2017年的香港人，最中意就係恥笑「港女」同「父幹L」。
尤其係「港女」，因為被歸類為港女類別的女性，往往係現實，見高拜見低踩的代名詞。
當然，港女呢個term其實對大部份唔係咁樣的香港女性其實都好冒犯，亦為香港人內部都製造好多深層次矛盾。
其實，職場上有一個職業，正正就係咁現實，而且比咩港女有過之而無不及，呢個就係Headhunt 獵頭行業。
對於Headhunt，最近就有朋友同SJ分享一次不愉快經歷：
朋友A於大學某神科畢業，但礙於讀書時少不更事，做過一次神級公司Internship就覺得好悶，立志唔入行做某金融類工種。
畢業後果然走去追求一個「改變世界的夢想」，但幾年過去，只落得鍛羽而歸，始終都係回歸現實，入行做返個社會眼中的「精英」。
但因為A君已經搞花左CV，又無幾多個神級Internships，畢業後又做一些九唔搭八的工作，On paper A君既Jumpy，又缺乏對行業的Dedication，大部分頂級公司的HR基本上秒Del 這位A君的求職信及CV。
結果，A君只落得行內一間名不經傳的細公司的Offer，人工同某黑社會組織個名一樣： 14K (HK$14,000.00 未扣MPF)。雖然如此，A君憑著樂觀積極性格依然欣然接受，立志發圍。
A君有一位同行的好朋友，在大公司工作，月入三萬，經常有Headhunt的來電，介紹其他跨國大公司的跳槽好機會。反正獨食難肥，於是他便介紹其中一位外籍Headhunt予A君，並向Headhunt強烈推薦A君的能力與品格。
如是者，這位外籍Headhunt又Send Email, 又興致勃勃致電A君，做一次Phone interview。A君的英文也非常流利，同呢位Headhunt談笑風生一輪後入正題，Headhunt聽到A君公司的名字與公司地點後，已經興致減半，然後問到A君現時的人工。告知14K後，外籍Headhunt態度立即180度轉變，並帶嘲笑口吻問道 ：「你知唔知大公司同行幾多人工？ 起碼是你Double啊。」然後Headhunt便火速找機會，有禮貌地Cut線。
事後，A君亦Send一個Follow up email並附上最新的CV。可是，之前熱情的Headhunt早已不再，簡直膠都費時比的態度，完全無回覆。
Credit: Pinterest
之後隔左2年，A君一直超努力工作，工作能力可謂一直跑贏大市。
到某一個平常的星期五下晝，工作稍為輕鬆的一日，突然收到一個印度口音的英文電話，表示是外籍Headhunt的同事，想了解下A君的近況。
對於印度Headhunt查家宅式的問題，A君一一如實告知：依然留在當初的細公司，但暫時無打算跳槽，而這2年間公司規模大了1倍，接了一些Projects。當然，以行內角度來看，呢種公司規模依然係細到粒塵咁不值一提。但重點來了，A君如實告知印度Headhunt自己現在月入是 HK$75,000.00左右。 聞言，印度Headhunt立即以印度口音的英文在電話聽筒的另一端喃喃自語，「…確實與行內頂級公司同級者 on par，甚至更高…」
印度Headhunt立即熱情十分地向A君推薦行內幾間鼎鼎大名Tier 1公司的職位，並以「介紹返」的口吻，誠邀A君「雖然我知你無意跳槽，但不如出來飲杯咖啡慢慢傾，可以了解下先！」
電話收線後，A君先猛然醒起，原來係當年超串的外籍Headhunt的同事，並暗付 「乜呢個世界真係咁現實。」
SJ找來做Headhunt的朋友解釋，原來Headhunt就真係咁現實，雖然都唔怪得晒佢地，因為呢個亦係Headhunt的生存之道。
做Headhunt，可謂100%是為他們的Clients服務。他們的Clients，就是行內的公司。當這些公司告訴他們要找一個咩職位的人，年資要幾多時，呢個就係一個 「Mandate」，可以理解為一項任務。而且，據稱近年Headhunt行業，已經不流行Exclusive mandate。更多時候，係掟一個Mandate比好多間Headhunt公司。邊一個最快找到最合適人選(Candidate)，而最終被公司錄取的話，該Headhunt公司便可得該Candidate的1/4年薪作為佣金。
以上述A君例子計算，假如A君最終成功被Headhunt推薦的公司以月入HK$80,000.00錄取，則Headhunt公司可得24萬佣金。
如是者，要達到Profit Maximization，Headhunt公司便會以漁翁撒網方式，取得大量Candidates的CV與個人資料，越多越好，等公司可以慢慢揀。總之，bottom line係，Headhunt約掟得多有用的CV比公司，越大機會公司會有意錄取其中任何一人，於是Headhunt便越大機會成功完成呢項獵頭任務。
因此，只可以話，唔好怪Headhunt，這就是他們的本性，正如蚊的本性係要咬人吸血，或獵豹的本性是獵殺羚羊一樣。
事後，A君亦表示，其實無怪過外籍Headhunt的無禮，反正都係好小事姐。
Credit: Oak Taylor
能有如此氣量，做事識得分輕重，難怪A君收入跑贏大市。
其實唔止Headhunt，所有人本質上都係現實，只有程度之分。所謂 「弱國無外交」，其實同樣應用於人際關係。
風光時，自然有好多人出來認係你朋友。然而，只有遇到困難時，還在身邊支持的，才是真正的朋友。
所謂 你不強大，再多人脈也沒用，其實也是這個意思。
或許，這就是出來社會幾年後，其中一個最深切的體會。
SJ結語
講開又講，SJ認識其中一個未到30歲，而又月入接近10萬的朋友，就是做Headhunt的。
個市好時，真係發到豬頭咁。
關於Headhunt行業，SJ早前亦有一篇Job review：
Also on SJ ： 你不知道的獵頭公司 headhunt 內幕
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
