最近鬧得沸騰的巴拿馬文件風波
牽涉各國政要使用離岸律師行，成立離岸公司及戶口
把自己的錢與資產藏起來
Credit: TVB
外國網站 Vox 以漫畫形式圖解此次風波
法律呢家野，其實唔難
故事主角：小明
小明品學兼優，係阿爸阿媽心目中的乖仔。
Credit: Vox, ditto for below
平時的零用錢，同埋小明做暑期工的錢
全部用個豬仔錢罌儲起。
但小明媽媽成日開小明個錢罌來睇，問長問短：d錢拿去買書就乖，拿去Neway唱k就鬧到飛起。
小明覺得好煩。
所以小明決定買多個豬仔錢罌…
然後拿去小明個friend：肥豪既屋企
肥豪住係長洲，肥豪阿爸阿媽成日掛住打麻雀
基本上唔理肥豪做咩野
所以，以後小明就將部分零用錢
放係肥豪屋企個豬仔錢罌幫手keep住
唔比阿媽知小明有幾多錢，或者用係邊
為左報答肥豪，小明間唔中就請肥豪飲支汽水
久而久之，其他同學都覺得呢個idea唔錯，可以避開阿媽耳目
費事阿媽日以繼夜 夜以繼日咁問問問
其他同學都找肥豪幫他們keep豬仔錢罌，上面寫住他們個名以作識別
肥豪間房 放滿曬呢d豬仔錢罌，d朋友定期來存錢同提款
有一次半次，朋友阿媽來肥豪屋企敲門，問話自己個仔係咪收埋d零用錢係度
肥豪阿媽繼續忙著打麻雀，採你都傻
而肥豪梗係同朋友阿媽講：呢度係我屋企，你無權入來架！
搞到朋友阿媽都好無奈
而個個朋友都請肥豪飲汽水 答謝肥豪幫手
直到有一日
肥豪家姐： 梁小姐
發左神經，入左肥豪間房自拍，而且影低曬所有豬仔錢罌 同埋上面個name tag
然後post上 Instagram 扼like
結果，所有朋友的阿媽，一傳十，十傳百
發現自己個仔原來收埋左d錢係肥豪到
呢個基本上就係 Panama Papers的風波了
其實
唔係所有錢都係有問題既
有d好似小明咁，只係唔想阿媽煩
但有d，就係為左唔想比家用，所以收埋d錢
有個叫 friend叫 “杭州仔” ，全班考第尾，聽講仲入埋黑社會
原來就將從同學仔偷返來的錢，收埋在肥豪屋企，費事阿媽問點解無啦啦有咁多錢。
有個仲醒目的，叫 “梁同學”，做左班長，收左一個同學 $5,000去提名他做班會主席。Again，他也將呢$5,000收在肥豪屋企，間唔中就拿幾十$出來打下機。
講返小明
小明阿媽很生氣
因為
1. 小明講大話 收埋左d錢
2. 小明會唔會都做左壞事 所以要收埋d錢?
所以，而家個個阿媽都好緊張
要問清楚自己個仔 d錢究竟點來
係咪正正經經做義工
定話 都係偷搶返來
如果係偷，就金翅仆佳鳥。
SJ結語
終極畫公仔畫出腸：
小明：政要
小明阿媽：傳媒 / 市民 / 在野黨派
豬仔錢罌：離岸戶口，離岸公司文件（用來比政要們匿名控股其他本國或別國資產）
肥豪： 離岸律師行 (Offshore law firm)，捍衛客戶與離岸公司保密與私隱
肥豪屋企： 離岸司法管轄區 (Offshore jurisdiction)，例如英屬處女島BVI，巴拿馬，開曼群島， Seychelles等
肥豪阿媽：離岸國家政府，一般來說乜都唔理，隻眼開隻眼閉。因為離岸國家一般來說無乜產業或者可出口的產品。而極大量離岸公司帶來的公司登記費用同相關稅收十分可觀
請肥豪飲汽水：公司登記費用（頗貴）同某些稅收 （大部分免利得稅）
同學阿媽敲肥豪屋企門： 外國政府調查機構，例如警察部門甚至FBI，絕大部份情況下，都無權勒令離岸政府提供離岸公司的文件。只能請求離岸政府提供資料，但好多時離岸政府就算同你合作，也會慢慢拖你。
“杭州仔” / “梁同學” : 使用離岸戶口收埋黑錢的壞分子
收埋錢唔想比家用：避稅/逃稅
其實，使用離岸公司的人，有些人單純地想有私隱，全部錢都合法得來
有些人想避稅逃稅
有些人則是收埋贓款
現在各國傳媒，瘋狂地研究流出的巴拿馬文件
查找本國政要，平時口裡說不，是否身體很誠實
開口埋口就講耶穌，其實係咪背後有做d不法勾當
這就是這次的巴拿馬文件風波有趣之處了！
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略