2019年6月的香港，意外地成為了世界焦點。在這一個月，相信大家都同SJ一樣，每日好似上癮般追踪新聞動態，關心年輕人的安全，更緊張香港這個地方的前途去向。
不論政見立場，相信絕大部分香港人可以認同的一點，係香港確實存在 “深層次矛盾”，而正正係呢D深層次矛盾，導致香港無日無之的撕裂與年輕人的絕望感。
所謂 “深層次矛盾”， 隨便都可以列舉幾個例子。 近期的警民衝突同埋條例修訂的爭議其實都只係導火線。 真正最深層原因，其實都係源於基本法45條同68條所容許香港普選特首同立法會，而又拖左超過20年至今，依然無下文，無著落。
就好似，一個男仔同個女仔拍拖10年，一講到結婚問題就顧左右而言他，死Lur爛Lur後就話 “結婚都得，但要簽婚前協議書先，仲要有以下條件：(1)……… ”
除此以外，另外一大深層次矛盾固然係香港的超級無敵極高樓價問題。 細細個讀常識，老師已經開口埋口香港地少人多，但起碼當時人人都可謂安居樂業。時至今日，月入3萬的香港人，可能連屯門樓都買唔起，連天之驕子如醫生律師AO都只可考慮將軍澳與沙田，可見香港人連基本的安居樂業與成家立室都變得奢侈。
Also on SJ: 將軍澳 日出康城 LOHAS Park 好住嗎
搞到咁，社會點會唔亂？ That being said，究竟香港年輕人可以或應該如何自處？
其實，選擇都係得去或留，但唔一定要好Sad。首先，大家最好將 “移民”呢個詞彙同概念從腦海裡刪除。
西方人只有 Relocation呢個概念，而即使 ” Emigration” 都只係法律詞彙而已，並無中文 “移民” 非走不可及離鄉別井的悲涼感。
假如你真心中意澳洲的生活，希望並成功Relocate過去，呢個固然可喜可賀，而定居足夠一段時間後拿埋永住權同Passport，咁法律上你就係澳洲人。
Relocate針對目的地的Pull factors, 移民針對身處地的各種不如意，各種Push factors。 單純厭倦香港深層次矛盾而希望離開，並不成熟，對自己人生規劃亦不負責任，更遑論對社會的責任 (下述)。
假如你決定留低在香港，或起碼短期內都唔考慮走，咁你要認真思考你如何在香港呢個社會安身立命。
有D人可以完全Sell out自己，拋棄所有自己相信的價值 (或者可能本身無咩價值觀)，呢D人固然升官發財無難度。 但假如你睇緊呢篇文，chances are你對一些價值觀有一定堅持，當然未必好激，但起碼有好多野，違背自己良心同信念的事自己真係做唔到，講唔出。
咁呢個時候，你要維持一個強大的內心，因為無論外面狂風暴雨，你要有自己心中的 balance，在日常的言行舉止及工作事業都可以維持自己價值觀的同時，可以在社會Survive and thrive。
呢一點好重要，因為每個人在社會都有自己的影響力，你事業與人生越成功影響力越大，越能夠影響其他人，反之亦然。
而且，你要明白呢場唔係一場100米短跑，而係一場42.2公里的馬拉松長跑。
另外一點就係明白呢個世界歷史軌跡的改變往往係多方面因素造成，係非常Dynamic的立體互動，推倒冷戰鐵幕的人除了柏林圍牆的學生，仲有一個阿伯名叫戈巴卓夫，咩叫Change from within，咩叫長線發展，自己好好參悟。
當然，以上所講係殊不容易，大事亦唔係每個人都做到。 社會上唔同人擔任唔同角色，但首先你的角色係做好自己，修身齊家行先，之後先到治國平天下。
明既就明，唔明既就好好參透。唔好迷失自己，你始終係你，腦海裡的東西無人可以拿走，而世間的世俗物質，依然唔好睇小，依然要寸土必爭。 杜月笙都話做人做事要人面、情面、場面，好多時確實缺一不可。
TLDR: 生命與前途十分寶貴，好好建立自己的實力，以生命影響生命，有能力改變自己才有能力改變他人。 大家努力吧，唔好放棄自己，唔好放棄香港！
SJ結語
我們都活在溝渠下，但有部分人昂首望向星空。
利申發開口夢。
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略