香港人講大學，言必「三大」。三大同非三大之間，彷彿有個不能跨越的鴻溝，好似三大以外的大學生就係二等公民。
其中，尤其嶺南大學，呢四個字據說對唔少中學生可謂如見鬼魅，求神拜佛起碼都入到Poly或BU。
其中一個原因，可能因為嶺南座落於香港大西北，傳統而言係香港的偏遠落後地區。
Also on SJ House: 新界西各地區好住嗎？
究竟，嶺南大學係咩真係一無是處？
SJ團隊採訪左幾位嶺南校友，其中有一位仲好傑出。嶺南大學有乜好？可以介紹返：
註：此文無贊助，非打手，放心
1. 與世無爭 遠離人間繁囂
相比三大或其他市區大學而言，嶺南大學座落新界屯門的天涯海角，山明水秀，青山綠水，遠離中環與市區的是是非非。
嶺南人，相比起港大普遍的(偽)ABC勢利眼，以及City人喜歡Self-portray的商業精英，據說普遍較Nice。
氣質比較相似的，竟然係三大的馬料水大學，皆因大家都不約而同座落在新界的村落，雖然時代變遷依然保留幾分鄉村氣息。
2. 有Hall 住 校內競爭細 資源多
唔知係咪因為嶺南大學比較少學生，據說LU校內競爭較細，資源充裕，例如想住Hall都基本上有得住，除非你自己唔住（100%有得住），無港大個類土地問題。
競爭無咁激烈，同學之間矛盾較少，無咁多明爭暗鬥。而且，相對港大而言，人在嶺大，只要努力，更容易Stand out。
相反，就算你DSE點勁，考入薄扶林，但當你真正做「天子門生」，站在「天子腳下」，難保你不被本地/Non-Jupas/大陸頂尖精英學生踩到喘不過氣。
3. 文科 嶺南係強項
唔講唔知，嶺大係香港唯一一所「公立博雅大學」，即係Liberal arts。嶺大前身係廣州嶺南大學，1888年創立，後來1940年代由國寶級國學學者將呢間大學帶到香港辦學，初時仲係做書院，後來先正式升格大學。呢個背景，都係同中大相似。
嶺南大學最強的，莫過於哲學系，其次係中文系。其中，美學同分析哲學學術成就，據說被譽為亞洲最頂尖之一，唔係講笑。
當然，嶺南出過邊位著名哲學家？
.
.
.
.
.
暫時可能未有，但每個時代的先行者，總係被當代人誤解，甚至落得寂寂無名。所以，過多一兩百年，就好可能唔同講法啦！
但點都好，在嶺南的氛圍，確實適合吟詩作對，思考人生意義。
4. 體育設施
讀嶺南，做運動一流。體育設施有泳池、田徑場、足球場、沙灘排球場、網球場，簡直一應俱全，聽講仲唔會好難Book，甚至參加運隊校隊，都比較容易入選，都係因為競爭細，資源多。識得把握，其實係度讀書會幾開心。
Also on SJ: City U 城市大學Admin 收入
SJ結語
人開唔開心，真係一念之差。爭名奪利的人，以及很多家長，一定覺得嶺南唔夠勁，一定要去HKU或起碼CityU先滿足。
但人生苦短，爭崩頭到頭來，往往又豈不是得不償失？ 爬到塔尖，亦其實高處不勝寒。
另一條路，則是過著莊周夢蝶的田園生活，每日用直鉤釣一條不知存不存在的魚。
然而，這又是否有意義？ 真係見仁見智。霍金都講過，假如缺乏工作事業追求，大部分人缺乏靈魂與目的，或者真正問題係你要追求到咩地步？
屯門，雖然係個偏遠地區，其實一樣地靈人傑。假如搵到自己定位，屯門定中環，本質上無分別，而港島亦有一大班失敗者每日自怨自艾。
Bottom line係，LU應該唔係好Shit，而人有料就去到邊都有料，正如古惑仔電影都有人嘗試由屯門殺去銅鑼灣做揸Fit人，你都可以，共勉之。
StealJobs全面透露各行各業人工，工時，晉升前景，以及入行攻略，歡迎匿名提供收入資料。
而家仲可以上埋SJ House ==> SJ House，一個網睇晒各區的住宅Rating，快D上來Rate下自己住緊個屋苑啦！
Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴，請按此聯絡本網，本網會盡快為您處理問題。以上內容僅為投稿者之個人意見，不代表本網立場，並非來自官方渠道，亦可能不準確，而評論亦僅限於投稿者對工作環境的意見及反饋，與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站，違者必究。
立即加入StealJobs@FB 更多90後上位攻略