出來做野幾年，一定會遇到一些奇形怪狀的同事。
其中一種，就係明明你無得罪佢，但在公在私都要「逢你必反」的契弟。
最常見的一個場景，是咁的：
一條Team幾個人做一個Project，當你提出任何睇法，任何觀察，明明係事實而非意見，「逢你必反」的契弟都一定要對你雞蛋裏挑骨頭。
你：「而家香港18-25歲後生仔吸收資訊主要渠道係上網，尤其係Facebook IG呢D社交網絡。所以我地會建議客戶主力做Digital Marketing，先從………」
契弟打斷你，然後以師奶八婆腔高速地反駁：「下，我覺得你呢個推斷唔成立LOR！ 你係點樣計『主要』架先。香港都好多後生仔會睇雜誌同報紙LOR。我以前做過XX雜誌其實雜誌Campaign個ROI仲高啦。我覺得你咁樣講唔Safe wor！ 一定比客剷你Lor，到時我地成公司都好麻煩Lor，分分鐘抽起所有廣告架啦。」
他們反駁你，往往基於你講出一些基本上係眾所週知的事實，然後質疑你無數據支持你的講法。然後搬出好多似是而非的論點，或以一些極低可能發生，而且即使發生影響唔大的Anamoloies，來完全否定你所講既呢D背景資料或者Assumption，繼而打亂你準備Pitch的方案。
當呢D契弟打斷你之後，就會自己提出一個「更加好的方案」，which is exact7ly你本身講果個。
「所以你個Idea其實唔Work 。其實我會建議做O2O lor，即係Online to Offline，用Facebook 去Generate一D noise先，然後再將呢D noise同埋討論，去引導雜誌報紙報導，但其實報唔報都無所謂，最重要係幫Client 直接轉化到Sales同Sign up。咁咪會work lot！ 嘻嘻！😁」
即使唔係開會時，例如幾個同事食Lunch或在Pantry吹水，當你講任何野，即使只係閒話家常，契弟必須繼續「逢你必反」，或者無論你講乜，佢都一定要講返自己一個類似故事，而重點係要贏你多少少，亦即係英文所謂「one-upmanship」 。
你：「今年聖誕我去北海道旅行，順便滑雪，果邊雪量夠多，好過東京市郊……」
契弟又打斷你：「下，日本好多輻射Wor。你去日本容乜易帶好多輻射返來，到時你好易出事Wor。 」
或者係：「下，雪量多點都係歐洲多啦。我個Ex以前年年都去歐洲瑞士滑雪，果邊D先係雪來架嘛。北海道差好遠Lor！乜你唔知架咩？」
其實，呢種「逢你必反」的契弟，往往係同你同級，甚至係低你半級，但點都要踩低你而抬舉下自己，而自我感覺良好覺得自己好Smart，覺得自己「最叻叻」，以為好快就到佢升職。可能亦或多或少當你係競爭對手，所以點都要踩下你先安樂。
一些質素低下的公司，往往充斥著「昏君型」的經理或Team Leader，就會好Buy呢種「夠Aggressive」的契弟，雖然他們往往分唔清 Aggressive 同 Ambitious的分別。
但好的Manager，其實應該睇到，呢種契弟自己的創意及分析能力有限，但就靠極Rude地打斷其他同事甚至偷橋，或講好多似是而非，而且可能他們自己都唔知自己講緊乜的論點。他們的存在會打擊公司團隊士氣，亦會令公司產品質素降低。
要對付呢種契弟，其實無其他方法。無論你如何忍讓，或含蓄地表達你的不滿，呢D契弟都會充耳不聞，甚至繼續洋洋自得：「扯～你自己講D野無料到吖嘛。咁你下次努力D準備 Lor！」
唯一方法就係直接開拖：「收皮啦！！！！契弟！！！！！！」 然後將他的文件全部掃落地。
講下姐。千祈唔好咁做。
唯一Work的方法，就係在所有人面前霸氣地講到明：「 你講既野其實無任何意思。麻煩你唔好打斷我，浪費大家時間。」
只要你咁樣講一次，呢種契弟以後都自動收皮。
因為契弟總是欺善怕惡的。有道理，從來都應該理直氣壯。
SJ結語
對付契弟，唔使用劍既。
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略