SJ前言： 在香港，眾所週知，幾乎無任何人的父母會真心支持自己仔女入「娛樂圈」，可以話係一個龍蛇混雜的圈子。
而且，所謂「戲子無情」。傳統來講，華人對「藝人」亦無乜好感。
更重要的是做「演藝事業」並非如醫生律師，甚至文員及Sales屎等，有相對穩定收入。
對於發明星夢的仔女，絕大部分父母會強烈勸諭他們 「正正經經搵份工好過啦」。
從IG / Youtube 開始
然而，係2017年呢個Instagram 年代，人人都可以係Youtuber，做網紅。行出銅鑼灣，隨手問個比較好樣的路人，分分鐘都一萬幾千個Followers。 香港的年輕一代，可能係比從前更加前赴後繼加入各式各樣的「演藝事業」：從IG或Youtube 業餘性質開始，然後開始接Job 做Model，唱歌，做演員等等。
Credit: Internet
對於18至22歲的後生仔女而言，尤其特別靚仔靚女果批，(網絡) 世界彷彿是屬於他們的。隨手Upload一張自拍相，用IG 的filter 加個effect，再寫句感性Caption，隨時又一千幾百個likes。當然，這樣的人氣是否能夠 Sustainable，則是後話。
然後無耐又有各式各樣的Agents inbox，話可以安排電影試鏡，出席品牌宣傳活動，拍平面廣告等聽起來非常刺激的機會。 據說，即使係未出名的 Model，假如個樣生得比較標緻，出一場品牌宣傳活動幾個鐘，袋幾千蚊不是難事。
正式入行篇：做明星
最刺激的，莫過於拍電影及唱歌的機會。
試鏡的經驗或許是最令人陶醉的：獲得某著名導演 / 電影公司出品人接見，難免又會幻想自己會否成為下一個林嘉欣或湯唯。假如有機會去唱歌的，則當然希望自己做到下一個陳奕迅。
Credit: 如果我是陳奕迅 這句話太吸引
通常呢個Stage的後生仔女會最飄飄然：自己返公司，所有同事都係靚仔靚女，開口埋口就係與自己有過一面之緣的某明星或導演，踩著高踭鞋出入片場與唱片公司，非常Glamourous 地活在成為巨星的美夢裡。
但非常遺憾地，演藝事業或許係全世界最殘酷的事業之一，或許比從政更甚。
事實上，娛樂圈也好，政圈也好，都充斥著很多一剎那的光輝的故事。
無論今日有幾風光，幾多個likes，沒有真正實力的話，明天就被遺忘了。
做明星 一定有天份 其次努力
從事演藝娛樂事業或週邊行業的人，都知道行內對幕前的人一概稱為「Talents」。
相比幕後的攝影剪片，甚至係導演與編劇等，幕前的表演者無論係歌手，演員定節目 / Talk show主持，往往需要有驚人的天份與極端的後天努力，才有機會得到一點成績。
鏡頭一開機埋位，演員必須立即入戲，主持立即滔滔不絕，歌手立即GEM上身「依啊～依啊～依耶！！」
呢種秒速人格分裂，將自己從現實抽離，再將自己完全代入劇本或歌詞裡的角色，其時絕不容易。
加上唔似英美國家，中學生好多會玩Drama，從莎士比亞名著開始演，很多人十幾歲便找到自己的Niche,找到自己的Talent。
相反，香港與華人社會缺乏對演藝的教育，後生仔女除左對老師與父母做戲講大話以外，基本上無乜機會練習做戲。 常言道，政治都係做場Show，但西方領袖場Show，確實做得好過香港呢邊班小丑太多，其時都可能歸咎於中學無教Drama。
除左天份與努力以外，係人都知道娛樂圈係可以好複雜。正如矽谷Facebook教父Peter Thiel講過：人生就係不停地Sell野，做醫生就係Sell醫療服務，做生意就係Sell你研發的產品，而做明星或政治人物就係Sell緊自己。
做明星同政治人物，相似之處就係都係Sell緊自己。
Sell自己，自己就係產品，問題係你Offer自己的幾多野？
有的人，會為上位同錢可能會 Offer 自己出席飯局。
有的人，會Offer 自己的原則，甘願擦鞋淪為鼠輩。
但有種人，卻只Offer 自己的演藝Talent，剛剛好不多也不少，將自己的演藝事業視之為一項認真的事業，一種Professionalism。呢種人係值得尊重的。假以時日，而際遇又不錯的話，呢種人最終會成為真正的巨星。
尤其係呢個越來越透明，而中間人(包括傳統傳媒) 被取代的時代，Talent與觀眾之間的距離，前所未有那麼近。有料無料，其實一目了然。問題係：唱歌的是否唱得好過張學友，拍戲的是否拿捻到果種底藴，做Talk Show的能否Talk得過陶傑？ 呢的都係先天Talent加後天努力，無得走捷徑。
或許正如最近爆紅的荷里活電影《La La Land》一樣，裡面的男女主角為自己分別的音樂與演員夢想奮鬥。 都經歷過那種自我懷疑的迷失低潮期:
“City of stars…Is this the start of something wonderful and new?
Or one more dream that I cannot make true?”
然而，經過多番努力，最終亦各自踏上星途。
有意入行的人，時刻要記住：Talent 與 Hard work 缺一不可。
當然，踏入巨星命途又是否更快樂？則作後話了。
SJ結語
有志做演員的，不妨參考下《La La Land》女主角Emma Stone的成長背景：4歲開始拍戲，現年28歲係全球最高收入演員之一。
你亦會明白點解Emma Stone咁屈機，好戲到一個地步令人彷如身在戲中。
你固然不能改變你的4歲，但起碼能改變今天，未為晚也。
假如人生如戲的話，那麼來吧，一於演一幕好戲。
獻給所有追尋夢想的人。
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略