在文明社會，要懲罰做錯事 (或者只係你不認同) 的人，除左「殺無赦」如此弱智下策，更好的做法大概係罰對方食五仁月餅。
或者，大家都有一樣的經歷：
那一年你十七歲，臨近中秋時節，有一日你剛放學返屋企，阿媽興致勃勃叫你：「開左盒月餅啊，自己拿來食。」
當你打開鐵盒將月餅放進口中，味蕾正在期待蓮蓉及蛋黃相互爭艷的味道時，卻只有一股味道像過期豬肉，口感好似一堆碎石，又果仁又金華火腿，而且又鹹又甜的 「一Pek野」 。性格堅毅不屈的年輕人，就會頂硬上咀嚼吞掉。但絕大部分90後，正如長輩所講 「正一廢青」，無力消受只能連忙吐出來，部分人甚至會有作嘔感覺。
後來你才知道，呢舊極品就叫 「五仁月餅」。
的確，人類文明長的幾千年，短的都幾百年。人類文明其中一個最Pivotal的時刻，就係學識生活煮食，為的除左係唔好咁容易食物中毒，更加大的動機可能係為左令食物變得更好食。
幾千年過去，無論係印度的咖哩，華南的點心，四川的麻辣，日本的壽司，以至西方的牛排與鵝肝，全部都係汰弱留強的美食。即使出名劣食的大英帝國，他們的Fish and chips與 Yorkshire Pudding，加埋各樣精心炮製的醬汁，都總能勾起人類味蕾的愉悅神經。
唯獨華人的五仁月餅，簡直係期待與現實最大落差的一種食物。根據SJ非正式統計，除左老友記外，基本上無任何人係中意食五仁月餅，後生仔女甚至係聞五仁色變。領教過五仁的，之後基本上都唔想再重複食五仁的恐怖經歷。
究竟，要有幾反社會傾向的人，先發明得出五仁月餅呢？
呢個問題，或者應該留待食評家考究。
但可以肯定的是，「再唔聽話，就罰你食五仁月餅」呢句話，可能係一個細路仔，由父母口中和平理性非暴力而又最有效的一句警告。只要細路仔食過一次五仁，大概終生都會記住呢個經歷，以後有種自我保護機制，一聽到「五仁」呢兩個音立即打晒冷震，類似近代教育學者所講的「震撼教育」。
當然，即使呢個世代，都有唔少父母依然選擇對自己仔女喊打喊殺，甚至真正施加暴力。有唔少人亦主張，細路始終要打。但假如可以嘗試以食五仁月餅，作為代替毆打的懲罰，亦未嘗唔係一個更Light-hearted而且可能更有效的方法。
正如呢個社會，即使道貌岸然衣冠楚楚的成年人，如果只懂喊打喊殺，亦不過係斯文敗類。
如果可以好似肥彭咁講，大家嘗試溝通，即使唔同陣營，亦可以坐低飲啖茶食個五仁月餅慢慢傾，起碼亦最少可以有一個Common ground：頂，好L難食，I’ll pass.
SJ結語
認真，有無人真係中意食五仁…? 有怪莫怪….
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略