SJ前言：香港人眼中的潮州人，往往係老土的代名詞。原來，香港有成100萬潮州系人。究竟，點解佢地同我地硬係有的唔同，怪怪地咁？呢篇文同大家分析下香港潮州人的前世今生，也希望拋磚引玉，歡迎大家留言發表意見。
時至今日，香港尚存的傳統華人族群，主要分兩大語系：講廣東話的廣府人同埋講潮州話的潮州人。
雖然歷史書成日都話香港一百年來有四大族群：即客家、本地、鶴佬和蜑家（水上人），但隨著年月沖洗，係香港真正尚存的主要傳統華人社群其實只有「本地」與「鶴佬」。水上人大部份都上左陸地，而客家人的下一代則慢慢同本地人同化了。另外，其實也有一些為數不多的外省社群，例如上海人，蘇浙人等，但缺乏社群聚居性質而大部份與本地人完全同化了。
廣義來睇，所謂本地其實就係講廣東話 (粵語) 的廣府人，過去一百年來多數來自廣州及廣州附近的更大的腹地：南海，番禺，順德 （因地理文化相近，很多人又會統稱「南番順」）。
而所謂鶴佬，其實即係福建佬，因閩南語系是 H, F 不分的，F音基本上都讀成H音。以閩南語讀福建的「福」，廣東話聽起來就係「鶴」音。
眾所週知，潮州固然不屬福建，而係屬廣東。但其實潮州話同福建話同屬閩南語系，大致相通。情況就似正宗廣州話同附近的順德話番禺話相通，只是口音有所不同。
在文化上，東自汕尾，海陸豐，揭陽，潮州汕頭，西至福建一帶，據說同屬古閩族人的後代，風俗與語言相似。因此在香港本地人看來，「鶴佬人」包括了這批講野嘰哩咕嚕的人。
閩系人的分佈
當香港的主流即大概70%人屬於廣府民系時，即大概470萬人，其實另外仲有成120萬人係屬於「鶴佬人」，其中大部份來自福建或潮州。SJ呢篇文會特別focus on潮州人，因為認識太多潮州人了，福建人可容後再談。
香港的潮州人，最出名肯肯定係誠哥李嘉誠，除此以外仲有「榴蓮紅」(唔好笑，潮州口音真係咁) 等超級富豪。係香港人眼中，潮州人有幾樣野出名：
1. 團結
2. 惡
3. 做生意
呢幾個stereotypes其實不為過，而且也有解釋：
1. 潮州人團結係真的。潮州人本身普遍非常注重傳統家庭觀念，中意成族人住係附近，有個照應。香港的潮州人，環境較好的比較多住係西環一帶(李嘉誠早年剛發跡，就曾經住在西半山列提頓道)，潮州商會就座落在海味街德輔道西。起碼在香港，潮州人一見到就會相認，然後立即轉台講潮州話。哪怕來香港幾十年，潮州人也比較喜歡以潮州的名義來聚會，對家鄉事依然津津樂道。
相反，香港的廣府人，無論係順德定中山，來了香港基本上都極速融入香港本地文化，對「家鄉」意識淡泊。下一代更基本上是 Who f-king cares的心態 (perhaps rightly so)。
2. 潮州人惡，可能係個誤解，但容易理解。首先，潮州話(以及閩南語系)本身，對廣府人就等於越南話或泰文，基本上係 0% 識別度。而且，潮州話音節本身高低起伏，抑揚頓挫，加上潮州人講野普遍比較大聲，表情也非常肉緊。所以幾個潮州人聚起來講野，當你以為他們在鬧交，準備開拖打交之際，才明白他們原來只是閒話家常。
潮州人有「潮州怒漢」之稱號，其實更多是因為潮州人直腸直肚。相對於廣府人幾百年來在廣府大都會的 sophistication或南番順人在「魚米之鄉」的農田與魚塘之間深耕細作，細水長流，潮州的土地貧瘠，更多是出海捕魚。在漁船面對怒海，潮州人沒有說話含蓄的能耐，必須直接發出指令，一就一，二就二，非黑即白，唔好咁多廢話。潮州人講野，唔識圓滑，基本上沒有語言藝術，也較少語言偽術。(例如，2012年，李嘉誠係唯一到最後都公開支持唐唐的人，而順德人李兆基則一早轉軚。)
另外，留意下，大笑姑婆多數都係潮州人，例如黃翠如。斯文的大家閨秀，則多數唔係潮州人。
「我地係潮州既，佢話佢都係窩。唱首潮州歌來聽下！」
3. 潮州人做生意，更多係因為他們無選擇。潮州(或整個閩系地區)傳統來講，就唔係咩土地肥沃的富饒之地。假如廣州及南番順係中原的漢人，潮州閩南系地方則像關外一片荒蕪的遊牧民族。
因此，潮州人別無選擇，必須往外走。人到外地，更加沒有打工的本錢：直腸直肚及lack of sophistication從來都不利於打工。所以無論係做買賣，定係開間餐廳，潮州人在香港必須自己做起生意才有養家的可能。
久而久之，潮州人天生就有種使命感，一定要做生意，一定要做生意。連靚模周秀娜 (留意其直腸直肚性格，好typical潮州人)，幾年來賺到些錢，也立即開間賣bra的生意，而不是像大部份藝人全部買樓收租，從此可見一斑。
除了以上睇法以外，其實潮州人仲解釋了香港一些日常所見的現象。
以下有兩組電視劇，都係十幾年前的：
A. 《壹號皇庭》《妙手仁心》《尋秦記》
B.《少年方世玉》《我來自潮州》《我和殭屍有個約會》
你睇邊一組電視劇比較多？
相信絕大部分人，都會選A，都係TVB出品。
但香港的潮州人，基本上都會 overwhelmingly 選B。香港當年尚在的亞洲電視，其實點解一直仲有2，3點收視，有時甚至有6，7點，基本上都係香港一百幾萬潮州人口撐起的。
普遍潮州人的口味，與廣府人大不同。潮州人缺乏對美感的觸覺，也不懂欣賞那些《妙手仁心》醫生與《壹號皇庭》律師的夾雜英文的懶高級專業對白，卻自有一股往前衝的熱血，以及對自己較熟悉的鄉土情懷，所以基本上更中意睇亞洲電視。而正因為咁，大家一直懷疑亞視的3，4點收視是否真有一班人在睇，還是只是有時轉錯台也算在收視內，其實真係有班人，而基本上都係潮州人。
你話係老土又好，無taste又好，但潮州人其實本身都完全唔care呢的野。
他們care的其實很簡單，做生意，賺錢發達，光宗耀祖。僅此而已。
潮州人的快樂指數，可能冠絕香港各個族群，也就是因為他們這種簡單直接，向前衝的性格。
SJ結語
你認識的潮州人係咪咁的？
歡迎踴躍發表意見。
頭盔：其實都有好多潮州人唔睇ATV，而又有美感觸覺同埋中意打工。
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略