SJ前言：一般人印象中的醫生都係來自《妙手仁心》的吳啟華與林保怡等，返工就巡下房做下手術，同病人/護士/醫生吹下水，然後就在Pantry同其他醫生互相關心下邊個中意邊個，再之後就「Happy Hour，我既！」。飲兩杯後就開跑車返屋企（酒後駕駛？），過著非常優渥舒適的中產生活。 事實上又係點呢？
最近港台《鏗鏘集》就將幾段關於公立醫院醫生的採訪片段放上網，短短幾日已經過百萬點擊，原因正正就係其中一Part《公立醫院醫生疲於奔命的一天》引來醫學界前線以及市民大眾共鳴：做公立醫院醫生，連踩30小時原來係家常便飯。醫生平時吩咐病人注意休息，諷刺地在呢個醫療體制下，醫生自己其實最日夜顛倒而且休息不足。損失的，除了係醫生的健康，亦係病人的權益。
立即去片：
看點1：醫生3個鐘要睇40至60個門診
即係每個門診病人只有3-5分鐘，醫生在短短幾分鐘，究竟有可否詳細地詢問病人病徵以及作出相應檢查及分析，似乎有點苦難，補救方案就係快快手Refer做病人去做各式各樣的測試，有殺錯唔放過。
看點2： 病人輪侯時間 超級長
無論門診的「工廠女工式」診症，定係專科的治療，據說病人輪侯時間都係超長。在香港，無錢 / 無買醫療保，一旦出事真係得個等字。所謂世界級醫療系統，其實可能僅僅係表面的設施。
看點3：片中工作經驗十幾年的政府副顧問醫生 月入10幾萬
數字來睇當然唔算差 ，但長期在呢種工時同壓力下工作，真係用自己的生命燃燒來照亮他人。
而且，值得留意的是，負責分配資源以及重要決策的醫管局CEO，年薪接近600萬。
Also on SJ： SJ文章 做醫生，食餐飯都扒唔到兩啖；SJ工作 政府衛生署Contract Doctor 合約醫生收入
看點4：工時超超超長
片中心臟科醫生連續工作30小時，到下午3點先食當日第一餐飯，仲要係食快餐。
影響醫生健康之餘，其實咁既精神狀態下病人都未必得到最好的醫療照料。
看點5：出咩事 醫生後果自負
片中心臟科醫生一邊食飯，一邊憤慨地控訴：在資源嚴重不足，醫生連踩幾十個鐘，假如出咩事，都係要前線醫生自己承擔責任，相反，負責分配資源制定重大政策的高層，卻不用負任何責任，仲繼續升官發財。
Credit: TVB 《ON CALL三十六小時》 － 現實中，未必可以咁人齊巡房睇病人?
SJ結語
能夠引起社會廣泛迴響，可見醫生確實承受一般人想像不到的壓力。
政府寧願幾百億幾百億起新寫字樓，卻對前線醫護的資源緊缺不聞不問。
其實，至少係呢一刻而言，香港並不缺乏新政府大樓，更缺乏的是對人才的栽培同投資，而呢樣野正正直接影響市民的福祉 (Well-being)。
歡迎醫護界朋友講幾句發表你的睇法。
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略