今日係咩日子，唔同人有唔同演繹同感覺，有人歡喜有人愁，一切盡在不言中。但值得留意的是，回顧過去20年，大部份香港人從遍地黃金年代，走到呢個悲觀歲月。
有打機的人一定知道，同一隻遊戲，無論係Winning Eleven 定GTA或NBA 2k17，都可以不同Set難度，從「Easy」到「Intermediate」到「Difficult」到「Very Difficult」。如果北歐同加拿大屬「Easy」，美國英國等屬「Intermediate」，而伊拉克敘利亞等屬「Very Difficult」，香港大概屬於「Difficult」。
以大環境來看，2017的香港，雖然香港無戰亂同饑荒，行出條街整體算安全，但要經濟上充足其實真係幾困難。1997前的大學生，出來已經係天之驕子，即使係一般人，要買樓都唔算極度困難。
但2017的大學生，即使HKU神科畢業，要買樓都可謂難過登天。
2017年的香港，要買得起樓過稍為體面的生活，做個「中產」已經不足以過這樣的生活。
其實呢個除左大陸影響以外，仲有全球一體化下，來自世界各地的頂級精英同企業家(以及一些持巨額金錢來歷不明的人士) 過度集中在環球 Tier 1城市的問題。即使香港的前宗主大英，首都倫敦一樣有樓價高昂，本地後生仔難以維持生活的問題。
另一邊廂，確實有非常少數Top 0.5%，部分有幸食中 Globalisation呢條水，成為頂尖企業的一流國際精英，例如好似匯豐銀行收MT，入到Global Markets呢個Programme，比起入Regional Specialist 同Retail Banking人工高一大截，長遠發展更係差天共地。從個名已經見到，正如HKUST的 Global Business 與普通 BBA的差異，做個時時飛Business Trips的國際精英，同留在本地的員工，一間公司下，待遇就是兩個世界。
另外一部分，就係食中新經濟條水，從Valuation甚至融資額十億八億的Startup founders (香港本地都有，好似9Gag，Gogovan等)，以及一些本地略有名氣的網店閒閒地每月幾十萬Net Profit。
對呢兩類Top 0.5% 精英而言，確實即使香港係「困難模式」一樣無阻他們食得好住得好。
但另外99.5%普羅大眾，也包括了以前過得好唔錯的Top 30％，普遍面臨生活質素下降的問題。
SJ都有認識一些上述Top 0.5%頂級精英，他們普遍持有一種「鐵血」心態：「社會幾困難咁又點，你改變到咩？倒不如自己更加努力。」 同一時間，他們普遍對自己事業以外的事情，包括社會大事漠不關心，非常典型的「自掃門前雪，莫管他人瓦上霜」。
對於「鐵血」論調，其實同早前Wiki Wong的論調如出一撤：假如你埋怨生活困難，咁點解你唔更加努力，一個星期做7日，好似我當年咁？對好多人而言，呢種論調難聽過粗口，但大家亦容易忽略了可能自己真的不夠努力的事實：老一輩而又上了岸的人，無論你話係Old Seafood又好，確實唔少當年日做夜做，打2份工，根本無放假呢回事，更遑論旅行。相反，呢一代人，確實有唔少係完全放棄狀態，月入2萬5，就點都要使晒2萬5先安樂。
但同一時間，Wiki Wong一樣忽略了社會大環境難度從「Intermediate」提升到「Difficult」的事實。最近政府有公佈數字，1997年到2017年大學生人工中位數幾乎無升過，但1997年樓價到2017年，升左接近3倍。Stats don’t lie，從1997到2017，事實上係大部分人的Purchasing Power其實低左好多，生活質素自然低左，自然怨氣大。無論邊個係宗主國都好，或係左中右咩派別，負責Run政府的人，搞到香港人生活質素一鑊粥咁，其實亦責無旁貸。
所以，2017的香港，確實係「Difficult」模式。
但究竟係咪只可以悲觀面對？
先講政府同權貴應該做的：
首先，唔好咁離地。正如Wiki Wong，當年係幾好野，從零開始創立電訊公司，做香港對加拿大IDD業務，硬碰當時的惡晒香港電訊而贏得漂亮一仗。但時代確實唔同左，1990年的25歲後生仔，同2017年的25歲後生仔，從經濟到社會環境，都完全係處於截然不同的環境。最好，起碼講返少少人話。先Acknowledge呢個年代後生仔的困難，然後先再指點後生仔應該點做點做。
正如2017年的Wiki Wong，從新創業HKTV與 HKTV Mall，一樣損手爛腳，「每日蝕六十萬」。想到呢點，其實Wiki Wong都無需太快以「勝利者」姿態指點苦海浮沉後生仔。更應該做的，係以「大家坐同一條船」的心態，指引後生尋找Practical的出路。That, or keep your mouth shut altogether.
Credit: Internet
再講後生應該做的：
生於困難時代，日日被人屈機，即使係中產，連基本住屋需求，都隨時解決唔到。好似困獸鬥一樣，難怪大家怨氣驚人。
但同一時間，假如理性地想，假如生活艱難，確實都應該檢討下自己。正如StealJobs.com上面唔少工種，可謂一份牛工，工時長，無晉升機會，無乜出路。咁呢個時候，自然係應該自我增值，同時尋找更好機會，而唔係單純地Complain。
香港曾經係一個人才輩出的地方。但在2017年，確實容易被其他地方比下去。假如好似以上所講，在這個「困難模式」的香港，要頂尖企業的國際精英，同成功Startup Founders先有可能過舒適生活，咁或者更多本地香港人，可更努力嘗試成為這些國際精英同Startup Founders。
正如好多投資銀行同頂級Law Firms，越來越少本地香港人入到。有好多確實係被屈機：家底，人脈。但更多可能係被技術性擊倒，確實技不如人，無論對方係大陸人，星加坡人，印度人等等。香港的「廢青」文化係好搞笑，好過癮，好有同感同共鳴，但某程度大家亦容易變得消極，而在自己主場—中環，直接放棄同外來者競爭。
至於Startups，香港人對「STEM」意識，確實係落後全世界好多。全世界都知呢個係大趨勢，香港人都應該加把勁。唔講大家可能唔知，香港有個女仔叫Michelle Sun，本身會考9A，而家搞左間教小朋友Coding的機構，叫First Code Academy，Michelle仲入埋Forbes 30 under 30，以香港人來講，其實都幾好野架。
Credit: Michelle Sun – not that it matters anyway but 幾靚女wor
Credit: Daryl Chapman
無論行邊條路，在緬懷Pre-1997一切的同時，或許本地香港人要更尋回Pre-1997的真香港人有的一個特質：「爭氣」。Let’s start winning again!
SJ結語
無論幾難都好，香港始終係自己的家。點可以咁容易放棄?!
而且，香港人係打不死的，又點會咁易輸?
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
