Burnout感? 係時候「轉行」的6大警號

每日24小時,其中有最少三分一都係工作。對大部分人而言,在公司的時間遠超於在家的時間(唔計訓覺。但當然都有好多人OT到無得訓),對同事或客戶多過對自己家人朋友。
面對工作事業的難題,有人會話「無計啦,搵食係咁」然後繼續頂硬上,亦有人會設法諗計轉行。究竟要堅持定係放棄,幾十先應該考慮要轉行?呢個從來都係一個兩難嘅問題。 今次SJ就同大家探討一下真正應該轉行嘅警號。

1. 由衷地厭倦工作性質

Credit: Sina HK

個個唔中意星期一,但有部分人比其他人更加唔中意星期一。打從星期日下午開始就有種不安感,到星期一朝早更加係極度痛苦不情願下出門口返工,然後成朝在公司都黑口黑面,呢種Monday Blue相信大家都唔陌生。
無論收入幾多,假如你由衷地厭倦工作內容及性質,其實好難做得耐。問問自己對於工作,係 1) 享受 2) 接受 定係 3) 忍受?
假如對工作內容無絲毫興趣,例如你明明好憎計數對數,但就做Audit / Bank / Engineer ;好憎文字,但就做律師 / 傳媒; 唔中意對人講野,但就做Sales / Headhunt / Agent,咁呢個可能係最大警號。

2. 置身於不能逆轉的「夕陽行業」

身處2018年科網大時代,以及全球一體化下的外判大趨勢,有好多行業都走向夕陽。好多工序以前需要人手做,要人腦分析,而家由機器同人工智能取代到。例如,做旅遊業訂機票的CS,在未有互聯網之前可謂暴利行業,如今卻被Hotels.com之類的幾百個網站完全自動化並將利潤通吃。在公司利潤與自己收入日漸萎縮下,而且係「結構性」而非「週期性」的下滑,難免要認真考慮轉行,或者起碼將自己升級。

例如做開旅遊訂機票的,可能要盡量將自己「產業升級」到做導遊等電腦短期內難以取代的工種。當然,即使係導遊,都面對市場萎縮的難題,因為後生仔女好少跟團,而「導遊」呢個市場再被「碎片化」,由KKDay等網站將導遊服務拆細再自動化變賣,據說公司收入已經破億。一邊好似係「夕陽行業」,另一邊就好似係「向陽行業」,但會否中伏? 而所謂「夕陽行業」又會否得到革新同復興,重回遍地黃金的年代? 呢個要自己認真思量出路了。

真正不能逆轉的夕陽行業,打個比喻,就好似1901年,一個叫陳五的人在北平拜師學理髮,學剃頭剪清朝的辮子,之後做咗10年,在行內開始略有名氣,而收入都唔錯,但一夜之間,清朝滅亡,再無人要剪清裝頭髮,咁點算呢? 唯有自己搵其他出路了。

Btw.  假如你仲未提交收入資料,快手啦:https://stealjobs.com/submit-review/

 

3. 辛苦到身體變差 人際關係疏離

Credit: Internet — Sleepless night in Hong Kong

 OT 到凌晨2點係咩概念? 相信唔少人都經歷過,部分人更加係經常地瘋狂OT。

假如OT後月入10萬8萬甚至更多,咁好多人都願意Literally「賣命」,心甘命抵。 但更多例子尤其常見於Marketing / Ads,係死磨爛磨晚晚11點走,間唔中仲要通頂,先不過係兩萬唔到起薪,之後N年後依然徘徊2-4萬之間,而且壓力沒有最高只有更高。

人始終唔係機器,長期咁OT或者高壓環境工作,對身體真係會有影響。最慘係,健康呢樣野,往往係Take for granted,失去後先懂得珍惜。 如果工作令你身體變差或者人際關係疏離,咁呢個亦係一個警號問問自己,係咪一路都會係咁?值得嗎?

 

4. 自己性格唔適合

所謂江山易改,本性難移。正如以上所講,假如你唔係一個外向的人,但又做Sales,本身來講就係唔太Compatible (當然,都視乎邊種Sales,唔係每種Sales都要同人Social )。

明明係坐唔定的人,如果強迫自己做寫字樓工,一樣係好似坐監一樣。所謂「搵到份好工同見鬼機會一樣咁低」,唔多唔少都係因為大家對自己本身認識唔深,或者唔肯對自己坦誠:究竟,你真正想做 (Do) 乜 ? 而唔係自己想做 (Be) 乜。

 

5. 睇唔到自己5年10年的發展空間

除咗行業走向夕陽以外,亦可能係自己本身的學歷 / 資格 / 背景 / 性格 所限。例如,在香港的日本人公司,除非係日本人,否則好難升到上管理層,呢個亦已經係公開的秘密。

假如你而家24歲,月入15k,你睇到自己5年後 10年後會有幾大發展空間? 觀察公司或行業的前輩,佢地而家發展成點?係咪你希望自己將來成為的模樣? 如果唔係,可能都要認真撫心自問。當然,假如你係「是但啦,反正都買唔到樓」的心態,則作別論。

 

6. 已經有其他更好機會

這些機會係咪屬於你的? Bottom line係小心有伏:本身做Bank 月入四萬,而家有間草創Startup話想請你做CFO,無疑係一場賭博,亦係將自己人生事業押注的大投資。唯有 Caveat emptor —- 買家自慎。

 

SJ結語

相對移民,轉行無咁多人探討。一個係 Geographical transition,另一個係 Occupational transition,兩者對人生無疑都有重大影響。人生苦短,做得唔開心或者做到厭倦,值得認真考慮前路。我地固然不能看清所有可能性,但多觀察,多思考,始終更大機會邁向人生更充實快樂一頁。

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags: , , ,

Comments are closed.