出來社會幾年，無論你是否已經成功踏上晉升的快車，人工同Title如火箭一樣上升，定抑話係依然平平無奇，甚至一潭死水日日做扮工冗員，一個常見的現象係你開始關心 「錢」 多於一切。
三五個好朋友出來傾計食飯，一個主要大話題都離不開某某舊同學而家做緊乜，撈得掂唔掂，大概搵幾錢一個月。假如話得一萬幾千，則哪怕係中學時期的籃球隊長男神，如今一樣在社會淪為落魄的失敗者。 如果話而家搵成十萬一個月，則哪怕係中學時期的Kai子騎呢怪，如今亦成為大家景仰的 識時務者俊傑。
在這段迷失時期，人生觀以及朋友話題就離唔開三個錢，所謂 「三錢主義」：
首先固然係搵錢，就正如以上所講。其次就係洗錢：你去灣仔邊間新餐廳食意大利菜，來緊考慮買架寶馬4系，定係年尾準備去北海道滑雪。 仲有就係投資錢搵錢，買騰訊定大笨象，要唔要撈底渣打銀行。
Credit: Fred Miranda
然而，這真的就是人生的一切嗎？
留意開StealJobs的朋友，都肯定知道StealJobs搜羅各行各業的工作情報，其中包括收入，工時，晉升前景，快樂指數等。
在快餐速食的年代，容易聚焦係收入呢個範疇。無他的，親戚朋友一講起 (尤其係長輩同大陸親戚)，就係邊個邊個而家搵幾多錢。 人生價值同收入及身家直接掛鉤。 即使唔理人地點睇，話人工唔重要絕地係呃你。月入萬七同月入七萬，係截然不同的兩個世界，後者唔一定要買車買樓，但起碼有個選擇。做到累坐的士返屋企都唔會覺得肉痛 (當然，月入七萬的工種，坐的士都好可能有得Claim)。唯一會話人工唔重要的人，往往就係想用低於市場價錢來請你的腦細，或安慰你的人。
但係，收入以外，有幾樣野都同樣重要，甚至Arguably長遠計比你而家收入對你人生有更大影響，就係以上所講的工時，晉升前景，快樂指數。
所有工作其實都係腦細買你時間，但究竟你份工買起你幾多時間，使唔使On call 36小時，呢個影響的除左你身心健康以外，仲有你同家人朋友相處時間，或者係Develop自己興趣甚至Side-projects的機會。至於晉升前景亦係人工反映唔到的：公司會擺幾多Effort去栽培你成為行業獨當一面的角色，而內部升遷的機會又有幾多，定抑話係只當你機器一樣Chur幾年Burn out就換人，呢個亦係同快樂指數一樣需要考慮的重要因素。
非常Ideally，你份工收入又跑贏大市，又可以6/7點走人 (或起碼唔好OT得太離譜)，然後做幾年又真係會變到好打得，公司內部晉升路徑明顯，而且上司同事又肯教又Friendly，咁呢份工就真心係好工。
一個人一日24小時，最少都有1/3在公司過，甚至更多。所以，有份好工確實係同人生的幸福感掛鉤。
正如早前一位SJ讀者高質留言，講到成功的定義，其實講得幾好：
「諗深一層，其實乜嘢叫做成功？係咪一個月搵得10皮野20皮野就係叫成功？都係幫人地打工啫。成功唔係話人工幾高，乜嘢Title ,而係一個價值觀。我覺得真正嘅成功，係自由，自主，擁有健康，時間，家庭，鍾意做乜嘢就做乜嘢，實現自己嘅夢想。」
Credit: Internet
當然，呢度所講的 “自由，自主”，正路計都包埋財務自由自主，而「鍾意做乜嘢就做乜嘢，實現自己嘅夢想」，亦需要一定程度的金錢。 但除此以外，其實人生所賺的錢，斷然並非終極目標，只係 A means to an end，但可能係個very important means。SJ同意真正的人生贏家，其實應該係 「自由，自主，擁有健康，時間，家庭，鍾意做乜嘢就做乜嘢，實現自己嘅夢想」， 而非單純地以錢銀論英雄。
尤其係香港地呢種地方，有份Comfortable的收入，然後依然有Work-life balance，放假去行山又得，去旅行又得，呢種工固然係正。而另一邊廂，假如你係 「全攻型」，夢想係做行業No.1 而將來買得起法拉利，咁你搵到份收入高又有晉升前景，但工時頗長的工，其實一樣係個公平交易。
最緊要係當年某政治人物參選口號：「有得揀，先至係老闆。」
雖然你工作上依然有個老闆，但你重奪人生的選擇權，呢個尤為重要。SJ團隊強調，呢度個奪字無暴力意味，只係代表對抗人生的最大敵人：唔係老闆，而係時間。 入左一份唔適合的工作，辭職亦係正常不過的小事，但真正損失就係你自己的時間，同埋公司的時間。
今日適逢中秋，不妨想想自己的目前為止的人生路徑，是否能夠追上自己的期望？如果係，恭喜你，請再接再厲。如果未達標，不妨認真考慮下自己人生前路。人生規劃最重要的，就係對自己100%坦誠：想做乜，識做乜，自己又可以做乜？ 呢個就係你自己才可能回答的 Million dollar question。
SJ結語
講到有份好工的重要，最近SJ團隊同各行各業的腦細同 Hiring manager交流過，唔少公司都非常自信，覺得自己公司其實係正野，想在SJ開返個專頁同大家介紹返。有見於此，SJ全新推出 ，由各行各業的腦細/請人代表自己寫返篇Review自己公司 / Department。如果臥虎藏龍的SJ讀者係腦細階層或想介紹返，可以去呢個Page submit 。
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
