在中上環，金鐘，灣仔等寫字樓商業區，日頭人頭湧湧，但一到夜晚7點後總是人煙稀少
因為對大部份打工仔而言，每日6點正已經 「鐘聲響起歸家的訊號」，一早逃離寫字樓
然而，對很多人而言，夜晚7點只係落樓食個quick dinner的時間，之後再返公司做野。
每晚7點開始，吉野家同大家樂呢類快餐，開始多西裝友聚集。
可能因為睇準香港人越來越遲返工，吉野家同大家樂近年相繼引入火鍋Set，幾十蚊就打到個邊爐，又肥牛又青口。 理得你話劣食又好，垃圾又好，幾十蚊打邊爐確實符合cost benefit analysis，ROI亦非常高，係good value for money。
當然，日頭的吉野家都已經係抵食之選，幾十蚊有「嘔井」，又係日本米，連SJ都覺得真係無得同佢鬥，雖然價錢有上升趨勢，但總算係窮L都勉強接受到。夜晚雖然有一樣menu，咩升級4啊果d，但晚飯限定的火鍋dinner set確實又係非常吸引。
每晚的吉野家，80%人都係單拖上陣，右手拿筷子，左手拿著電話睇劇或上網，耳朵帶著headphone，他們拖著疲憊的身軀，表情帶點無奈：當其他人開開心心返屋企食晚飯，再去跑步睇電視等時，他們可能是因為有個Project在趕，有個Con-call要開，有個在進行中的 all parties working session，只能落來食個晚飯，然後夜晚8:30準時繼續開始工作，估計走人時間係10:30pm。
可惜，正如大陸的航空公司一樣，香港人放工時間總是 Delayed。對很多人而言，人工升到$30,000開始，他們準時放工的大門已經 Gate Closed。
升職加人工固然值得慶祝，因為人生又向前邁進一步，但正如中學會考必讀的白先勇《 驀然回首》：「人生憂患，自此開始。」
當你月入$15,000時，你的工作就是朝9晚6，當然一樣有OT時候，但總不算多，而且你總有權把工作推回給上司，然後靜悄悄走人。
當你升到Manager grade (或AM Grade)，月入$30,000多少少，話多唔多，但責任就比從前大左10倍：你直接對客戶負責，直接對管理層負責，直接對下屬團隊負責。
以前，你可以抱怨上司，然後嘻嘻哈哈走人。
現在，你就是「上司」，雖然所謂上司，更加似係夾心階層：一樣要跟瑣碎事，因為下屬總是求其交d hea野出來，錯漏百出，而且又未senior到可以輕易叫得郁秘書或助理幫手；但同時肩負起run成個department的責任，甚至有跑數壓力。
晚晚落樓食吉野家，再返公司做野，就係呢種「夾心manager」，某程度係高不成低不就，可能係事業最辛苦的一個階段，都係一個有辱無榮，有責任無權力的階段。
呢個可能係人生事業最critical的一個階段：能夠上到$30,000的位，代表已經基本脫離窮L行列，而進入「上位」的預備班。這幾年間，有機會handle一些大projects。如果做得好好睇睇，而且條數夠靚，則可能事業一飛沖天，甚至像10年前的騰訊，進入明顯的「上升軌道」，由幾蚊雞升到幾百蚊，從散仔搖身一變成為老闆 MD。
相反，如果呢幾年做得麻麻地，則很可能代表 you are not cut out for it， 似乎你唔係太適合做leader，抱歉！事業的晉升前路可能止步於此。
因此，如果你有朋友都係經歷呢個階段，晚晚都食吉野家/ 大家樂，真係要多多鼓勵他們。雖然他們升職後，好像突然變到很忙，突然對大部份朋友聚會都淡然婉拒，偶爾也會看見他們去social的相，他們是否已經不再重視我們這班朋友，已經「唔識人啦」？
其實不然，他們只是在長期的緊張狀態中，他們看似意氣風發，實際上每天如履薄冰，小心翼翼，深怕一犯錯則前功盡廢，另一方面也必須無時無刻在努力奮鬥，才有一線生機。
係朋友的，就一直約他們，約到他們可以出來吧。為了朋友，that’s the least we can do.
SJ結語
其實人生，要真正活得好，談何容易？
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略