓以後唔再去任何相睇。
或者世界都係唔公平，反觀一些不甚了了的中學同學，卻又一早找到自己的真命天子，反而自己的那位卻如普選般遙不可及，而且自覺機會日漸渺茫。
究竟，係因為揀左做女強人，所以找不到The One，定因為係找不到真命天子，才一心要做女強人？
或許她們自己都搞不清楚。
但可以肯定的是，係呢個世代，結唔結婚又有甚麼大不了？
2017年，早已經不是一個恐慌性隨便找個人結婚的年代。
女人自己一個，只要努力，一樣活得精彩。
雖然，走在人海，總是有點茫然。
SJ結語
職場Urban Legend：女上司，往往都係女魔頭，非常難頂。
究竟呢個係Stereotype定係真實情況？大家又有否親身經歷？ 歡迎留言分享。
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略