2016年聖誕節又到，差不多又農曆新年。 香港各行各業慣常在農曆年前發放花紅，通常以額外N個月糧的人工為單位。想去旅行但又要供樓？其實都depends on花紅有幾多。 其實花紅多少很多時取決於公司本年的盈利狀況，當然，也有好老闆在困難時一樣出額外3個月糧，也有垃圾老闆賺大錢然後都不出任何bonus。此文分享一些嘗試預測花紅的方法，等你可以預先Plan定下年5月去日本賞櫻，定係返大陸參加短線2日1夜蛇齋餅粽團。
1. 探秘書口風
大部分情況下，秘書是個同時活在兩個世界的人。一方面，秘書是老闆的代理人，代表老闆執行老闆日常的命令，甚至代老闆宣佈聖旨，不時向下屬曉以大義。但另一方面，秘書其實都是一個打工仔，同你一樣都受老闆氣，甚至因為見老闆見得多，怨氣可能是全公司最大的人。
無論如何，秘書通常有最準確的一手情報。同秘書friend底，襯秘書心情好時，探下口風，問下靚女秘書妹妹/姐姐今年公司生意好唔好。呢個時候，聰明的秘書自然會對你娓娓道來。畢竟，歸根到底，她都是打工仔，係個自己人。
你可能感興趣：local firm律師行老闆最愛做的10件事
2. 觀測老闆言行舉止
呢個好簡單。假如你老闆在10月到1月呢段時間好似春風滿面，意氣風發，生意應該都不錯。自然出手都闊綽D。
但假如他呢段時間日日唉聲嘆氣，生意應該都麻麻地。分分鐘連年尾雙糧都無。
李嘉誠：人才是企業最重要的資產。真心地對員工好，他們才有歸屬感。
3. 茶水間物資的變化
茶水間是公司的宿影，茶水間阿姐呢排有無入平時的日本卡樂B熱浪薯片，定係改入味道同質感同狗糧差不多的 “XX仙貝” ?
見微知著，從小事件可以察見公司盈利走勢以至花紅狀況。
4. 聖誕佈置
今年聖誕節公司有否如往年擺一棵成層樓都聞到香味的真松樹，或起碼一棵大的環保聖誕樹上面掛滿燈飾。定係公司已經處於放棄狀態：放一棵45cm 高的日本城廉價聖誕樹 (no offence)，甚至不設任何佈置? 盈利狀況可見一斑！
你可能感興趣： 李嘉誠對年輕人的10句話
SJ結語
當然啦，以上只適用於那些做又三十六，唔做又三十六的 mid / back-office式工種。
對於買跑數類或performance based的front office工種，花紅問題則要問自己了：你呢年做成點，係幫公司賺錢，定係同公司倒米呢？
只要真心有努力的，SJ都祝願大家都過個肥年啦！
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略
