今日Long weekend前夕，SJ團隊平時就成日講職場點點點，今日講講輕鬆少少的話題：
約食飯，早午晚各種時間，各自有自己獨特含義。今次詳盡分析一下，視乎唔同人，咩關係，應該約幾時食飯見面。
1. 約早餐：最Energetic 充滿希望
約人見面傾正經野，最好的時段大概係約食早餐（Given你可以早起身）。一日最精神最充滿希望的時間，大概就係朝早7-9點之間。約人食早餐，除左比到對方你係「高效型」 的印象，更加有利於傾新Project時雙方都保持樂觀，皆因朝早就好似一個 乜都有可能的Magic hour。
PS. 據說在大學，約朝早9點的Lecture前食早餐，都撮合唔少情侶。其Magic可見一斑。
約食早餐合適對象：上司，客戶，合作夥伴等
食早餐適宜傾乜：新Project，創業或工作大計，如何面對具挑戰的難題
2. 約Brunch：星期六日慢慢Chill
除非閣下失業或者做Freelance，否則唯一可以約人Brunch就係星期六日。
在11點左右的時間，最適宜約1-2個好朋友在Cafe食個All day breakfast，尤其假如Hangover更加適合食重口味野中和一下。由於時間尚早，大部份餐廳都唔會太多人，可以靜靜地傾下計。而星期六日朝早，個腦好多時都未完全Warm up，所以不適宜傾太Intense話題，反而更適合閒話家常或吃喝玩樂之類唔使用腦的話題。
約食Brunch合適對象：好朋友，閨蜜
食Brunch適宜傾乜：閒話家常，所有「港豬」吃喝玩樂食玩買話題
3. 約午飯：戰鬥狀態 / 全日唯一Hea一個鐘
對大部份打工仔而言，每日1-2點的Lunch Hour係最期待時間：可以約埋同事/ 附近返工的朋友齊齊逃離公司，甚至「試新野」飽嚐區內各大餐廳美食，可謂打工仔苦中作樂的最佳例子。
Credit: Wikimedia
據說，會一齊去元氣食Lunch的，一定係真正好朋友。 你又有無呢種「元氣」好朋友？
同一時間，皆因1-2點全世界放飯，絕大部分寫字樓區如中環金鐘灣仔觀塘等等，全部餐廳都打仗一樣。有D餐廳要人齊先比入，有D就一食完就趕你走，亦有更多係逢Lunch都起碼要排20分鐘，真係唔明D人排完仲有幾多時間食野。 但正因如此，Lunch buddies更加需要有默契及團隊精神，因此通常為同事或老友。
Credit: Internet
約食Lunch合適對象：同事，老友
食Lunch適宜傾乜：講下公司腦細壞話，但更多時候係唔講野，快快手食晒個飯。
4. 約下午茶：飲啖茶 從十年前開始講起
下午茶同Brunch有一個共同點，就係基本上都係放假先有可能約到。但一個最大的分別，就係約食Tea，大家傾的話題往往更加天南地北。成日見的好朋友反而少約Tea，更多會係久別重逢的老朋友，例如中學同學，大學畢業後各有各忙一年先見幾次，但一見就起碼傾3-4個鐘都唔夠。通常呢種老朋友就最適合約食Tea，沖一壺英國茶，從中學往事講到近況，從最近的工作情況講到社會時局。此可謂有朋自遠方來之感，一大樂也。古今多少事，盡在笑談中。
約食Tea合適對象：久別重逢的老朋友，例如舊同學或外國返來的朋友
食Tea適宜傾乜：天南地北無所不談
5. 約晚飯：有講有笑
華人最重視就係晚飯，大家親戚朋友坐埋一檯通常就係呢D時候。
除左家人親戚以外，晚飯當然都適合一大班朋友聚會吹水，而呢種飯局亦通常係週末最期待的重頭戲：一大班人食放題或打比邊爐，嘻嘻哈哈將平日煩惱一掃而空。
約食晚飯合適對象：家人親戚，一大班朋友
食晚飯適宜傾乜：吹水，嘻嘻哈哈
6. 約宵夜/飲野：吹水又得 傾生意又得
宵夜時段又係一個好獨特的時間。如果話朝早係充滿希望而且頭腦最理性時間，宵夜時段可能就係一個人最感性，但又容易好消極的時間。
拿捏得好的話，宵夜/飲野時段，一樣可以同生意夥伴傾到好深入，但可能更多係回顧過去點解做得麻麻地，有咩遺憾。但呢種情緒好易陷入一種悲觀情緒「點解咁唔公平？點解懷才不遇？」，而且在酒精驅使下更具破壞性。
但亦有唔少情況，係雖然感性，但可以扭轉為理性檢討自身情況，以及探討對將來的展望。
當然，更多情況，係飲到貓晒啦。
Credit: Internet
約食宵夜/飲野合適對象：朋友，生意夥伴
食宵夜/飲野適宜傾乜：任何唔太消極同破壞性的話題
SJ結語
今日你又會約邊個食Lunch呢？
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
