對鐘錶Sales來講 「有無『熊貓地通拿』」難聽過粗口

過去幾年香港經歷超級大牛市,股市樓市升到巔峰狀態,而且受惠於QE後遺環球經濟亢奮,香港幾近全民就業。

有人歡喜有人愁,每個年代都有其贏家與輸家,何況係呢個打大經濟強心針的年代,對於贏家而言,例如有十數個物業收租個D,閒閒地月入幾十萬,帳面身家幾千萬到上億不等,又或者早幾年已經買落港股美股,身家早已以倍數增長。

Also on SJ: 同阿婆爭閱文? 其實美股先係「倍升股」聖地

因此,零售尤其係奢侈品銷售興旺,尖沙嘴銅鑼灣盡是各式各樣的名店。

在這個紙醉金迷的年代,Let’s face it,即使買唔到樓的「廢青」,其實隨便搵個後生仔賣保險或者做銀行,收入都可能都水漲船高4-5萬起跳,乾脆疊埋心水豪飲豪食,買靚錶跑車去日本旅行,寧願餐餐清都要「食得招積,遊得出色」。對於上述的本年代贏家,更加不在話下。

玩得起企業,上市,固然威。玩得起樓,買豪宅自助收租,一樣巴閉。對於男士而言,退而求其次,玩得起車,買架寶馬開下,IG FB都呃到好多Likes。再退一步,如果以上都玩唔起 (或者玩得起),玩錶都不失為一個陶冶性情的好方法。

玩錶,好多人都知道有瑞士「十大名錶」,其中又以Rolex 勞力士最為亞洲人熟悉。連陳奕迅首歌都話「勞力士無止境 活著多好 不需要靠物證」。 無論 ibanker定酒樓經理,點都要有隻「撈」旁身。

 

Rolex之中,又以Daytona 「地通拿」為勞力士錶王,多得當年一位巨星Paul Newman棒紅呢個系列,至今依然係Rolex價格企得最硬的系列。 除此之外,仲有 Submariner 系列旗艦級,成隻錶面係綠色,或者黑色,仲有藍色,俗稱綠水鬼,黑水鬼,藍水鬼等。話時話,香港人好少會買藍色勞力士,皆因「藍撈」「難撈」,意頭麻麻地。仲有,勞力士有所謂「金不敵鋼」定律,鋼錶比金錶甚至鑽錶更為保值,前者比後兩者更經得起時代考驗。

 

Anyway,兜得太遠,雖然係星期五Happy Friday,都要入正題。SJ同做錶行朋友 (肥過肥仔水) 傾開,面對眾多客人,最厭惡就係一入來就問「有沒有熊貓?」的大陸旅客,部分則拿住個小米Show張相,話要「找這一隻錶」。

點解? 因為Daytona呢款黑白款,俗稱熊貓,外型簡約而似熊貓眼,而受全世界錶迷追棒。正價其實以Daytona系列唔算貴,不過HK$95,000,但全世界市面都唔會搵到,而只存在於炒賣市場,據說2018年的「炒價」大概HK$150,000左右。即係,假如你可以從正式渠道買到隻黑白款Daytona,立即就得到HK$50,000利潤。

因此,首先大部分錶行都無貨,其次,有貨都等有緣人善價而沽。 對於賣錶人,固然都係商人而已,遇到認識行情的買家,甚至本身已經有所收藏,則可能幫忙打聽搜羅像熊貓呢D一錶難求的特色款。否則,假如你入一間陌生錶行,第一句就問人「我搵熊貓」,只會透露你對Rolex一無所知,甚至係運桔。假如立心不良的Sales,更可能看準你的無知,而落力Sell你一些多年賣唔出又貴的冷門款。

 

所以,唔好再問人有無熊貓地通拿啦!仲有,唔好買「藍水鬼」啊,比人笑架!

 

SJ結語

首先,你要肯使10萬買隻錶……

其實都幾無謂,但據說買對款,確實幾保值。不過,唔通好價真係邊賣家當咩?假如真係有閒錢,a big if,當玩下OK既。

關注高質內容,讀神科又想入行頂級MNC / Banking / Law Firm? 即時填妥以下表格,SJ將不定時推送獨家行業活動 (絕不SPAM)

* indicates required




StealJobs全面透露各行各業人工,工時,晉升前景,以及入行攻略,歡迎匿名提供收入資料

而家仲可以上埋SJ House ==> SJ House,一個網睇晒各區的住宅Rating,快D上來Rate下自己住緊個屋苑啦!

Employers who object to or otherwise wish to complain about the above content please contact us via email or press here. The above is mere opinion of the submitter(s) (not this website) only on the working environment of the said company, not from an official source, might be inaccurate, and in no way indicates the quality of any products or services or the level of competence or integrity of the above mentioned company and its staff. Unauthorised reposting of the contents herein is strictly prohibited.
如對本網任何內容有任何意見或投訴,請按此聯絡本網,本網會盡快為您處理問題。以上內容僅為投稿者之個人意見,不代表本網立場,並非來自官方渠道,亦可能不準確,而評論亦僅限於投稿者對工作環境的意見及反饋,與上述公司的員工或產品或服務質素或工作能力及品格誠信完全無關。未經授權切勿轉載以上內容至第三方網站,違者必究。 


立即加入StealJobs@FB 更多90後上位攻略

Tags: , ,

Comments are closed.